LITTLE ROCK, Ark. -- FEMA im State eo an Arkansas naaj kabellok juon Disaster Recovery Center (Jikin Jipañ Kajeplaak Ālikin Jorrāān ko Rellap) ilo Bentonville ilo Taije, Juun 6 ñan lelok jipañ juon-lok-juon ñan Ri Arkansas ro emōj jelōt er ilo Māe 24-27 jen lañ ko rellap, kōto ko rekajoor, tonāto ko im ibwijlepleo eo.
Jikin eo:
Benton County
Northwest Arkansas Community College
Becky Paneitz “Student Center,” SC 108
1211 SE Eagle Way
Bentonville, AR 72712
**Jikin paak wa naaj bellok ilo paakiñ kuraaj eo ewōr-labōl in
Jikin eo naaj bellok jen 7 awa jibboñ ñan 7 awa jota aolep raan.
Ro rej jokwe ilo Benton, Boone im Marion county maroñ etal ñan jikin eo ñan loelok rijerbal ro an FEMA, U.S. Small Business Administration (Doulul eo an Bejnej Jidik), kobalok ippān elōñ ra ko ilo Arkansas im jikin jipañ ko jet ilo jukjukinpād eo. Kwojjab aikuj abboinmen ñan am maroñ etal ñan jikin eo.
Jikin eo ej bellok ñan armej ro ewōr utamwe ak ewōr aikuj ñan maroñ makūtkūt im bōk melele im ewōr kein jerbal ikkijien teknalōji ñan ro ewōr likjab. Ñe kwoj aikuj jipañ ko rejenolok ñan aikuj ko an ānbwin ak rukook in jain ñan ro rejaroñroñ, jouj im kall e 833-285-7448 (jibed 2 ñan kajin Jipānij).
Kwojjab aikuj etal ñan jikin eo ñan kanne etam ñan jipañ ko jen FEMA ilo iien jorrāān ko rekauwōtata. Wāween eo emōkajtata ñan kanne etam ej ilo am etal ñan onlain ilo disasterassistance.gov/.
Ebar wōr wāween ko jet ñan kanne etam ekoba:
- Taunloot i FEMA App ilo cellboon ko
- Kall e FEMA helpline (lain in bōk jipañ) ilo 800-621-3362 kōtaan 6 awa jibboñ im 10 awa jota. Ewōr jipañ ilo enañin aolep kajin ko. Elaññe kwoj kōjerbal wāween jōrbej ko, āinwōt ilo bitio (video relay, VRS), kōnono ilo talboon eo ewōr jeje ie ak wāween ko jet, lelok nōmba eo am ñan FEMA ñan maroñ bōk jōrbej eo.
- Ñan lale bitio eo kōn wāween kanne etam etal ñan: Three Ways to Register for FEMA Disaster Assistance - YouTube.
Ñan melele ko rekāāl etal ñan fema.gov/disaster/4788. Loore akkaun eo an FEMA Region 6 X ilo X.com/FEMARegion6 ak ilo Facebook ilo facebook.com/FEMARegion6/.