HONOLULU – Mangmangged ti FEMA! Makikadua iti grupo a tumultulong kadagiti tattao nga agkasapulan sakbay, bayat ken kalpasan ti didigra.
Agsapsapul ti FEMA kadagiti mannurat, liaisons, planners, historic preservation ken geospatial information specialists, ken digital communications specialists, tapno dakamaten ti sumagmamano. Adu nga empleado ti FEMA ti nangrugi iti karerada iti panangtarawidwid iti emerhensia, a timmulong kadagiti komunidadda a makabangon manipud iti didigra.
Uppat a job fair ti maangay inton Sept. 14—17 idiay Kahului, Lāhainā ken Wailuku, a mabalinmo a punnuan ti papel nga aplikasion wenno agusar iti kiosk nga agaplay online. Mabalinmo ti mangala iti balakad maipapan iti panagsurat iti resume-mo ken agsaludsod maipapan iti sueldo ken benepisio. Mangyeg iti umdas a resume tapno makaaplay iti adu a posision.
Dagiti petsa ken lokasion ti job fairs ket:
Thursday, Sept. 14 10 a.m. to 6 p.m. Kāko‘o Maui Resource Hub 70 E. Ka‘ahumanu Avenue Kahului, HI 96732 | Friday, Sept. 15 10 a.m. to 6 p.m. Lāhainā Civic Center 1840 Honoapi‘ilani Highway Lāhainā, HI 96761 | Saturday, Sept. 16 and Sunday, Sept.17 9 a.m. to 3 p.m. Maui Ocean Center 192 Mā‘alaea Road Wailuku, HI 96793 |
Dagitoy a temporario a posision idiay Oʻahu ken Maui ket mangrugi a kas 120-aldaw a pannakadutok ken mabalin a mapaatiddog agingga iti maysa a tawen. Karaman kadagiti benepisio ti sick leave, health insurance ken agingga iti 11 a paid holidays.
Tapno makita amin a silulukat a posision, bisitaen ti usajobs.gov, i-type dagiti keywords a “local hire” ken iserrek ti “Hawaii” para iti lokasion. Maited ti detalyado nga impormasion para iti tunggal posision, agraman ti sueldo ken benepisio. Amin nga aplikante ket masapul nga umili ti U.S., agtawen iti 18 wenno natataengan, ken addaan iti diploma iti haiskul wenno General Equivalency Diploma. Ti FEMA ket maysa nga Equal Opportunity Employer.
Para iti kaudian nga impormasion maipapan kadagiti panagregget a mangpaimbag iti uram iti kabakiran ti Maui, bisitaen ti mauicounty.gov ken fema.gov/disaster/4724. Suroten ti FEMA iti social media: @FEMARegion9 ken facebook.com/fema.