Kesyon Yo Poze Souvan yo sou Asistans Finerè
Peryòd ensidan COVID-19 la te fini 11 Me 2023. FEMA ap kontinye bay fasistans fineray jiska 30 septanm 2025, pou moun ki pèdi moun ki chè pouyo akòz pandemi sa a.
Repons pou Kesyon Moun Poze Souvan yo
Ou gen 60 jou apati dat lèt desizyon an pou telechaje, fakse, oswa voye pa lapòs yon lèt alekri ak siyen ki konteste desizyon FEMA.
Lèt apèl la ta dwe gen ladan sa ki annaprè a:
- Non konplè w; nimewo aplikasyon FEMA; nimewo katastwòf FEMA; ak nimewo telefòn ak adrès aktyèl. Ou dwe enkli nimewo aplikasyon w sou chak paj dokimantasyon apèl ou an.
- Eksplikasyon sou rezon ki fè ou panse desizyon FEMA pa kòrèk.
- Dokiman sipò, tankou sètifika lanmò, kontra mezon finèb, resi, deklarasyon alekri, elatriye.
- Siyati w
Soumèt dokiman apèl ou yo lè ou:
- Telechaje kont DisasterAssistance.gov ou
- Fakse nan: 855-261-3452
- Poste l nan: P.O. BOX 10001, Hyattsville, MD 20782
Lèt desizyon Asistans Fineray COVID-19 ou endike dokimantasyon spesifik ou dwe bay FEMA si ou deside konteste. Yon reprezantan FEMA ka rele w pou bay plis detay, oswa ou ka kontakte Liy èd Asistans Fineray pou w jwenn plis enfòmasyon sou dokiman ki nesesè.
Apre konsiltasyon avèk Sant pou Kontwòl ak Prevansyon Maladi (CDC), FEMA kwè pi gwo kantite ka COVID-19 ki pa dyagnostike pwobableman te rive bonè nan pandemi an ak anvan gid CDC sou sètifikasyon lanmò.
Si aplikan an pa t peye pou depans fineray yo okonplè, men li te fè depans yo apre 20 Janvye 2020, yo dwe bay prèv depans fineray (egzanp., resi, kontra mezon finèb, elatriye). Revize yon lis dokiman obligatwa isit la.
Se sèl moun ki te fè depans ki gen rapò avèk COVID-19 elijib pou aplike pou Asistans Fineray COVID-19. FEMA pa p bay fon Asistans Fineray COVID-19 pou eta yo, teritwa, biznis, òganizasyon, ak lòt antite yo.
Apre ou fin aplike pou Asistans Fineray COVID-19 lè ou rele Liy èd Asistans Fineray COVID-19, reprezantan FEMA ap ba ou yon nimewo aplikasyon FEMA. Ou pral bezwen pou enkli nimewo sa a sou nenpòt dokiman ou soumèt nan FEMA, oswa si ou rele Liy èd Asistans Fineray COVID-19 nan pita pou mande kesyon sou aplikasyon w lan.
Nan lespas 3 a 5 jou biznis apre ou fin aplike, FEMA pral voye yon lèt ba ou avèk enfòmasyon sou Asistans Fineray COVID-19 ak yon lis dokiman ou dwe soumèt.
Si ou itilize yon sèvis relè tankou yon telefòn videyo, Innocaption oswa CapTel, tanpri bay FEMA nimewo spesifik ki asiyen a oumenm pou sèvis sa kidonk FEMA ka kontakte ou.
![Icon of hand writing a check](/sites/default/files/2020-09/illustration_featured_write-check.png)
Prezidan an te apwouve finansman pou depans fineray ki gen rapò avèk COVID-19-ki te fèt nan oswa apre 20 Janvye 2020, daprè Lwa 2021 sou Kredi Siplemantè pou Repons ak Sekou Kowonaviris ak Lwa 2021 sou Plan Sekou Ameriken. Yo pa t idantifye yon defisi nan finansman.
FEMA pa konsidere benefis asirans lavi, gratifikasyon pou lanmò, oswa lòt fòm asistans ki pa destine spesifikman pou kouvri depans fineray yo kòm yon benefis doub. Kidonk, aplikan yo ki itilize asirans lavi pou peye pou depans fineray yo kapab konsidere pou Asistans Fineray COVID-19.
Pandanke yon anplwaye mezon finèb ka ede yon moun rasanble dokimantasyon ki obligatwa, yo pa ka pale nan non aplikan an sof si aplikan deziyen yo pou aji nan non yo pa mwayen pwokirasyon.
ILi ka pran jiska 14 jou biznis pou dokiman yo parèt nan dosye w la. Tanpri pa revoye dokiman yo oswa rele pou tcheke estati san ou pa bay ase tan pou FEMA telechaje ak trete dokiman ou yo.
Asistans Fineray pou COVID-19 konsidere kòm yon peman inik pou depans fineray yo, e moun yo ta dwe aplike apre yo fin fè tout depans aplikab yo. Si yon moun te fè depans adisyonèl pou fineray apre ou fin resevwa Asistans Fineray pou COVID-19, yo pral bezwen pou depoze yon apèl epi soumèt dokimantasyon adisyonèl (egzanp., resi, kontra mezon finèb, elatriye.). Asistans Fineray pou COVID-19 limite nan yon maksimòm $9,000 pou chak moun ki mouri ak $35,500 pou chak aplikasyon, pou chak eta, teritwa, oswa Distri Columbia, nan ka kote aplikan an te fè depans fineray pou plizyè moun ki mouri.