Ñe ewõr waam ejorrāān jen an kar walok mejatoto nana im tornado ko ilo Mae 24-27, kwōmaron tõbrak ñan jibañ eo jen FEMA. Eñin ej wāween am lale elañe kwõmaron tõbrak ñan aer lewaj jibañ ñan kõmmane ak bar wia waam wa:
Kein kajuon, bael ae juon claim ibben kombani in injuran eo am elañe ewōr juon am kakien eo ewõr kakobaba in ta ko rej kolla wonnen. Kakien ko ewõr kakobaba in ta ko rej kolla wonnen ekka aer kolla wonnen jorrāān ko ñan wa jen an nana mejatoto. Jibañ ikijen jorrāān eo an federal emaron jibañ kolla wonnen ta ko injuran eo ejab kollaiki ñan jabdewõt ñe ejab aoleben wonnen ko rej walok jen an nana mejatoto.
Ñan jinoe madmõd eo ibben FEMA, kwõnaj aikuj kamool melele ko laajrak:
- Wa eo waam ekkar jorrāān jen an kar nana mejatoto im tornado ko. Jorrāān eo emaron rekoot jen rijerbal eo an FEMA ej etale mweo imōm, ñe ejab kwõmaron lemaanlok leta in maron tõbrak eo am jen FEMA ñan jibañ kin ia eo kwōj jilkinlok peba ko.
- Peba ko rej kwalok ke waam wa eo ekoba jejjetin peba in am kar kadeloñ wa eo im taitol eo.
- Joñan eo ediktata ñan am kolla in bõk eddo kin jorrāān ibben injuran eo im ej kõtõbrak mennin aikuj ko an State eo an Arkansas ñan injuran ilo ien ear walok jorrāān eo jen an nana mejatoto.
- Ejellok bar juon waam wa kwōmaron kõjerbale, emaron kamool ke wa eo ekkar jorrāān jen iloan jikin eo jorrāān eo emõj kalikar – bukon ko ilo Baxter, Benton, Boone, Fulton, Greene, Madison, Marion im Randolph – im lelok juon peba in kammool jen rijerbal eo ej kōmman wa ej kōlaajrak wūnin an jorrāān wa eo, wonnen kõmmane jorrāān eo im elañe remaron kõmmane wa eo ak elañe ebañ emmone wa eo.
- FEMA ej ebõk kabe, innem jouj im kejbarok aoleben molin peba ko ibbam.
Aikuj ko jet ikijen wa:
- Ñe elõñlok jen juon waam ekkar jorrāān jen an nana mejatoto, kwōnaj aikuj jeiki juon kõmelele in kamool ej kwalok wūnin an rimweo imõm aikuji elablok juon wa eo ej jerbal. Likūt jete wa im jemlok ak melele in kamool eo jen injuran ñan kajojo wa ko.
Kanne ablikajon ibben FEMA
Madmõdin ablikajon eo an FEMA aikuj melele einwõt kakien ko an injuran im melele ko ilo paan ñan aer maron kaju lewaj jāān ilo akkoun eo am. Ñe ewõr am talebon im/ak internet, kwōmaron kanne am peba ilo wāween kein laajrak:
- Online ilo DisasterAssistance.gov.
- Ilo talebon: 1-800-621-3362 jen 6 awa jibbon - 11 awa boñ, awa in CT. Ewõr jibañ ilo elõñ kain kajin ko. Ñe kwōj kōjerbal juon kein ebōk melele ilo bideo (VRS), kein jibañ in bõk melele ilo talebon ak ilo wāween ko jet, lelok nomba in kein jibañ eo ñan FEMA.
- Download ae FEMA App.
Jāān in jibañ ko an FEMA rejab aikuj karoollok. Jibañ eo jen FEMA ejab kolla eowoj im ebañ jelōte am maron tōbrak ñan Social Security, Medicaid, ak jibañ ko jet an federal.
Emōj rōjañ am kanne peba, jekdoon ewõr am injuran. FEMA ebañ lewaj kolla ko emõj an injuran lewaj, bõtab armij ro rej kanne peba im edik injuran ko aer remaron ebōk jibañ ālikin an wōr jemlok kin claim ko aer.
Ñan melele ko āliktata lale fema.gov/disaster/4788. Lale akkoun eo an FEMA Region 6 X ilo twitter.com/FEMARegion6 ñe ejab Facebook ilo facebook.com/FEMARegion6/.