LITTLE ROCK, Ark. -- FEMA im State eo an Arkansas renaaj kabellok juon Jikin ñan Kajeplaak Jekjek ko Ālikin Jorrāān Elap (Disaster Recovery Center) ilo Summit ilo Mande, Juun 16 ñan lelok jipañ juon-lok-juon ñan Ri Arkansas ro emōj jelōt er ilo Māe 24-27 ikkijien lañ ko rellap, kōto ko rekajoor, tonāto ko im ibwijleplep eo.
Jikin eo ej pād ilo:
Marion County Fairgrounds
513 E Seawell Ave
Summit, AR 72677
Jikin in ekāāl ej kobalok ippān jikin ko tōrein ñan kajeplaak jekjek ko ālikin jorrāān elap ilo:
Benton County
Northwest Arkansas Community College
Becky Paneitz Student Center, SC 108
1211 SE Eagle Way,
Bentonville, AR 72712
Enej wōr jikin paak wa ilo 1202 Water Tower Road ilowaan paakiñ kuraaj eo ewōr-lābōl in ilo lābōl 2 im 3.
Boone County
Boone County Government Building (Biiltiiñ eo an Kien)
220 N. Arbor Drive
Harrison, AR 72602
Aolep jikin kein rej bellok jen 8 jibboñ ñan 6 jota kajojo raan.
Ro rej jokwe ilo Baxter, Benton, Boone, Fulton, Greene, Madison, Marion im Randolph county maroñ loelok jabdewōt ian jikin kajeplaak jekjek ko ālikin jorrāān elap (disaster recovery centers) ñan kepaak e rijerbal ro an FEMA, Doulul in Bejnej Jidik (Small Business Administration) ilo U.S., kobalok ippān elōñ ra ko ion Arkansas im doulul ko an jukjukin pād eo. Ejjelok abboinmen aikuj kōmmane ñan maroñ loelok jikin ko.
Kajojo jikin kein epidodo makūtkūt ñan armej ro ewōr utamwe ak aikuj ko ñan deloñ im kein jerbal ko im ewōr teknalōji ko ñan bōk melele. Ñe kwoj aikuj jipañ ko rejenolok ñan aikuj ko an ānbwin ak rukook in jain ñan ro rejaroñroñ, jouj im kall e 833-285-7448 (jibed 2 ñan kajin Jipānij).
Kwojjab aikuj etal ñan jikin eo ñan kanne etam ñan jipañ ko jen FEMA ilo iien jorrāān ko rekauwōtata. Wāween eo emōkajtata ñan kanne etam ej ilo am etal ñan onlain ilo disasterassistance.gov/.
Ebar wōr wāween ko jet ñan kanne etam ekoba:
- Taunloot i FEMA App ilo cellboon ko
- Kall e FEMA helpline (lain in bōk jipañ) ilo 800-621-3362 kōtaan 6 awa jibboñ im 10 awa jota. Ewōr jipañ ilo enañin aolep kajin ko. Elaññe kwoj kōjerbal wāween jōrbej ko, āinwōt ilo bitio (video relay, VRS), kōnono ilo talboon eo ewōr jeje ie ak wāween ko jet, lelok nōmba eo am ñan FEMA ñan maroñ bōk jōrbej eo.
- Ñan alooje bitio eo ñan wāween kanne etam etal ñan: Three Ways to Register for FEMA Disaster Assistance - YouTube.
Ñan melele ko rekāāl etal ñan fema.gov/disaster/4788. Loore akkaun eo an FEMA Region 6 X ilo X.com/FEMARegion6 ak ilo Facebook ilo facebook.com/FEMARegion6/.