Ekoch anen an epwe Toruk aninis seni FEMA

Ikei ekoch popun me wewe an FEMA epwe tongeni ara pwe ekoch chon nonom Maui ir mi osupwangeno ren ewe kkar e fis non ewe Aug. 8 resapw tongeni neuneu ewe pekin aninis. Ika pwe FEMA a ara pwe kese tongeni neuneu ewe aninis esapw wewen resapw anisuk. Napengeni mi auchea om kopwe ngenir noum taropwen pwarata an epwe anisir ar ropwe sopweno me angang won noum we taropwe ke amasouwa faniten ewe monien aninis.  

Ekoch wewe esapw ketiw: 

• Kese mo ngeni FEMA ekewe taropwe mi auchea ururun kopwe ngenir. Aneani euchu noum taropwe seni FEMA iwe ka ngenir ekewe taropwe mi auchea ra mochen kopwe ngenir. Ika pwe eseor chiwen nom reom ekewe taropwen mi auchea kopwe afata ngenir popun me wewen ese or reom.  
• Pisekum kewe e kkareno mi kame seni noum we insurance ika ekoch ekewe nenien aninis. Mi annuk, FEMA esapw awora ngonuk money ika we ekoch ekewe anen money ra fen anisuk- insurance company, an aramas aninis, ekewe ekoch program an local me state, ekewe ekoch anen money seni chon mochen aninis, - nge a fen ku no memen pisekum kewe e taano non ewe kkar. Awewe FEMA esapw meni imwom ewe an epwe fer safan ika pwe ewe insurance a fen meni ika feri safani imwom ewe.  
  • Ika pwe a toruk money seni ekoch nenien aninis, kopwe ngeni FEMA taropwen ifan neuneun ewe aninis e toruk. Ekei taropwe epwe pwarata ukukun ewe money ka angei nge ese naf ngeni memen pisekum kewe mi afat seni ewe pekin aninis ngeni aramas me chocho ew imw. Ika epwe pwan pwarata pwe ewe money mi pwan tongeni neuneu faniten ekoch wewe.  
  • FEMA ese pwan awora epwe fite meen aninis fan iten ekewe pisek mi tano ika aninis fan iten ekewe pisek ese kon namwot. FEMA a tongeni awora aninis faniten fer safanin imw me an epwe anisi ewe imw epwe tongeni euch safan an emon ewe nonom non.  
  • Ika pwe mi toruk aninis pekin money seni ekoch ekewe putai, kopwe ngeni FEMA ekewe pisekin pwarata ren met ke meen ngeni. Ekei taropwen pwarata pwe ewe ukukun money ese naf ngeni meinisin met ururun kopwe meeni ekewe mi afatetiw fan ewe Individual and Households Program. Ika ewe taropwen pwarata epwe pwa pwe en mi neuneu ewe money ngeni ururun neuneun.  
• Mi nu seni eche taropwen amasou faniten faniten imwom we. Napengeni, FEMA e mochen epwe eche chok taropwen epwe amasou fan iten ew imw ika ewe ew address faniten ewe aninisin imw. Chon Maui ir mi tongeni tungor epwe or ekesiwin. Kopwe mak ngeni FEMA ena taropwe epwe sign awewei pwe en chochon non ewe imw a tano (ka nonom ikewe nap seni onu maram non ewe year) otun ewe kkar a tori Maui. En mi pwan tongeni awewe popoun ka amasou taropwen aninis fanitom me io chochon omw puraku mi sokono seni ekewe ekoch re pwan amasou taropwen aninis ami mi non chok non ew imw ina popun a nene ami address.  
• FEMA ese tongeni epwe cnei ika pwe en ewe chon mak won ewe imw. FEMA a tungor taropwen pwarata pwe en chon mak won ewe imw seni atongeach mi torir ewe osukosuk ekewe ir mi amasou ewe pekin monien aninis faniten epwe fer safan ika feri taan imwer kewe. FEMA ra neuneu ekewe pisekin pwarata seni ewe muu mi or ika katon noum kewe taropwen pwarata ka ngenir. FEMA mi pwan tongeni katon ika wesetan neniom ewe otun ra tori ewe neni ropwene katon taan imwom ewe. Om kopwe tongeni tungor ekesiwinin ar ropwe angang won noum we taropwe, kopwe awora taropwen pwarata pwe imwom ewe fiti fengen me ewe taropwe epwe sign. Ekewe taropwe en mi tongeni neuneu faniten tungoren ekesiwinin ar angang won noum we taropwe:  
  • Taropwen ewe imw 
  • Taropwen kamwetiwen ewe imw 
  • Taropwen Insurance 
  • Taropwen tax won ewe neni 
  • certificatin imwom ewe a feruta 
  • Taropwen om ka mweni imwom ewe 
  • Taropwen seni emon a meno pwe ewe imw a nom fan nemeniom 
• FEMA ese tongeni epwe pwarata pwe en chon nom non ewe imw: FEMA ropwe tongeni pwarata pwe en chochon non ewe imw nupwen ropwe katon ekewe pisekin pwarata seni ewe muu ika katon ekewe taropwen pwarata ke ngenir. FEMA epwe pwan nengeni euchu ika en chochon non ewe neni otun ar ropwene no tafa euchu taan neniom ewe.  Om kopwe tongeni tungor ekesiwinin ar ropwe angang won noum we taropwe, kopwe awora taropwen pwarata wesen imwom ewe fiti fengen me ewe taropwe epwe sign. 
• FEMA ese tongeni pwarata pwe en ewe feufeun aramas. Nupwen epwe or pisekin pwarata pwe en ewe feufeun aramas itom ewe ka fetan fan epwe tongeni anisi FEMA an esapw or angangen chofona me anisuk an epwe toruk ururun aninisumw. FEMA epwe tongeni katon taropwen seni ewe muu ika ekewe pisekin pwarata ka fen ngenir. Om kopwe tongeni tungor ekesiwinin ar ropwe angang won noum we taropwe, kopwe awora taropwen pwarata pwe en ewe feufeun aramas fiti fengen me ewe taropwe epwe sign. 
• Ewe neni mi taano esapw wesetan neniom. FEMA a tongeni awora aninis ngeni ekewe aramas chochon non ewe imw- ra nonom non ewe imw napeseni onu maram non ewe year. FEMA ese muut ngeni emon epwe mak itan won nap seni ew imw faniten atongeach kewe ir mi churi osukosuken ewe kar me punuwer. . 
• Ese wate taan: Imwom ewe mi chok euchuto: Ese wate taan ewe neni ika ese kon taa imwom ewe en mi tongeni nomw non. Ekewe metoch mi taano ese kon namwot, taan fonuwom ewe ika onomw mi ngaweno ese pwan or meen seni FEMA.  
• Ka pwarata pwe ese taa imwom ewe. Ika pwe ke amasou ngeni ewe aninis seni ewe muu nap nge ka areni FEMA pwe eseor taan imwom ewe seni ewe osukosuken kkar FEMA epwe tongeni ara pwe esapw toruk ewe pekin aninis. 
• Kese mochen su seni imwom ewe ika en mi tongeni nomw non imwom ewe otun ar feri safanini. Ika pwe FEMA epwe kuna pwe kese tongeni nomw non imwom ewe pwun a wate taan seni ewe kkar, en mi tongeni neuneu ewe aninisin ren ren FEMA Initial Rental Assistance. Ika pwe ka ara otun ewe ropwe katon taan iwmom ewe pwe kesapw su seni imwom ewe ika taan imwom ewe mi chok kukun en mi tongeni nonomw non otun ar ropwe feri safani iwe kese pwan tongeni neuneu ewe aninisin rent ika FEMA temporary rental assistance.  
  • Chon rent ika kame imwer: Ika pwe ke nom non ekewe kukun imw sikan meni iteitan maram nge pukupukun imwan a ara kopwene tou pwun epwe feri sefani, keri ewe phone aninis seni fds FEMA Helpline : 800-621-362 iwe ka arenir porousomw. Mi tongeni or aninisumw. Ewe phone rekan aninis 24 awa non ew ran, fisu ran non ew week.  
• Ewe chon angangen FEMA ese toruk won ewe nampan phone ka wanong on noumw ewe taropwe. Kopwe feri otun omw kopwe kekeri FEMA me otun tungoren aninis. Ika pwe FEMA ese tongeni churuk ika kese awora ekewe taropwen pwarata, FEMA epwe ara pwe kese tongeni chiwen neuneu ewe aninis.  
• Kese churi ewe chon angangen FEMA: Mi namwot om kopwe aneani euchu noum taropwe meinisin seni FEMA. En me io we chon anisuk ka fen areni FEMA me mwan opwe fiti ururun ewe otun opwe chu fengen me ewe chon angangen FEMA, ika kese fiti otun mwich mi tufich FEMA epwe ara pun kesapw chiwen neuneu ewe aninis. Ika kopwe churi emon chon angang, keri ewe FEMA Helpline 800-621-3362 iwe ka tungor ropwe anisuk. 
• Ika pwe kese tipe ew ngeni an FEMA finata, mi or omw pung om kopwe makei topwen tungor ropwe anisuk ren noumw we taropwe. Tinano noumw ewe taropwe epwe sign ngeni: 

FEMA Individuals & Households Program  

National Processing Service Center

P.O. Box 10055

Hyattsville, MD 20782-8055 

• Mi mecheres omw kopwe amasou aninis seni FEMA. Iei sokun:  
  • Keri ewe FEMA Helpline 800-621-3362. Ika pwe ke neuneu ewe video relay service, captioned telephone service ika,ngeni FEMA nampan noum na phone otun omw amasou noum we taropwen aninis. Mi or chon aninis won phone ir mi tongeni fosun fonuwom ekewe chon aninis won phone ir mi suk 24 awa non ew ran, fisu ran non ew wekk. Tiki nampa 2 faniten Spanish, Tiki nampa 3 faniten chon chiaku non fosun fenuwom.  
  • No ngeni DisasterAssistance.gov 
  • Neuneu ewe FEMA mobile app 
  • Faniten an chon merika we fos non pekin powm katon en videon ifa usun omw kopwe amasou ewe aninis, no ngeni https://www.youtube.com/watch?v=LU7wzRjByhI&list=PL720Kw_OojlKOhtKG7HM_0n_kEawus6FC&index=6 
  • En mi tongeni no ngeni ew nein ekewe imwen aninis ika Disaster Recovery Center faniten porousen noum we taropwen FEMA ika faniten ekoch om kapas eis. Kuta ew ekewe neni ikei: DRC Locator (fema.gov) 
• Pwan soposopun om kopwe amasou aninis seni FEMA, chon torir ewe osukosuk ir mi tongeni makei iter ren American Red Cross (800-733-2767). Ewe Red Cross mi aninis won pekin monien aninis, nenien asese non hotel me ekoch aninis seni aramas, mi pachenong atongeach kewe ir mi nom non osukosuk nge rese tongeni amasou ewe aninis seni FEMA.  
• Awora fansoun om porous ngeni FEMA me Red Cross. 

Faniten ekewe porousen aninis faniten ewe kkar Maui, no ngeni mauicounty.gov me fema.gov/disaster/4724. Fifitikich FEMA won social media: @FEMARegion9 me facebook.com/fema.