Manatuí ke fakamoleki á e paánga tokoni á e FEMA ki he ngaahi fakamole pau óku felaveí pea mo e fakatamaki.
ʻI he kamata ko ia ke maʻu á e paʻanga ki he tokoni totongi nofo, monomono ʻo e ʻapi, pe ngaahi faʻahinga tokoni kehe, fakapapauʻi ʻoku íkai tukuhauí ʻa e paʻanga tokoni ki he fakatamaki á e fetulolo. Ko e tohi fanongonongo mei he FEMA é fakahaaí atu ai kiate koe á hono ngaue totonu áki ó e ngaahi paánga tokoni ki he fakatamaki. ʻOku fiemaú koe ke fakaʻaongaí ʻa e paʻanga tokoni ki he taumuʻa pe naé fakataumuʻa ki ai. Ko e íkai fai pehe é malava kene uesia á e taau ki ha toe ngaahi tokoni ʻi he kahaʻu.
ʻE ʻoatu ʻe he FEMA ki he kau hao moúi ha tohi fanongonongo ʻo fakaha kiate kinautolu ʻa e faʻahinga tokoni ʻoku nau feʻunga ke maʻu, pea mo e lahi ʻo e tokoni á e FEMA ki he ngaahi fiemaʻu takitaha. ʻE ala kau heni ʻa e:
- Ngaahi monomono ke ʻai ha ʻapi ke malu, fakamaʻa, pea feʻunga ke nofo ai.
- Tokoni totongi ke totongi fakataimi ha feituʻu ke nofo ai.
- Fakaleleiʻi pe fetongi ʻo ha meʻalele mahuʻinga ne maumauʻi ʻe he fakatamaki.
- Tokangaí fakafaitoó ki ha lavea fakatupunga é he fakatamaki.
- Fetongi ʻo e valá, ngaahi meʻangāue fakangāué mo e ngaahi nāunau fakaakó.
- Ngaahi fakamole ki he fehikitaki mo hono tauhi ó ha koloa ó makatuúnga he fakatamaki.
- Fetongi e meʻangāue fakafaitoʻó.
ʻOku tapui ʻe he lao ʻa e FEMA á e toe maú á e tokoni tatau mei ha toe maʻuʻanga tokoni kehe, hange ko e maluʻi.
Kapau é íkai teke fakaáongaí á hoó paánga tokoni mei he FEMA ó hange ko hono fakamatalaí atu í ólunga, é kole atu nai ke totongi fakafoki ki he FEMA pea é malava ke íkai teke toe malava ó toe kole ki ha ngaahi tokoni kehe á e fetulolo e ala maú í he kahaú.
ʻOku ʻikai totonu ke fakaʻaongaʻi ʻa e paʻanga FEMA ki he fefonongaʻaki, fakafiefia, pe ha faʻahinga fakamole ʻoku ʻikai fekauʻaki mo e fakatamaki. ʻOku totonu ke tauhi ʻe he kau hao moʻui ʻi ha taʻu ʻe tolu ʻa e ngaahi talitotongi ke fakahaaʻi ʻa e founga naʻa nau fakaʻaongaʻi ai ʻa e tokoni á e FEMA mo hiki ʻa e founga naʻe fakaʻaongaʻi ai ʻa e paʻanga ki he fakatamaki.
Ki he fakamatala fakamuimui taha á e FEMA fekauáki mo e Sanuali 21-23, 2024, matangi malohi fakatupu maumau mo e tafe í he Vahenga San Diego, ááhi ki he www.fema.gov/disaster/4758.
###
Koe taumu'a ngaue 'a e FEMA ko hono tokoni'i ʻa e kakai kimuʻa, lolotonga, mo e hili ʻa e ngaahi fakatamaki.
ʻE ʻoatu ʻa e tokoni FEMA kotoa pe ʻo ʻikai filifilimanako ʻi he kelekele ʻo e matakali, lanu, tangata pe fefine (kau ai ʻa e fakamalohi fakasekisuale), fakataukei fakasekisuale, tui fakalotu, tupuʻanga fakafonua, taʻu motuʻa, faingataʻaʻia fakaesino, fakangatangata ʻa e poto faka-Pilitania, pe tuʻunga fakaʻekonomika.
Kapau ʻoku ke tui ʻoku maumauʻi hoʻo ngaahi totonu fakapuleʻanga, te ke lava ʻo telefoni ki he laine maʻuʻanga tokoni ki he ngaahi totonu fakapuleʻanga ʻi he 833-285-7448 (TTY 800-462-7585). Ko kinautolu ʻoku nau ngaueáki ha ngaue tokoni hange ko ha videophone, InnoCaption pe CapTel óku totonu ke nau toe áve ki he FEMA á énau fika pau kuo vaheí ange ki he ngaue ko ia. ʻOku lava ke maʻu atu ʻa e kau tokoni í he ngaahi lea kehekehe (lomi 2 ki he Spanish).