Yog koj ib lub tsheb twg raug puas ntawm cov cua daj cua dub thiab khaub zeeg cua thaum Lub Tsib Hlis Ntuj Tim 24-27, tej zaum koj yuav tsim nyog txais FEMA kev pab. Ntawm no yog txoj kev uas koj yuav paub seb koj puas tsim nyog txais kev pab kho tsheb los yog theej tsheb:
Qhov ua ntej ntais, xa ntawv thov nyiaj mus rau koj lub koom haum tuav pov hwm yog koj muaj ib tsab cai duav txhua yam. Feem ntau cov cai duav txhua yam yuav them rau cov nqi kho tsheb uas raug ntawm cov cua daj cua dub. Tseem fwv kev pab yuav duav cov nqi kho tsheb uas raug ntawm cov cua daj cua dub uas lub koom haum tuav pov hwm yuav tsis duav los yog duav tsis txhij tsis txhua.
Kom pib tus txheej txheem tso npe rau FEMA kev pab, koj yuav tsum xub nyeem cov lus nram qab no thiab phim cov lus no:
- Koj lub tsheb tau raug puas ntawm cov cua daj cua dub thiab khaub zeeg cua. Yuav tsum qhia txog lub tsheb qhov puas tsuaj rau FEMA tus kws kuaj tsev, los yog koj xa tau ntawv mus rau FEMA, es muaj lus qhia seb yuav xa cov ntawv qhov twg nyob ntawm FEMA tsab ntawv uas lawv xa tuaj rau koj.
- Koj yog tus tswv tsheb thiab muaj ntawv pov thawj tias koj tswv lawm.
- Yuav tsum muaj kev tuav pov hwm tsheb uas raws nraim li Lub Xeev Arkansas cov lus txib rau kev tuav pov hwm tsheb thaum lub sij hawm uas lub tsheb raug puas tsuaj.
- Koj tsis muaj dua ib lub tsheb uas koj siv tau, thiab lub tsheb tau raug puas nyob rau hauv ib lub cheeb tsam no - Baxter, Benton, Boone, Fulton, Greene, Madison, Marion thiab Randolph - thiab tau txais ib daim ntawv qhia nqi ntawm ib tug kws kho tsheb uas qhia seb tau raug puas li cas, yuav kim npaum li cas kom muab kho, thiab seb lub tsheb puas kho taus los yog raug puas tsuaj tag nrho lawm.
- FEMA lees txais cov qauv ntawv, es yog li thov khaws cia tag nrho thawj cov ntawv tseeb rau koj tus kheej.
Lwm yam kev toob kas txog lub tsheb:
- Yog koj muaj ntau dua ib lub tsheb uas raug puas ntawm qhov cua daj cua dub, ces koj yuav tsum sau ntawv qhia yog vim li cas koj tsev neeg toob kas ntau dua ib lub tsheb uas khiav tau. Yuav tsum qhia seb muaj pes tsawg tsheb thiab cov ntawv tuav pov hwm rau txhua lub tsheb.
Kev Tso Npe Rau FEMA
Kom thiaj tso npe rau FEMA mas yuav tsum xa cov ntawv xws li tej tsab cai tuav pov hwm thiab tej zaum cov ntawv txhab nyiaj kom FEMA thiaj xa tau nyiaj tuaj. Yog koj siv tau is taw nej ces muaj peb txoj kev tso npe rau FEMA kev pab:
- Hauv is taw nej nyob tom DisasterAssistance.gov.
- Dhau lub xov tooj: 1-800-621-3362 pib thaum 6 moo sawv ntxov mus rau 11 moo tsaus ntuj CT. Muaj kev pab hauv ntau yam lus. Yog koj siv ib txoj kev pab cuam tham xov tooj xws li lub cuab yeej kaw duab thaum tham lus (VRS), lub cuab yeej sau ntawv thaum tham lus, los yog lwm yam kev pab cuam, ces muab koj tus lej rau kev pab cuam ntawd pub rau FEMA.
- Muab qhov FEMA App txuas rau koj lub xov tooj.
FEMA cov nyiaj pub no tsis tas them rov qab. FEMA kev pab nyiaj no tsis tas them se rau thiab yuav tsis raug koj qhov tsim nyog txais txiaj ntsig Xaus Saum, Medicaid, los yog lwm yam txiaj ntsig ntawm tseem fwv.
Yaum kom koj tso npe, txawm yog koj muaj kev tuav pov hwm los xij. FEMA pub tsis tau nyiaj rau ib qho uas lub koom haum tuav pov hwm twb duav lawm, tiam sis yog tias txais nyiaj tuav pov hwm tsis txaus ces cov neeg tso npe tseem txais tau nyiaj ntxiv.
Kom tau cov ntaub ntawv nyuam qhuav luam tawm tshaj mus saib fema.gov/disaster/4788. Raws lub as khauj FEMA Region 6 nyob rau hauv X nyob tom X.com/FEMARegion6 los yog nyob hauv Facebook tom facebook.com/FEMARegion6/.