Ilo ien an armij ro rekkar wia im reen em ilo Arkansas jino bõke jāān ko ikijen jorrāān jen FEMA ñan wonnen reen, kōmmane jorrāān ko ilo moko mweir, ak laajrakin jibañ ko jet, aurok am lale wāween am kõjerbal jāān ko. Kōjerbal jāān ñan jejjetin wāween eo emõj kalikar ilo leta eo an FEMA.
Melele ko ñan lewaj Jibañ
Armij ro etõbrak ablikajon ko aer ilo bukon ko ilo Baxter, Benton, Boone, Fulton, Greene, Madison, Marion ak Randolph renaj loe juon leta jen FEMA ej lelok melele kin kain jibañ eo retõbrak in bōke, joñan jāān eo FEMA ej lelok ñan kajojo aikuj eo emaron tõbrak. Aikuj kein emaron koba:
- Kōmmane jorrāān ko ilo mweo (einwõt, dabin mweo, jikin ko ej toor dān ettoonon). Armij ro rekkar wia em im emōj kōtōbrak ñan Jibañ in Kõmman Jorrāān Em eo an FEMA remaron loe lablok in jāān ko ñan jolok jorrāān ilo moko mweir im rej jokwe ae ñan jibañ aer bar ekāl em ko elablok aer bin im kajur. Jāān ko ñan jolok jorrāān ej lale men ko einwōt kōkkāāl borwaj in em ñan aer kaju jen kõto ko relab im jibañ bõbrae an dān jab deloñ.
- Jibañ in reen ñan jokwe ilo jikin eo oktak ñan jokwe ilo kõtaan ien.
- Kōmman jorrāān ak bar wia wa eo elab am kõjerbale im ejorrāān.
- Wonnen taktõ ko kwōj make kolla im ejellok injuran kin nañinmij ak jorrāān eo ear walok jen jorrāān in mejatoto eo.
- Lablok wonnen lale ajiri.
- Kōmmane jorrāān ak bar wia jejjetin kein jerbal ko.
- Kein katak ko elab am kõjerbali (einwōt, kombuitor, bok in jikuul, kein jikuul ko).
- Wonnen emakūt im kakwon ko rekkar walok jen an kar lukkun nana lañ im tornado ko im wonnen ko jet rekkar walok jen an kar nana mejatoto.
Kwōmaron kōjerbal jāān eo kwar loe jen FEMA wõt ñan aikuj eo emõj kalikar. Waan joñak, jāān in kōmmane jorrāān eo ilo mweo imōm emaron jerbal ñan wāween ko rej jibañ an jab kauwõtata mweo imōm, erreo, im kwõmaron jokwe ae. Jāān in Kōmman Jorrāān ilo Em ejab ñan wonnen mour ko aoleb raan einwõt jarom, mõñā, taktō ak taktō in ñi ak jabdewōt wonnen ko jet rejab ikijen kōmmane jorrāān eo ilo mweo. Bōtab, wonnen kein remaron kolla ilo am kōjerbal kain jibañ ko jet jen FEMA.
Wonnen ito tak, kamõnõnõ ak jabdewōt wonnen ko rekkar walok jen an kar nana mejatoto ejab jimwe ñan kōjerbal jāān ko an FEMA.
Ñe jāān in jibañ eo ejab jerbal ilo wāween eo emōj kalikar ilo leta in tōbrak eo am jen FEMA, remaron kajjitõk am karoollok jāān in jibañ ko am im kwõmaron jab bar tõbrak ñan jibañ ko jet jen federal. Innem, jouj im loloorjak am kōjerbal jāān eo kin wāween eo rekkar lewaj, jeiki wāween am kar kōjerbal jāān eo, im kakwone rijit ko am iomwin jilu iiō.
Ñe ewõr am kajjitōk kin wāween am kar aikuj kõjerbal jāān eo am jen FEMA, kwōmaron kall ae Lain in Kall eo an FEMA ilo 800-621-3362. Ewõr jibañ ilo eloñ kajin ko roktak. Lain in kall eo ebellok aoleb raan jen 6 awa jibbon ñan 11 awa boñ, awa in CT, ñe ejab kwõmaron kenono ibben rijerbal ro an FEMA ilo am etal ñan Jikin Jibañ jen Jorrāān eo. Ñan bukõt jikin eo ebaak ae kwe, etal online ñan: DRC Locator,
Ñan melele ko āliktata lale fema.gov/disaster/4788. Lale akkoun eo an FEMA Region 6 X ilo Twitter ilo twitter.com/FEMARegion6 ñe ejab Facebook ilo facebook.com/FEMARegion6/.