FEMA, ianganki irail me kin kihda sawas sang koperment, kihda kereniong tala $3 billion ong kamwahulahn kisiniei laud me wiawi Maui. Met iangahki laudsang $1.3 billion ong doadoahk en kihsang kihd oh soahng kan, kihda ihmw me aramas kak mih loale ni ahnsou kis, sukuhl ong wiahda ihmw kan, oh kamwauwihala soahngsoangen ape kan.
Program en sawas sang FEMA, Individual Assistance oh Public Assistance, kin sewese kamwkamwahulahn wasa me lelohng kahpwal. Iangahki sawas me FEMA kin pousehlahte kihda nan Maui, re pahn alehda tohndoadoahk 120 pwehn sewese ohpis kapw Joint Recovery Office for Maui County en pousehlahte doadoahk.
Sawas ong Emenemen
Lelledo ahnsouwet, FEMA kihda daulih $56.1 million pwehn sewese aramas 7,141 iang prokram en Sawas ong Emenemen (Individual Assistance), iangahki laudsang $33.8 million ong Sawas ong Ihmw (Housing Assistance) oh laudsang $22.2 million ong Sawas ong Soahng Teikan (Other Needs Assistance me kin kohwong irail me pitila kan.
Sawaspen Rent me kohsang FEMA
Prokram en Sawas en Rent (Rental Assistance Program) me kohsang FEMA kin kihda mwohni ong irail me pitila kan pwehn diarada ihmw me re kak mih loale ni ahnsoukis. Peneinei epwiki samwa kin doadoahngki prokram en sawas en rent. Me tohtohsang $37.3 million ale mweimwei sang FEMA ong sawas en rent:
Sawas ong Ihmw
Prokram ong Sawas ong Ihmw (Direct Housing Assistance) sang FEMA kin diarada ihmw kan me peneinei kan kak doadoahngki ni ahnsoukis:
- Pahnangin prokram en Direct Lease, FEMA kin lihsihla sahpw oh inenkihong irail kan me pitila. Re kin pwain rent ong irail me ahneki sahpw pwukat, oh met lella sounpwong 18, de lel February 2025.
- Laudsang tala $295 million me kohwong prokram en Direct Lease. Ni arail doadoahngki prokram wet, FEMA sewesehla tohnihmw 1,200 en diarada ihmw me re kak mih loalle ni ahnsoukis.
- Ihmw kei nan Kilohana Maui pahn nekla nan October 2024. Pahn mie ihmw 169 ong irail me pitila kan en doadoahngki ni ahnsoukis.
- Pilahn en wiahda kan wasahn kousoan (manufactured housing units) pohn sahpw me private kan pahn wiawi me keren. Wasahn kousoan pwukat pahn mweidohng tohnihmw kan en kousoan nan arail sahpw erein arail kamwahuwihala imwarail kan me ohla.
Sawaspen mwohni teikan me FEMA kihda ong tohn Maui:
- Laudsang tala $5 million kohwong Crisis Counseling.
- Laudsang tala $17 million kohwong Disaster Case Management.
- Laudsang tala $12 million kohwong Disaster Unemployment Assistance.
- Laudsang tala $5,000 kohwong Disaster Legal Services.
FEMA Public Assistance & Critical Infrastructure
- Prokram en Public Assistance sang FEMA kin kihda mwohni ong state, tribal, territorial oh koperment kan oh ekei pwihn private non-profit kan pwe aramas en kak mwadang sawas nan kahpwal kan. Patpene koaros, FEMA kihda laudsang $700 million ni arail doadoahngki program en Public Assistance.
- FEMA kihda laudsang $473.5 million ni arail doadoahngki Public Assistance Program for Emergency Work. Doadoahk wet kin nekte mwurin kahpwal ehu pwehn kapitala aramas akan, sewese doare public health oh safety, doare sahpw de kihsang soahng keper kan.
- FEMA kihda laudsang $107 million doadoahngki Public Assistance Program ong Permanent Work. Doadoahk wet iei kamwahwihala wasa kan me public ahneki oh pil wasa kan me private (Private Nonprofits) me ohla nan kisinieio.
- FEMA sawaskihda $78 million doadoahngki Mission Assignments en kauwada campus en King Kamehameha III Elementary School me pahn kadoadoahk ni ahnsou kis. Sukuhl wet ohla laud nan kisiniei me wiawi Lahaina. USACE me pwukoahki kamwahuwihala sukuhl wet oh re kanakehla met erein rahn 95. Nan campus wet mie:
- Ihmw 38.
- Classroom koaros mie aircon.
- Classroom 30 me tohnsukuhl 650 doadoahngki.
Kihsang Kihd
Ni August 2023, FEMA kihong USACE pwukoa en kamwakelehsang kihd nan sahpw kan. Nin tapio, USACE kapatahda me doadoahk en kamwakelehsang kihd pahn wiawihki sounpar ehu sang arail tepida; ahpw re mwadang en kanekehla met. Pali laud en kesehla kihd pahn nekila December 2024; doadoahk en kesehla kihd kan pahn uhdahn nekila January 2025.
- USACE kamwakelehla persens 98 en sahpw pwukat (1,374 sang 1,399), met mweidohng tohnsapw kan en kak tepida kauwada imwarail kan.
- USACE kamwakelehla persens 42 en sapwen pesines kan (76 sang 159), met mweidohng pesines kan en kak tepida pilahne dahme re pahn wia ong ahnsou kohkohdo.
Wiepen kamwakelehsang kihd teikan:
- U.S. Coast Guard kihsang oh koskihla sohp 98 sang ni oaroahr (doadoahk wet nekla December 2023).
- Re kihsang oh koskihla sidohsa 3,080 me ohla nan kisinieio.
- Iangahki soahng kan me U.S. Environmental Protection Agency kesehla, soahng keper kan me koskosla imwisekla nan December 2023.
- EPA wiahda soangsoangen ahl mwahu en kesehla battery ni arail ale oh koskihla sidohsa kan me kin doadoahngki lioal oh soangen battery me kak pwurehng charge (Powerwall battery). Wiepe pwukat pahn kadoadoahk ni ahnsou kohkohdo ma pwurehng mie kisiniei.
- EPA kanekehla arail doadoahk en kasawih, kamwakelehla, oh pwaindi paip en pihl oh sewer kan nan Lahaina nan July 17, 2024, pwe tohn Maui en kak kamwahwihala mehpwukat ma anahn.
Pil Sawas teikan sang Koperment:
- Sangete August 8, tohndoadoahk en FEMA daulih 350 iang sawas ong kahpwal wet.
- U.S. Small Business Administration mweidada daulih tala $396 million sawas en loan sang koperment ong pesinen kan nan Hawai'i, pwihn private kan, oh tohnihmw kan me lelohng kisiniei laud nan Maui. Met iangahki laudsang $151.2 million ong pesines kan oh laudsang $244.7 million ong tohnihmw oh tohn rent kan pwehn sewese irail kamwahwihala imwarail kan me ohla.
Sawas ong Pitsang Kahpwal ni Nempe:
- Kedekedeo, FEMA oh American Red Cross kihda sawas en wasahn kousoan ong aramas pitila 8,000.
- Mwenge daulih 1.5 million kohsang prokram me FEMA kihda ong ni hotel kan.
- FEMA pil kihda sawas ong wasa kan nan hotel daulih sounpwong 11 lao irail kan me pitila diarada ihmw me re kak kousoanla loale.
- Mie meh 52,132, iangahki me pwurehng pwurala kan, kohla ni Disaster Recovery Centers, wasa me re kak ale sawas sang FEMA oh tohndoadoahk en koperment kan ong arail anahn kan, register pwehn ale sawas, ale sawas encase management, oh ale sawas teikan sang pwihn teikan me kin volunteer.
Ong rohng kapw kan ong kamwahulahn kisiniei laud nan Maui, menlau kohla mauicounty.gov, mauirecovers.org, fema.gov/disaster/4724 oh Hawaii Wildfires - YouTube. Idawehn FEMA nan wasahn kapehse nan Internet: @FEMARegion9 oh facebook.com/fema. Ke pahn pil kak ale sawas kan oh soangn kan me ke anahne ese oh pil download application kan ni sba.gov/hawaii-wildfires.