San Diego, Calif. – Ko e ‘Ofisi ‘a e Kovana Kalefonia ‘o e Sevesi Fakatamaki (Cal OES) mo e FEMA, fakataha mo e ngaahi hoa ngaue mei he siteiti, vahenga mo e Vahenga San Diego, kuo nau ngaue faivelenga ke toe fokotu’u ‘a e ngaahi ‘api mo e pisinisi ki he tu’unga kimu’a ‘o e fakatamaki matangi malohi mo e tafea ‘i Sanuali 21-23, 2024, ko e ‘Ofisi Pule Pisinisi Iiki U.S. (SBA), pehe mo e kau volentia, mo e ngaahi kautaha tokoni palaiveti kuo nau ngaue malohi ke totongi ‘a e fakalelei mo e feinga ke toe hoko atu e mo’ui.
‘Oku faka’ata atu ‘i lalo ha konga ‘o e feinga fakalelei mei he mahina ‘e ua kuo ‘osi talu mei hono Tala Fakapalesiteni ‘o e Fakatamaki Lahi ‘i Fepueli 19, 2024
Tokoni Fakataautaha
- Lahi hake he 2,898 ngaahi ‘api kuo takiekina ki he tokoni ‘ofa ‘a e FEMA, ‘o kau ai:
- $18.3 miliona ‘o e pa’anga ki he ngaahi ‘api, kau ai mo e taimi-nounou ‘o ha tokoni leni (rental) mo e totongi ke fakalelei’i ‘a e ngaahi ‘api.
- Ofi ki he $3.9 miliona kuo tali ki ha ngaahi fiema’u kehe ‘oku fekaunga’aki mo e fakatamaki, hange ko ha fakamole ‘oku kau ki ha faito’o (medical) mo ha ngaahi me’a fakafo’ituitui na’e mole.
- Ko e kau ngaue ‘a e FEMA ‘oku nau ‘a’ahi ki ha ngaahi ‘api ‘e 14,969 ke tokoni ki hono fakafonu ha tohi kole.
- Lahi hake he 76% ‘a e kau ‘ouna ‘api na’a nau fakahoko ha tohi kole tokoni pea na’a nau toe ma’u ha pa’anga ke fakasi’isi’i ha fakamole.
- Senitaa Fakalelei’i Fakatamaki (DRCs) ‘e ua ‘oku nau fakahoko ha fakataha ‘e 7,134 kiate kinautolu ne uesia.
Senitaa Poupou Telefoni Fakalokolo mo e Timi ‘A’ahi ‘Api
- Ko ha timi fakaloko ki ha Tokoni Taautaha mo ha kau ngaue malohi ke fakapapau’i ‘oku a’u ‘a e FEMA kiate kinautolu katoa na’e uesia mei he fakatamaki ‘o e matangi malohi mo e tafea ‘i Sanuali 21-23, 2024.
- Faka’aonga’i ‘a e Sevesi Fakalahi Kiate Kinauto Na’e Kole ki he polokalama kuo ‘ilo’i ai ‘a e kau kole tokoni ‘oku ‘i ha tu’atamaki, kuo ‘osi fetu’utaki ‘a e timi ki ha 3,845 ki he kau tohi kole he telefoni ke tokoni’i ‘a kinautolu ke nau fahoko kakato ‘a e kole na’a nau fakahoko.
- Ki he ‘aho ni, kuo lahi hake he 1,277 ‘a e kau tohi kole, ‘o kau ai kakai ta’u motu’a mo kinautolu ‘oku fiema’u ke alu mo ngaungaue holo, kuo ma’u ha pa’anga ‘ofa ‘o ofi ki he $3.9 miliona ko e tupu mei he toe vakai’i ko ‘eni.
- Makehe mei he telefoni atu, ko e timi ‘a’ahi ngaahi ki he ngaahi ‘api kuo nau ngaue ki he kaunga’api na’e uesia lahi taha ke fakapapau’i ko kinautolu ne uesia ‘i San Diego na’a nau lesisita ke ma’u ha tokoni.
- ‘Oku ngaue ‘a e ngaahi timi ko ‘eni mei vahenga pea mo e ngaahi kautaha ‘ikai ma’u ha tupu ke lesisita ‘a kinautolu ki he ngaahi hotele ‘e 65 na’a nau nofo ai he ‘osi ‘a e matangi.
Kautaha Volenitia Fetu’utaki (Voluntary Agency Liaisons (VALs))
- FEMA Kautaha Volenitia Fetu’utaki (VAL), Siteiti VAL mo e memipa ‘o San Diego Lele Kautaha Volenitia ‘o ha fakatamaki (Volunteer Organizations Active in Disasters (VOAD)), Ngaahi Kautaha he Komiuniti, Kautaha Hoa Ngaue Fakalotu, mo e ngaahi kautaha lokolo ‘ikai ma’u ha tupu kuo nau tokoni kiate kinautolu ne uesia mei he fakatamaki matangi malohi mo e tafea ‘i Sanuali 21-23, 2024.
- San Diego VOAD na’a nau fakaava ha feitu’u Fakama’a Fakatamaki (Crisis Cleanup) pea na’e kau ha nofo’anga ai ‘e 425 ‘i he fakama’a ko ‘eni mo e tokoni fakalelei’i ha ‘efu kona (mold).
- Kuo a’u ki he 1,200 ‘a kinautolu na’e fakamo’oni ke nau kau he tokoni VOAD a San Diego. Kuo tokoni ‘a e VOAD ki ha ngaahi nofo’anga ‘e 1,000 tupu mo ha fakaongoongo lelei pea mo ha ngaahi ma’u’anga tokoni.
- Ko e kautaha memipa SDVOAD, ko e Harvey Foundation, kuo nau fakahoko ha tufa me’akai ‘e 32,290. Na’e ‘ave ha me’akai ki he ngaahi nofo’anga ‘ e 225 (ko ha kakai ‘e 750)
- Ngaue hoa mo e Hoa Ngaue VOAD Fakafonua, Misiona Fakalotolahi Mamani, SDVOAD ‘oku nau faka’aonga’i ha Fale Tali’anga ‘Ofa ki he ngaahi fiema’u ‘a kinautolu ne uesia ‘i he ‘enau maa’usia ‘a e ngaahi tu’unga kehekehe ‘o e Fakalelei’i.
Ke ma’u ‘a e fakamatala fakamuimui ki he FEMA ‘i Sanuali 21-23, 2024, Vahenga San Diego matangi malohi mo e tafea, ‘a’ahi ki he www.fema.gov/disaster/4758.
###
Ko e misiona ‘a e FEMA ke tokoni ki he kakai kimu’a, lolotonga mo e ‘osi ‘a e fakatamaki.
Ko e ngaahi tokoni fakatamaki katoa ‘a e FEMA ‘e fakahoko atu ia ‘o ‘ikai ha laulanu ki ha matakali, lanu, fa’unga tangata (kau ai mo e fakahoha’asi fakasekisuale), tu’unga fakasekisuale, lotu, fonua ‘o e tupu’anga, ta’u, tisapiliti, ‘ikai poto he lea Fakapalangi, pe ko ha tu’unga faka’ekanomika. ‘O kapau ‘oku ke tui na’e maumau’i ho ngaahi totonu fakasivile, te ke lava ‘o telefoni ki he Ma’u’anga Totonu Sivile he 833-285-7448 (TTY 800-462-7585). Ko kinautolu ‘oku nau faka’aonga’i ‘a e ngaue fakafou ‘o hange ko ha vitio telefoni, InnoCaption pe CapTel ‘oku tonu ke ‘ilo he FEMA ‘e nau fika totonu ki he sevesi ko ia. ‘Oku faingamalie ‘a e kau fakatonulea he lea kehekehe (lomi’i 2 ki he Sipenisi)