BATON ROUGE, LOUISIANA - Pandan Louisiana ap fè anpil pwogrè apre siklòn Ida, efò ini gouvènman an, sektè prive a, ajans nongouvènmantal ak gwoup imanitè pou satisfè bezwen sivivan yo rete djanm. Rekiperasyon apre yon dezas mande pou tout nivo nan gouvènman an, òganizasyon san bi likratif, biznis sektè prive, e menm sivivan yo - chak tire nan pwòp konpetans ak kapasite pou satisfè bezwen sivivan dezas.
Ironton, Lousiana - Ekip Asistans pou Sivivan Katastwòf yo (Disaster Survivor Assistance, DSA) te sonde tout katye yo, ede sivivan yo aplike pou asistans epi aprann sou pwogram ki disponib yo. Nou te kontakte plis pase 51,000 sivivan nan efò konbine ekip DSA yo ki te ale pòt an pòt ak moun ki asiyen nan apeprè de *(2) douzèn kominote nan tout eta a. Foto Julie Joseph, FEMA
Metairie, Lousiana - Entèprèt Lang Siy Ameriken (American Sign Language, ASL) FEMA yo ak yon entèprèt sètifye pou moun ki soud, ansanm ak Asosyasyon Moun Soud nan Louisiana, te ede sivivan ki soud oswa ki pa tande byen yo aplike pou asistans pou katastwòf pandan yon evènman kominotè. Anpil lòt nan aktivite sa yo nan wout pou asire asistans pou katastwòf disponib pou tout moun, ak moun andikape yo ladan tou. Foto Keith Jones, FEMA
Chauvin, Lousiana -- Manm òganizasyon volontè Lame Cajun travay san pran souf, kote yo bay plizyè santèn atik bezwen debaz pou sivivan ki pèdi prèske tout byen yo pandan Siklòn Ida. Foto Keith Jones, FEMA
Bayou Blue, Louisiana-- Sòlda ki soti nan 836th Sapper Company of the 176th Engineer Brigade (Gad Nasyonal Lame Texas) prepare debri vejetatif pou retire pandan operasyon netwayaj debri yo nan yon lekòl presegondè lokal yo. Foto Sèjan Agustin G. Salazar, Gad Nasyonal
Thibodaux, Louisina - Pou soulaje fado enstalasyon swen sante lokal yo ki pèdi bonjan resous aprè siklòn Ida, Depatman Sante ak Sèvis Imen nan Ekip Asistans Medikal pou Katastwòf Etazini a te bay sivivan siklòn yo swen medikal. Foto Julie Joseph, FEMA
Montegut, Louiana- Manm nan branch fanmi Pointe-au-Chien, ki gen ladan Konsèy tribi li yo, ak anplwaye nan ekip baskèt Houston Rockets te ede distribye don dlo, manje ak founiti pou netwaye bay moun ki afekte pa Siklòn Ida nan Montegut, yon vil nan Pawas Terrebonne. Foto Julie Joseph, FEMA
New Orleans, Louisiana - Espesyalis FEMA nan yon Sant pou Rekiperasyon Dezas tanporè (Disaster Recovery Center, DRC) nan Sant Rekreyasyon Milne nan ranpli aplikasyon, bay dènye enfòmasyon sou sitiyasyon epi reponn kesyon pou sivivan ki te afekte nan Siklòn Ida. Foto Julie Joseph, FEMA
Pawas St. Tammany, Louisiana - Pou pote sekou ak espwa pou sivivan yo, kontratè yo te travay pandan tout jounen an pou enstale twati tanporè sou kay ki te domaje nan Siklòn Ida. Operation Blue Roof (Operasyon Twati Ble) nan Kò Enjenyè Lame Ameriken te enstale prèske 9,000 twati ble nan kat semèn, bay pwopriyetè kay ak pwopriyete lokasyon nan zòn dezas yo ak tòl ranfòse ak fib pou kouvri twati domaje yo. Foto Bri Sanchez, Kò Enjenyè Lame Ameriken
LaPlace, Louisiana - Nan yon efò pou retabli yon sans vi nòmal pou sivivan katastwòf yo, Tide Loads of Hope te bay sèvis lesiv gratis pou rezidan LaPlace ki te afekte nan siklòn Ida yo. Foto Julie Joseph, FEMA
Donaldsonville, Louisiana - Kò Enjenyè Lame Ameriken an sipòte Misyon Pouvwa Ijans Tanporè ki asiyen nan FEMA kòm yon pati nan repons Siklòn Ida nan sidès Louisiana. Militè enspekte yon dèlko nan yon plant tretman dlo. Foto Carol Vernon, USACE
Pou jwenn dènye enfòmasyon yo, ale sou fema.gov/disaster/4611. Swiv kont Twitter FEMA Rejyon 6 la twitter.com/FEMARegion6 oswa sou Facebook nan facebook.com/FEMARegion6/.