LITTLE ROCK, Ark. – Baxter County emōj kobaiki ñan jikin ko elap kar jelōt i ñan Ri Arkansas eo rar ellā ion jorāān eo elap ilo Māe 24-27 ikkijien lañ ko rellap, kōto ko rekajoor, tonāto ko im ibwijleplep eo.
Ro rej jukjuk im amnak ilo Baxter County maroñ kōiie ñan bōk jipañ ko ilo iien ko rekauwōtata iuwmin FEMA’s Individuals and Households Program (Būrokraam eo an FEMA ñan Kajojo Armej im Kabijuknen ko). Ro rej kanne im ekkar maroñ kōiie ñan bōk jipañ ñan reen em, kōmmani jōrrāān ko redik ilo moko, mweiuk ko rejako im wōnāān ko jet rekkar itok jen jorrāān in lañ eo elap. Ro rar ellā ion jorrāān eo elap ilo Benton, Boone, im Marion county maroñ bareinwōt kōiie ñan bōk jipañ ko ilo iien ko rekauwōtata. County ko jet maroñ kobaki tok er tokālik.
Jipañ jen FEMA maroñ bellok ñan ro rej jukjuk im amnak ilo county kein emen – Baxter, Benton, Boone, im Marion.
Jāān ko lelok jen FEMA jab aikuj bar korool i, im maroñ koba:
- Aikuj ko Raorōk: Jāān eo emaroñ kōjerbal ñan men ko ñan lomoren mour im dāpij-mour, ekoba aibōj, mōñā, kein jerbal kinej ko, wūno ko, milik formula, kein kōbwebweien jarom milik jen ninnin ko, kal ko, men in jerbal ko jen jikin ājmour kwoj maroñ kaññi, kein jerbal ko jet jen jikin ājmour, kein kareo ānbwin im kiaaj ñan ialan bōkto bōktak.
- Jipañ ko ñan Aikuj ko Raorōk naaj aikuj ñan etale ñe kōiie ñan bōk mokta jen an jāān in jipañ ko lelok ñan ro rar kanne etaer.
- Emakut jen Jikin Jokwe: Jāān ñan jipañ aikuj ko ñan jikin jokwe ñe jab maroñ rool ñan kabijuknen itok jen jorrāān eo elap. Jāān ko maroñ kōjerbali ñan kiki ilo hotel, ippān baamle im mōttam ak wāween ko jet ilo iien am kabbok jikin reen em.
- Jipañ ko ñan Emakut jen Jikin Jokwe naaj aikuj ñan etale ñe kōiie ñan bōk mokta jen an jāān in jipañ ko lelok ñan ro rar kanne etaer.
- Kōmmani Jorrāān ko ak Kōkāāl Moko : Jāān eo ñan jipañ eok kōmmani jorrāān ko ak kōkāāl kabijuknen eo am eo ear jorrāān itok jen jorrāān eo elap. Jāān eo maroñ bareinwōt jipañ kōn jorrāān ko rar pād kadede ilo jet jikin ko ilo kabijukun eo am eo jorrāān eo elap ear jelōt bwe rej jorrāān lok wōt.
- Jipañ ñan Reen Em: Jāān eo kwoj maroñ kōjerbal ñan reen jikin jokwe ñe kwar emakūt jen kabijuknen eo am itok jen jorrāān eo elap.
- Mweiuk ko ilo Kabijuknen: Jāān ñan jipañ kōmmani jorrāān ak bar ebbōk men ko kabijuknen rellap im kōjerbal jarom, mweiuk ko rellap ilo kajojo ruum, im kamputōr eo am ak an baamle eo ro raar jorrāān jen jorāān eo elap. Menin emaroñ koba jāān ñan bok ko, iunipoom, kein kaamtō ko, kamputōr ko jet im mweiuk ko jet aikuj ñan jikuul ak jerbal, ekoba bejnej ko make-jerbal ie (self-employment).
- Rilale Ajiri: Jāān eo emaroñ jipañ eok kōllā ñan wōnāān ko relaplok ak rekāāl ñan rilale ajiri jelōt jen jorrāān eo elap.
- Ialan bōkto bōktak: Jāān eo emaroñ jipañ eok kōmmani jorrāān ko ak kōkāāl wa eo ear jelōt jen jorrāān eo elap ñe ejjelok bar wa kwoj maroñ kōjerbale.
- Wōnāān ko ñan Emakūt im Kakwon Mweiuk: Jāān eo ñan jipañ ro rar emakūt im kakwon mweiuk ko ñan jikin ko jet jen moko ñan bōbrae jen aer jorrāān lok wōt.
- Jipañ ñan Kamputōr: Jāān ñan ro rej aikuj kōmmani jorrāān ak bar bōk juon kamputōr ñe ear wōr jelōt jen jorrāān eo elap.
Kanne ñan FEMA
Kwoj maroñ kanne ñan FEMA jejjo wāween ko ekoba ilo DisasterAssistance.gov, taunloot i FEMA App ñan cellboon ko, ak kall e FEMA Helpline (Lain in Bōk Jipañ) ilo 800-621-3362. Kall ko maroñ uwaak i aolep raan jen 6 jibboñ ñan 10 jota CDT. Jipañ ko rej bellok ñan enañin aolep kajin ko kajojo. Elaññe kwoj kōjerbal wāween jōrbej ko, āinwōt ilo bitio (video relay, VRS), kōnono ilo talboon eo ewõr jeje ie ak wāween ko jet, lelok nōmba eo am ñan FEMA ñan maroñ bōk wāween jōrbej eo. Nan am maron alooje video in kon waween apply nan drelone jiban kein: Jilu Waween ko nan register nan FEMA Disaster Assistance- YouTube.
Ñan melele ko rekāāl etal ñan fema.gov/disaster/4788. Loore akkaun eo an FEMA Region 6 ion X ilo X.com/FEMARegion6 ak ilo Facebook ilo facebook.com/FEMARegion6/.