Manatua ia fa’aaogā alagātupe fesoasoani mai le FEMA mo na’o mea fa’atulagina e
feso’ota’i ma le fa’alavelave fa’anatura.
A’o amata ona maua atu tupe fesoasoani mo le mautotogi, lipea o le fale, ma nisi vaega o le fesoasoani, ia mautinoa e leai se lafoga e totogia mo fesoasoani a le feterale mo fa’alavelave fa’anatura. O le tusi fa’aali e avatu i le FEMA o le a ta’u atu ai ia te oe le ituaiga fa’aaogā e talafeagai mo tupe fesoasoani o fa’alavelave fa’anatura. Ua fa’atuatuaina oe e fa’aaogā tupe fesoasoani mo na’o le mafuaga na fa’amoemoeina ai. O lou lē faia fa’apena o le a fa’alavelavea ai lou agava’a mo se fesoasoani i le lumana’i.
O le a lafo atu e le FEMA se tusi fa’ailoa i tagata na sao mai, e ta’u atu ai le ituaiga fesoasoani ua latou agava’a ai
ma o le a maua, ma le aofa’i o le fesoasoani o le a avatu e le FEMA mo mana’oga ta’itasi ua talia. E ono aofia ai:
- Lipea ina ia saogalemu le fale, lelei mo le soifua malolōina, ma fetaui mo le nonofo ai.
- Fesoasoani mautotogi lē tumau e totogi ai se fale e nonofo ai.
- Lipea po’o se sui o se ta’avale aogā tatau na fa’aleagaina i le fa’alavelave fa’anatura.
- Tausiga fa’afoma’i o se manu’a na mafua ona o le fa’alavelave fa’anatura.
- Fa’atau ni lavalava, meafaigaluega ma mea e fa’aaogā i a’oga.
- Fela’ua’i ma teu ai mea e feso’ota’i ma le fa’alavelave fa’anatura.
- Sui meafaigaluega fa'afoma'i.
E sa i le tulafono a le Feterale ona toe ave e le FEMA se fesoasoani i se isi o lo’o mauaina sea ituaiga fesoasoani mai se isi punā’oa, pei o se inisiua.
Afai e te lē fa’aaogaina le fesoasoani ua avatu e le FEMA e pei ona fa’amatala atu i luga, e ono fa’atonuina oe e toe totogi le FEMA ma e te ono lē toe agava’a mo se isi fesoasoani mai le feterale e ono avanoa i le lumana’i.
‘Aua ne’i fa’aaogāina lau fesoasoani tupe i ni malaga, fa’afiafiaga, po’o se isi mafuaga e lē feso’ota’i ma le fa’alavelave fa’anatura. E tatau ona teu uma au risiti mo tausaga e tolu e fa’aali ai pe na fa’apefea ona fa’aaogā le
alagātupe a le FEMA ma fa’amaonia ai pe na fa’apefea ona fa’aaogā lau tupe maua o le fa’alavelave fa’anatura.
Mo fa’amatalaga aupito lata mai a le FEMA mo afā malolosi ma lolōga o Ianuari 21-23, 2024, i le Itumālo o San Diego, asiasi i le www.fema.gov/disaster/4758.
###
O le misiona a le FEMA o le fesoasoani i tagata ae le’i tupu, a’o feagai ai, ma le uma o se fa’alavelave fa’anatura.
O fesoasoani uma fa’anatura a le FEMA e tu’uina atu e aunoa ma se fa’ailoga atunu’u, lanu, itupā (e aofia ai ma le sauāina tau feusua’iga), filifiliga fa’aitupā, tapua’iga, tupuaga, tausaga, lē atoatoa le malosi, lē lava le gagana Igilisi, po’o le tamāoaiga.
Afai e te manatu ua solia ou āiā tatau, e mafai ona e vala’au i le Laina o Punā’oa o Aiā Tatau i le 833-285-7448 (TTY 800-462-7585). O i latou e fa’aaogāina tautua avefeau pei o se telefonivitiō, InnoCaption po’o le Cap Tel e tatau ona logo le FEMA fa’atasi ma le latou numera o lo’o fa’aaogā mo lena tautua. O lo’o avanoa talitelefoni mo gagana eseese (o’omi le 2 mo le gagana Sipaniolo).