LITTLE ROCK, Ark. – Ālikin jorrāān ko rekauwōtata, ellā jen im jerbal e men ko emōj jelōt i emaroñ lap an ben.
Ñan lukun lale bwe Ri Arkansas ro ren kanne ñan jipañ ko, FEMA ej jilkin kumi in Jipañ Ro rej Ellā jen Jorrāān ko Rekauwōtata (Disaster Survivor Assistance, DSA) ñan jukjukinpād ko jorrāān eo ear jelōt i, ekkā etal em-ñan-en ñan jipañ ro rej jokwe jikin ko.
Kumi eo an DSA ilo tōrein rej loelok bukwōn ko ilo Benton, im Boone county, bōtaab naaj loelok county ko jet emōj an jorrāān eo elap jelōti. Rijerbal ro an FEMA remaroñ jipañ Ri Arkansas kanne etaer ñan jipañ ko jen federal, etale aikuj ko rekkar im jipañ lelok etaer ñan doulul ko an jukjukinpād eo, state, im joko rej mōnōnō in bōk konaer.
Rijerbal ro naaj pidodo kile er ilo am nej loe bāāj in jerbal ko ewōr pija ko aer ie (identification, ID). Ñe kwonaaj ion armej ro rej kajeoñ lewaj jipañ, kajjitōk moktata ñan am lale ID bāāj ko aer mokta jen am lelok melele ko am. Rej maroñ ekkōnak nuknuk in jerbal ko an FEMA, bōtaab epidodo an ro jet annōk er.
Rijerbal ro an FEMA maroñ jipañ Ri Arkansas ro ilo county kein ilo jet wāween ko ekoba:
- Lale jekjekin aplikājen eo emōj an pād kadede ilo jijtōm ko aer im kōmman oktak ko redik ñan aplikājen ko ñe ekkar.
- Kall e lok doulul ko an kabuñ ko, doulul ko an jukjukinpād eo, bejnej ko im laibrāre ko ilo jukjukinpād eo ro emaroñ wōr aer maroñ ñan jipañ kajeeded e melele ko ikkijien jorrāān eo elap ñan ro rej jokwe ilo bukwōn ko emōj jelōt i.
- Bukot doulul ko rej lelok jerbal in jipañ ko ikkijien jorāān ko rekauwōtata im/ak jipañ ko ñan ro ilo jukjukinpād eo ñan raan kein maanlok wōt im kitien eo eto ñan maroñ bar jeplaak wāween ko ñan kar mokta.
- Ain melele ko kōn wāween jorrāān eo elap ear jelōt i ñan jukjukinpād ko.
- Lelok peba in kajedeed ikkijien kōmelele wāween kanne ñan jipañ ko ilo iien jorrāān ko rekauwōtata.
- Lelok melele ko kōn maroñ ko an armej im karuwainene ro ewōr utamwe ñan lukun lale bwe en āinwōt juon wāween ajej jerbal ko.
Ro rar ellā ion jorrāān ko rellap maroñ kanne etaer ñan FEMA ilo jejjo wāween ko ekoba etal ñan onlain ilo DisasterAssistance.gov, taunlout i FEMA App ilo cellboon ko ak kall e lok FEMA Helpline (Lain in Bōk Jipañ) ilo 800-621-3362. Kall ko maroñ uwaak i aolep raan jen 6 awa jibboñ ñan 10 awa jota awa eo an Central. Jipañ ko rej bellok ñan enañin aolep kajin ko kajojo. Elaññe kwoj kōjerbal wāween jōrbej ko, āinwōt ilo bitio (video relay, VRS), kōnono ilo talboon eo ewõr jeje ie ak wāween ko jet, lelok nōmba eo am ñan FEMA ñan maroñ bōk wāween jōrbej eo. Ñan lale bitio eo kōn wāween kanne etam etal ñan: Three Ways to Register for FEMA Disaster Assistance - YouTube.
Kumi ko naaj wōnmaanlok wōt im loelok jikin ko emōj jelōt i jen lañ ko rellap, kōto ko rekajoor, tonāto ko im ibwijleplep eo ear jinoe jen Māe 24 ñan Māe 27. Rijerbal ro maroñ pād ilo iien ko rellap ak kwelok ko an jukjukinpād eo ñe naaj kajjitōk.
Ñan melele ko rekāāl etal ñan fema.gov/disaster/4788. Loore FEMA Region 6 ilo X.com/FEMARegion6 ako ilo facebook.com/FEMARegion6/.