LITTLE ROCK, Ark. – Cov neeg dim cov cua daj cua dub thiab khaub zeeg cua uas tau raug yim lub cheeb tsam nyob rau hauv lub xeev Arkansas sab qaum teb thaum Lub Tsib Hlis Ntuj Tim 24-27 lawv tshuav ib lub lim tiam ntxiv kom thiaj tso npe rau tseem fwv kev pab. Hnub kawg tso npe yog Lub Yim Hli Ntuj Tim 28.
Cov neeg nyob rau hauv lub cheeb tsam Baxter, Benton, Boone, Fulton, Greene, Madison, Marion los sis Randolph uas tau raug ntawm cov cua daj cua dub los tej zaum lawv yuav tsim nyog txais FEMA kev pab rau tsev nyob tau ib ntus, kev kho tsev, theej yus li teej tug uas xiam lawm thiab lwm yam nqi uas tsis muaj kev tuav pov hwm pab.
Peb yaum kom tag nrho cov neeg Arkansas uas nyob rau hauv thaj tsam uas twb hais txog lawm uas tau raug kev puas tsuaj kom tso npe rau FEMA kev pab ua ntej hnub kawg, txawm yog lawv tseem tsis tau txais daim ntawv kab tus nqi txog kev kho tsev los yog tseem tsis tau txais moo ntawm lub koom haum tuav pov hwm los xij. Kom thiaj sim seb puas tsim nyog txais kev pab, cov neeg yuav tau tso npe rau FEMA ces FEMA yuav ua hauj lwm nrog cov neeg tso npe ntawd kom qhia seb yuav tsum xa ntawv li cas tuaj kom thiaj tsim nyog txais kev pab.
Kom tso npe rau FEMA kev pab rov zoo ntawm kev puas tsuaj:
- Mus saib DisasterAssistance.gov,
- Muab qhov FEMA App txuas rau koj lub xov tooj.
- Mus xyuas Qhov Chaw Rov Zoo Ntawm Kev Puas Tsuaj nyob tom Northwest Arkansas Community College, Shewmaker Center for Workforce Technologies (Building 15) uas nyob ntawm 1000 SE Eagle Way, Room B103 in Bentonville.
- Hu mus dawn mus rau 800-621-3362. Tus xov tooj no qhib txhua hnub thaum 6 moo sawv ntxov mus rau 11 moo tsaus ntuj CDT, thiab muaj kev pab hauv ntau yam lus. Yog koj siv ib txoj kev pab cuam tham xov tooj xws li lub cuab yeej kaw duab thaum tham lus, lub cuab yeej sau ntawv thaum tham lus, los yog lwm yam kev pab cuam, ces muab koj tus lej rau txoj kev pab cuam ntawd pub rau FEMA.
Yog hais tias koj toob kas kev pab twg los xav tau ib tug kws txhais lus pab piav tes, thov hu mus rau FEMA Tus Xov Tooj Rau Neeg Cov Cai (Civil Rights Resource Line): 833-285-7448 (nyem 2 rau Lus Mev). Tus xov tooj no qhib thaum Hnub Monday-Hnub Friday 6 moo sawv ntxov txog 4:30 tsaus ntuj CT.
Kom tau cov ntaub ntawv nyuam qhuav luam tawm tshaj mus saib fema.gov/disaster/4788. Raws lub as khauj FEMA Region 6 nyob rau hauv X nyob tom X.com/FEMARegion6 los yog nyob hauv Facebook tom facebook.com/FEMARegion6/.