FEMA ej lelok bwijin kain jipañ ko ñan Ri Arkansas ro emōj jelōt er jen jorrāān eo elap ilo kar Māe 24-27 ikkijien lañ ko rellap, kōto ko rekajoor, tonāto ko, im ibwijlepleo eo. Aolep ro ewōr imweier ak ro rej reen em im emōj jelōt er jen jorrāān eo rej rōjañ ñan kanne etaer ñan jipañ ko ilo iien jorāān ko rekauwōtata. FEMA ej maroñ lelok jāān ñan ro rej kanne im kōiie ñan jipañ kōn aikuj ko raorōk, kōllā jikin jokwe eo an jidik wōt iien, kōmmane jōrrāān ko imoko im aikuj ko jet injuran eban bōk eddoin.
Jipañ kōn Jikin Jokwe
Kōmmane Jorrāān ak Kōkāāl Imoko: Jāān in jipañ eok kōmmani jorrāān ko ak kōkāāl e jikin jokwe eo am eo ear jelōt jen jorrāān eo elap. Ñan waanjoñok, menin emaroñ koba pukot lirouwe ko itok jen jorrāān eo elap, ak jāān ñan etale wāween bōbrae uwōta ko. Mitigation measures (wāween bōbrae uwōta) ej makūtkūt ko kwōj maroñ bōk ilo iien kōmmani jorrāān ko eo enaaj kadiklok joñan jorrāān ko ilo mweo imōm ñe ebar wōr jorrāān ko rellap iliju im jaklaj. Jāān eo maroñ bareinwōt jipañ kōn jorrāān ko rar pād-kadede ilo jet jikin ko ilo kabijuknen eo am im jorrāān eo elap ear jelōt bwe ren jorrāān lok wōt.
Aikuj ko Rejenolok ñan Utamwe ro: Jāān ñan jipañ ro rar ellā ion jorrāān eo elap im ewōr aer utamwe eo elōñ tibdikin wāween kōmmani jorrāān ko ñan loloorjake jikin jokwe eo aer bwe en pidodo ñan makūtkūt, āinwōt ialan wiiljea, kein depdep ko, im ial eo ej tōl lok ñan maan kōjōm in deloñ eo. Kōmmani jorrāān ko maroñ kōmman ñe men kein rejorrāān. Kōkmanmanlok ko maroñ kōmmani ñe menin aikuj kein rar jab pād mokta jen jorrāān eo, im rej aikuj kōmmani itok jen utamwe eo ear wōr-kadede, ak utamwe eo ejkab walok itok jen jorrāān eo elap.
Ial, Būriij, Oob ko an Armej-Make: Jāān ñan ro rar ellā ion jorrāān eo elap eo im ial eo wōt ñan maroñ deloñe kabijuknen eo aer emōj jelōt jen jorrāān eo.
Jipañ ñan Reen En: Jāān eo kwōj maroñ kōjerbal ñan reen jikin jokwe ñe kwar emakūt jen kabijuknen eo am itok jen jorrāān eo elap.
Jipañ ñan Aikuj ko Jet
Aikuj ko Raorōk: Jāān ñan jipañ eok kōllā ñan men ko ñan lomoren mour im dāpij-mour, ekoba aibōj, mōñā, kein jerbali kinej ko, wūno ko, milik formula, kein kōbwebweien jarom milik jen ninnin ko, kal ko, men in jerbal ko jen jikin ājmour kwōj maroñ kaññi, kein jerbal ko jet jen jikin ājmour, kein kareo ānbwin im kiaaj ñan ialan bōkto bōktak.
Emakūt jen Moko: Jāān ñan jipañ ñan aikuj ko ikkijien jikin jokwe ilo iien eo emōkajtata ñe kwōjjab maroñ rool ñan kabijuknen eo am itok jen jorrāān eo elap. Jāān eo maroñ kōjerbali ñan kiki ilo hotel, ippān baamle im mōttam ak wāween ko jet ilo iien am kabbok jikin jokwe eo an jidik wōt iien.
Mweiuk ko ilo Kabijuknen: Jāān ñan jipañ eok kōmmani jorrāān ko ak bar ebbōk men ko ilo kabijuknen rellap im rej kōjerbal jarom, mweiuk ko rellap ilo kajojo ruum, im kamputōr eo am ak an baamle eo im rar jorrāān jen jorrāān eo elap, bok ko, iunipoom, kein kaamtō ko, kamputōr ko jet im mweiuk ko jet aikuj ñan jikuul ak jerbal, ekoba bejnej ko make-jerbal ie (self-employment).
Ājmour in Ābnwin/Ñil: Jāān ñan jipañ eok kōllā biil jen jikin ājmour kōnke jorrāān eo elap ear jelōt jorrāān ak nañinmej. Jāān in maroñ bar kōjerbale ñan jipañ kōkāāl kein jerbal ko an ājmour in ānbwin/ñi, kein jerbal ko ñan kaninnin, ak wūno ko jen taktō eo emōj aer jorrāān ak rejako itok jen jorrāān eo elap.
Ilomej: Jāān ñan jipañ eok kōllā wōnāān ilomej ak bar kalbwin itok jen jorrāān ko elap.
Rilale Ajiri: Jāān ñan jipañ eok kōllā wōnāān ko relaplok ak rekāāl ñan rilale ajiri itok jen jorrāān eo elap.
Jipañ ñan Mweiuk ko Jet: Jipañ eok kōllā wōnāān mweiuk ko rekkar, (āinwōt jenōreta, mijiin ko rej jolok malawi jen mejatoto, jidpen ko rej kōjerbal jarom, bar jet.) eo kwar wia ak reen i ālikin jorrāān eo elap ñan jipañ kajeplaak jekjek ko. Mweiuk kein jet maroñ kōjerbali ñan maroñ deloñe melan eo am ak ñan karreo itok jen jorrāān eo elap.
Ialan Bōkto Bōktak: Jāān ñan jipañ eok kōmmani jorrāān ko ak kōkāāl wa eo ear jelōt jen jorrāān eo elap ñe ejjelok bar wa kwōj maroñ kōjerbale.
Wōnāān ko ñan Emakūt im Kakwon Mweiuk: Jāān ñan jipañ eok emakūt im kakwon mweiuk ko ñan jikin ko jet jen kabijuknen eo ñan bōbrae jen aer jorrāān lok wōt, ekkā ilo iien eo kwōj kōmmani jorrāān ko ak emakūt ñan bar juon jikin jokwe itok jen jorrāān eo elap.
Injuran ñan Iien Ibwijleplep (Group Flood Insurance Policy): Ñe kabijuknen eo am ej pād Jikin eo Ekkā an Ibwiji (Special Flood Hazard Area) im ear wōr jorrāān in ibwijleplep ear iwōj itok jen jorrāān eo elap, FEMA emaroñ kōllā wōnāān Injuran ñan Iien Ibwijleplep (Group Flood Insurance Policy) ilo etam eo naaj lewaj tarin jilu iiō in kitien injuran eo.
Karreo im Manman Kij: Jāān ñan jipañ eok kōllā jorrāān ko redik jelōt jen jorrāān eo elap ñan bōbrae men ko jet im an maroñ jelōt ājmour ak inebata kōn uwōta ko. Jāān in ej bellok wōt ñan jejjo jorrāān ko rekauwōtata ñe men ko wōjam raorōk rar jorrāān ak rejjab kōiie ñan Jipañ ñan Kōmmani Jorrāān ak Kōkāāl Imoko kōnke FEMA emōj an kalikar ke ej jokane wōt am jokwe ilo kabijkunen eo am.
Apply nan FEMA
Ri Arkansas ro rej jokwe ilo Baxter, Benton, Boone im Marion county maroñ kanne etaer ñan jipañ ko ilo aer etal ñan DisasterAssistance.gov (bareinwōt ilo kajin Jipānij), ilo am kall e 800-621-3362, ak ilo am kōjerbal FEMA app eo ilo cellboon. Elaññe kwoj kōjerbal wāween jōrbej ko, āinwōt ilo bitio (video relay, VRS), kōnono ilo talboon eo ewōr jeje ie ak wāween ko jet, lelok nōmba eo am ñan FEMA ñan maroñ bōk jōrbej eo.
Ñan melele ko rekāāl etal ñan fema.gov/disaster/4788. Loore akkaun eo an FEMA Region 6 X ilo X.com/FEMARegion6 ak ilo Facebook ilo facebook.com/FEMARegion6/.