LITTLE ROCK, Ark – Kumi eo an FEMA Disaster Survivor Assistance (Jipañ Ro rej Ellā jen Jorrāān ko Rekauwōtata) rej pād ilo Decatur ñan jipañ Ri Arkansas ro kajeoñ kajeplaak jekjek in mour ko jen kar jorrāān eo elap ilo Māe 24-27 ikkijien lañ ko rellap, kōto ko rekajoor, tonāto ko im ibwijleplep eo.
Kumi kein remaroñ jipañ ro rej jokwe im amnak ñan aer kanne etaer ñan jipañ ko an FEMA, kadeloñ peba ko rekkar ilo kamputōr ilo iien kanne aplikājen im uwaak kajjitōk ko kōn tibdik in keij ko im jekjekin jipañ ko rebellok. Menin ej jerbal in koba maroñ jen state eo im FEMA ñan wōnmaanlok wōt im tōbar ro rej aikuj.
Rijerbal ro rej bojak in jipañ jen 8:30 jibboñ ñan 6:30 jota kajojo raan ilo:
Falling Springs Community Church
21822 Falling Springs Road
Decatur, AR 72722
Ro rej jokwe im emōj jelōt er ilo Benton, Boone im Marion county rejjab aikuj loelok rijerbal ro an FEMA ñan kanne ñan jipañ ko. Wāween eo emōkajtata ñan kanne etam ej ilo am etal ñan onlain ilo DisasterAssistance.gov. Ro rar ellā jen jorrāān eo elap maroñ kanne ilo aer kall e lok 800-621-3362. Kall ko maroñ uwaak i jen 6 jibboñ ñan 10 jota Awa eo an Central. Ewōr jipañ ilo enañin aolep kajin ko – elaññe kwoj kōjerbal wāween jōrbej ko, āinwōt ilo bitio (video relay, VRS), kōnono ilo talboon eo ewōr jeje ie ak wāween ko jet, lelok nōmba eo ñan FEMA ñan jōrbej eo.
Ro rej jokwe im amnak jikin eo rej aikuj bojak in lelok melele kein itual ilo iien kanne ippān FEMA:
- Nōmba in social security
- Atōrej in ijo jorrāān eo ear jelōt e
- Kōmelele in jorrāān eo
- Melele ko kōn ta ko injuran naaj bōk eddo in
- Talboon nōmba eo ej jerbal maroñ tōbar eok
- Atōrej eo maroñ māel waj lōta
- Akkaun nōmba in bāāñ im rautiiñ ñan an kajju waj jāān in jipañ
Ñan melele ko rekāāl etal ñan fema.gov/disaster/4788. Loore akkaun eo an FEMA Region 6 ion X ilo X.com/FEMARegion6 ak ilo Facebook ilo facebook.com/FEMARegion6/.