YouTube Video Here: Lahaina Debris Removal: Clearing the Path for Recovery
LAHAINA, Maui – Kalpasan ti uram iti kakaykaywan iti Maui idi Ago. 8, 2023, ti pannakadalus dagiti tedtedda ti puor ti maysa kadagiti kadakkelan a parikut kadagiti residente, negosiante ken dagiti ahensia ti gobierno bayat ti panagpapaimbag.
Ti U.S. Army Corp of Engineers (USACE) ket mision a dinutokan ti FEMA tapno mangileppas ti pannakadalus kadagiti residensial ken komersial a tedtedda ti puor.
Idi Ago. 2024 naikkat dagiti tedtedda ti puor ken dagiti dapo manipud kadagiti 1,390 a residensial a pagtaengan. Sa idi Sep. 2024, naiyakar dagiti propriedad iti County ti Maui apaman a nalpas ti pannakaanalisar ti daga ken pannakaaramid dagiti pamay-an a makontrol ti panagtebbag ti daga (erosion). Daytoy a nagpateg a naaramidan ti nangipalubos kadagiti miembro ti komunidad tapno makaaplaydan kadagiti permit iti bilding ken makairugidan nga agpatakder. Kalpasan ti innem-a-bulan a pannagpatakder, nakaakaren ti umuna a pamilia iti baro a pagtaenganda idiay Lahaina eksakto para iti Thanksgiving.
Ti pokus itan ket ti pannakaikkat kadagiti komersial a tedtedda ti puor. Iti agdama, amin a walo a komersial a propriedad iti Lahaina ket nadalusanen ken nairingpasen. Amin a komersial a propriedad ket naiplano a maileppas inton nasapa a paset ti 2025.
Bayat a malmalpasen ti pannakadalus dagiti tedtedda ti puor, makitan dagiti residente ti Lahaina nga in-inuten nga agluklukat ti ilida ken manmanon dagiti trak nga agibumbunag kadagiti tedtedda ti puor iti site ti Temporario a Pakaikabilan Dagiti Tedtedda ti Puor idiay Olowalu, West Maui. Apaman nga addanton permanente a lugar pagikabilan kadagiti tedtedda ti puor, ipaiyakarto ti FEMA dagiti tedteda ti puor sa maisublinto ti sigud a kasasaad ti temporario a site.
Adda espesial a konsiderasion a naipaay iti naisangsangayan a kultural buya ti Hawaiʻi bayat ti intero a proseso ti pannakadalus dagiti tedtedda ti puor.
Ti kultural buya ti Hawaiʻi ket nagpateg la unay a saantayo a mabalin a baybay-an idi agplanplanokami iti pannakaikkat dagiti tedtedda ti puor," kuna ni Joseph Grunditz, FEMA Debris Task Force Lead.
Dagiti staff ti FEMA ken USACE ket naaddaan kadagiti training iti kultura ken ti panagmonitor iti kultura ket kanayon a maikonkondukta iti site tapno masalakniban ti kultural a sanikua ti Hawaiʻi’s ken maikkan ti dayaw dagiti tradision dagiti Katutubo ti Hawaii. Adda dagiti na-hire a katutubo ti Hawaii, nga agnanaed iti Maui kas mammagbaga iti kultura tapno mangiyun-una iti pamuspusan.
Naannad la unay ti pannakaasikaso dagiti historikal a propriedad. Adda team ti USACE a mangtingiting iti tunggal patakder a historic landmark. Maysa kadagita nga estruktura ket ti Hawaiian Kingdom Courthouse a natingiting ken matarimaan. Kas project manager, impakontrata ti USACE ti 95% dagiti trabaho kadagiti lokal a kompania ti konstruksion, tapno masuportaran ti lokal nga ekonomia.
Kas pakadagupan, binigbig ti USACE ti 29 a historikal ken kultural a proriedad nga agkasapulan iti ekstra a pamay-an tapno maibangon ken maisubli dagiti bilding. Innem kadagitoy a propriedad ket napili para teknik a maawagan iti shoring and bracing a mangipalubos a mapreserbar dagiti nabatbati a shell a ma-restore. Uppat kadagiti nabigbig a propriedad ket nadalusanen manipud kadagiti tedtedda ti puor ken nairingpasen.
Bayat nga agpatpatuloy ti mision, ti FEMA ken USACE ket agatalinaed a naikumit iti lokal a komunidad ken positibo tii masanguanan ti Maui.
"Magagaranak iti pamay-an ti komunidad nga ibangon manen daytoy nagpintas nga ili," kuna ni Joseph Grunditz, FEMA Debris Task Force Lead.
Para iti kabaruan nga impormasion iti panangikagumaan para iti panagpalaing gapu iti uram ti kabakiran iti Maui, bisitaen ti mauicounty.gov, mauirecovers.org, fema.gov/disaster/4724 and Hawaii Wildfires - YouTube. Suruten ti Pederal nga Ahensia ti Panagmanehar ti Emerhensia (FEMA) iti social media: @FEMARegion9 and facebook.com/fema. Mabalinmo pay ti makagun-od iti impormasion maipapan iti tulong iti didigra ken i-download dagiti aplikasion iti sba.gov/hawaii-wildfires.