San Diego, Calif. – 'Oku fa’a lahi ‘a e ngaahi ‘ekitiviti kaakaa he ‘osi ‘o ha fakatamaki. ‘Oku feinga ‘a e kau kaakaa ke ma’u ha pa’anga me’iate koe pe ko ha ‘eke’i ho ngaahi fakamatala fakafo’ituitui ko ha feinga ke kaiha’asi ho fakamatala fakafo’ituitui.
‘Oku ‘i ai pe ha ngaahi keisi, ‘oku feinga ‘a e kau kaiha’a ke fakafonu ha tohi kole tokoni ki he FEMA pea faka’aonga’i ho hingoa, tu’asila mo e ho Fika Ngaue na’a nau kaiha’asi me’iate koe. Hange ko ‘eni, ‘oku nau ha’u ‘i ha founga loi ‘o hange ko ha kau ‘ofisiale ‘a e FEMA pe ko ha ngaahi va’a ‘o e pule’anga.
Ko e kau ngaue ‘ofisiale ‘a e FEMA ‘oku ‘i ai ho nau pine mo e la’i taa. ‘Oku ‘ikai kole he kau ngaue FEMA ha totongi me’iate koe ki ha tokoni fakatamaki, ‘inisipekita pe ko hano fakafonu ‘a e tohi kole. Te ke lava ‘o lipooti ha kaakaa he ‘imeili ki he StopFEMAFraud@fema.dhs.gov pe telefoni 866-223-0814.
‘O kapau ‘e ‘a’ahi atu ‘a e ‘inisipekita FEMA ki ho ‘api pea na’e ‘ikai te ke fakahu ha tohi kole ki he FEMA, mahalo ko e ngaahi fakamatala kiate koe na’e faka’aonga’i ‘o ‘ikai ha’o ‘ilo ki ai. ‘O kapau ko ia, ‘oku tonu ke ke talange ki he ‘inisipekita na’e ‘ikai te ke fakafonu ha tohi kole tokoni ki he FEMA pea malava he ‘inisipekita ‘o fai ha tohi kole ke ta’ofi ha ngaue ki he tohi kole ko ia.
‘O kapau na’e ‘ikai te ke fakafonu ha tohi kole ka na’a ke ma’u ha tohi mei he FEMA, ‘oku tonu ke ke telefoni ki he Tokonilaine ‘a e FEMA 800-621-3362. ‘E fai he tokonilaine ha kole ke ta’ofi ha toe ngaue ki he tohi kole ko ia.
‘O kapau ‘oku ke loto ke fai ha tohi kole tokoni mei he FEMA he ‘osi hano ta’ofi ha tohi kole kaakaa ‘aki ho hingoa, ‘e malava he Tokonilaine ‘o tokoni atu ke fa’u ha tohi kole fo’ou.
NGAAHI KAAKAA
- ‘Oua te ke tui ki ha taha na’e palomesi atu ha pa’anga ‘ofa ‘o kapau te ke ‘oange ha totongi.
- ‘Oku tonu ke nau ki’i hu’uhu’u ki ha telefoni pe ko ha ‘a’ahi atu ki ho mou ‘api mei ha kakai ‘oku nau pehe ko ha kau ‘inisipekita ‘api ‘a e FEMA pe ko ha kakai ‘oku nau pehe ko ha kau ngaue ‘a kinautolu ‘a e FEMA. Ko e kau fakafofonga FEMA te nau ma’u ho fika-‘e-hiva tohi kole ki he FEMA ke fakapapau’i koe pea ‘i ai mo ho nau pine mo ha la’i taa faka’ofisiale.
- ‘Oua te ke vahevahe ho ngaahi fakamatala pangike mo ha taha ‘oku ne pehe ko e ‘inisipekita ‘api ia ‘a e FEMA. ‘Oku tapu ki he kau ‘inisipekita ‘a e FEMA ke tanaki ha fakamatala pa’anga fakafo’ituitui.
- ‘O kapau na’a ke pehe na’e kaakaa’i koe pe ko ha hiki mamafa ta’e’uhinga ha koloa, ‘oku tonu ke ke lipooti he vave taha ki he kau polisi pe potungaue polisi ‘a e vahenga (sheriff) pe ko ha’o fetu’utaki ki he California Department of Financial Protection and Innovation he 866-275-2677 pe 916-327-7585 pe ‘imeili ASK.DFPI@dfpi.ca.gov.
- ‘O kapau na’a ke mahalo’i ha kaiha’asi ho fakamatala fakafo’ituitui, ‘a’ahi ki he IdentityTheft.gov.
Ke ma’u ‘a e fakamatala fakamuimui ki he FEMA ‘i Sanuali 21-23, 2024, Vahenga San Diego matangi malohi mo e tafea, ‘a’ahi ki he www.fema.gov/disaster/4758.
###
Ko e misiona ‘a e FEMA ke tokoni ki he kakai kimu’a, lolotonga mo e ‘osi ‘a e fakatamaki.
Ko e ngaahi tokoni fakatamaki katoa ‘a e FEMA ‘e fakahoko atu ia ‘o ‘ikai ha laulanu ki ha matakali, lanu, fa’unga tangata (kau ai mo e fakahoha’asi fakasekisuale), tu’unga fakasekisuale, lotu, fonua ‘o e tupu’anga, ta’u, tisapiliti, ‘ikai poto he lea Fakapalangi, pe ko ha tu’unga faka’ekanomika. ‘O kapau ‘oku ke tui na’e maumau’i ho ngaahi totonu fakasivile, te ke lava ‘o telefoni ki he Ma’u’anga Totonu Sivile he 833-285-7448 (TTY 800-462-7585). Ko kinautolu ‘oku nau faka’aonga’i ‘a e ngaue fakafou ‘o hange ko ha vitio telefoni, InnoCaption pe CapTel ‘oku tonu ke ‘ilo he FEMA ‘e nau fika totonu ki he sevesi ko ia. ‘Oku faingamalie ‘a e kau fakatonulea he lea kehekehe (lomi’i 2 ki he Sipenisi)