Kung nakatanggap ka ng dalawang buwan ng tulong sa renta mula sa FEMA pagkatapos ng mga wildfire sa Maui at kailangan mo ng higit pang oras para planuhin ang recovery mo, maaaring kwalipikado ka para sa Patuloy na Tulong sa Pansamantalang Pabahay. Sa ilalim ng Programa sa Mga Indibidwal at Sambahayan (Individuals and Households Program), kung ibibigay mo ang mga kinakailangang dokumento, maaari kang makatanggap ng tulong sa renta para sa tatlo pang buwan at posibleng mas matagal pa, kung kinakailangan.
Ang tulong sa renta na matatanggap mo ay maaaring gamitin sa pagrenta ng bahay, apartment, minanupakturang bahay, recreational vehicle, o iba pang tirahan.
- Sino ang kwalipikado?
- Para maging kwalipikado para sa Patuloy na Tulong sa Pansamantalang Pabahay:
- Dapat nakatanggap ka ng unang dalawang buwan ng tulong sa renta at ginamit ito ayon sa mga direksyon.
- Dapat wala kang kakayahang bumalik sa iyong tirahan bago ang sakuna dahil ito ay nasira, nawasak, o hindi na matitirahan dahil sa mga wildfire.
- Hindi ka makakapagbayad sa pabahay nang walang tulong.
- Maipapakita mo na idinulot ng sakuna ang iyong pangangailangang pinansyal.
- Hindi ka tumatanggap ng pansamantalang tulong sa pabahay mula sa anumang iba pang mapagkukunan.
- Kaya mong ipakita na gumagawa ka ng plano para sa pangmatagalan o permanenteng pabahay o nagpapakita ng pag-usad sa planong iyon.
- Kung Kailangan Mo pa ng Tulong sa Renta
- Para makatanggap ng patuloy na tulong sa renta, kumumpleto ng Aplikasyon para sa Patuloy na Tulong sa Pansamantalang Pabahay.
- Mga may-ari ng bahay: Kung ang mga loss na beripikado ng FEMA sa iyong real property ay lumampas sa halaga ng inisyal na award ng Tulong sa Renta, magme-mail sa iyo ng Aplikasyon para sa Patuloy na Tulong sa Pansamantalang Pabahay. Awtomatiko itong nabubuo mga dalawang linggo pagkatapos maaprubahan ang paunang award ng Tulong sa Renta. Kung ang Loss sa Real Property ay hindi lalampas sa halaga ng paunang Tulong sa Renta, kakailanganin mong tawagan ang FEMA Helpline sa 800-621-3362 para hilingin ang aplikasyon. Bukas ang mga linya mula 7 a.m. hanggang 10 p.m. HST, pitong araw sa isang linggo.
- Mga nagrerenta: Kakailanganin mong hilingin ang form ng Kahilingan para sa Patuloy na Tulong sa Pansamantalang Pabahay sa pamamagitan ng pagtawag sa FEMA Helpline.
- Para hilingin ang form, magtanong tungkol sa Patuloy na Tulong sa Pansamantalang Pabahay, o para humingi ng tulong sa pagkumpleto ng form, tawagan ang FEMA Helpline sa 800-621-3362.
- Dapat magsumite ang lahat ng aplikante ng sumusunod na dokumentasyon kasama ng iyong kinumpletong aplikasyon:
- Kita bago ang at pagkatapos ng sakuna para sa mga miyembro ng sambahayan na edad 18 at pataas.
- Patunay ng mga gastos sa pabahay bago ang sakuna (kopya ng mga bayarin sa pagrerenta at utility, insurance ng nagrerenta, mga mortgage statement, mga buwis sa real estate, insurance sa bahay, atbp.).
- Patunay ng mga gastos sa pabahay pagkatapos ng sakuna (kopya ng kasalukuyang kasunduan sa pagrerenta na pirmado ng aplikante at ng nagpaparenta).
- Pagsusumite ng Aplikasyon para sa Patuloy na Tulong sa Pansamantalang Pabahay
- Ang form ng kahilingan para sa Patuloy na Tulong sa Pansamantalang Pabahay at mga pansuportang dokumento ay dapat ibalik sa FEMA sa isa sa mga sumusunod na paraan:
- Iwanan ang mga ito sa mga espesyalista ng FEMA sa:
- Office of Recovery at Lahaina Gateway, 325 Keawe St., Suite B102. Bukas mula 7:45 a.m. hanggang 4:30 p.m. Lunes hanggang Biyernes.
- Council for Native Hawaiian Advancement office, Kāko'o Maui Relief and Aid Services Center, 153 E. Kamehameha Ave., Suite 101, Kahului. Mga oras: 8 a.m. hanggang 6 p.m. Lunes hanggang Biyernes.
- I-upload ang mga dokumento sa iyong disaster account sa DisasterAssistance.gov
- I-mail ang mga ito sa FEMA, P.O. Box 10055, Hyattsville, MD 20782-8055.
Para sa pinakabagong impormasyon sa mga Maui wildfire recovery effort, bisitahin ang mauicounty.gov, mauirecovers.org, fema.gov/disaster/4724 at Hawaii Wildfires - YouTube. Subaybayan ang FEMA sa social media: @FEMARegion9 at facebook.com/fema. Maaari rin kayong makakuha ng impormasyon sa tulong sa sakuna at mag-download ng mga aplikasyon sa sba.gov/hawaii-wildfires.