Wōnāān Jenōreta ñan Jarom im Jidpen Maroñ Bar Koroolwaj

Ri Arkansas ro rej maroñ kōiie ñan koroolwaj wōnāān jenōreta ak jidpen ko rar wia ki ak reen i. Kajjitōk ñan ro rej jokwe ie bwe ren bōk kōjparok ko ilo iien kareo jen jorrāān in lañ ko ilo Māe 24 ñan 27, kōto ko rekajoor, toneto ko, im ibwijleplep eo. 

Koroolwaj Wōnāān

Elaññe kwar wia ak reen juon jenōreta ak jidpen kōn jorrāān in lañ ko, kōto ko rekajoor, toneto ko im ibwijlepleo eo ear walok Māe 24 ñan 27, kwōj maroñ kōiie ñan maroñ koroolwaj wōnāān ko jen FEMA ñan men kein kwar kōllāiki. Oran eo elaptata maroñ koroolwaj wōnāān ñan juon jidpen ej $219 im oran eo elaptata maroñ koroolwaj wōnāān ñan juon jenōreta ej $629.

Kwōj maroñ kōiie elaññe:

• Kwar wia ak reen juon jenōreta ak jidpen ālikin Māe 24.
• Kwōj aikuj pād joñan eo ekkar ñan maroñ kōiie ñan Būrokraam eo an Kajojo Armej im Kabijuknen (Individuals and Households Progrm) eo an FEMA.
• Jikin jokwe eo ej kabijuknen eo elaptata am jokwe ie im ej pād ilo juon county eo emōj kōlaajrak e ñan Jipañ Kajojo Armej eo an FEMA (Individual Assistance): eo ekoba ilo tōrein Benton, Boone im Marion county.
• Kwar wia ak reen jenōreta itok jen juon aikuj jelōt jen jorrāān eo elap.
• Rijiit in kamool-in-wia ak wia men kein kwōj jilkintok kaki.

Melele bwe FEMA eban koroolwaj wōnāān kein jerbal ko kōllā jen bar jikin ko jet, āinwōt injuran ko an moko, ibwijleplep, im ko jet.

Ilo am kareo jorrāān ko jelōt jen lañ ko rekajoor, kōjparok ilo am kōjerbal jidpen ko ñan kareo ki mōttan wijke ko ak jenōreta ñan lelok jarom ñan kabijuknen ko am. Jenōreta im jidpen ko emaroñ jelōt uwōta ko rellap. Likit melele kein raorōk ilo kōlmenlokjen ko.

Jenōreta Naan in Jipañ ñan Kōjparok

Kõjerbal ilo am jōrwaan ak jenōreta ko rejorrāān maroñ kōmman paijin jen carbon monoxide, kijeek, ak jarom ānbwin.

• Loore kōmelele ko kombani eo ear kōmmane kein jerbal eo ñan jelā wāween kōjerbal jenōreta eo.
• Jenōreta im kiaaj ko rej aikuj aolep iien kōjerbali nabōj – elaplok jen 20 ne ettolok jen wuntō ko, kōjem ko, im kuraaj ko rej elaak moko.
• Kōlaak kein kakōlkōl carbon monoxide ko rej kōjerbal battery ilo jikin deloñ ko ilo kabijuknen. Jenōreta ej kadiwōj carbon monoxide: juon kiaaj eo ejjelok kolor in, ejjelok bwiin im ñe elaplok wōt enaaj jelōt bwe kwon mij, baamle eo am, menin mour ko nejum bareinwōt.
• Dāpij wōt bwe jenōreta eo en mōrre im kōjparoke jen wōt ak ibwijleplep. Jab uñur i ñan jidik jenōreta ko retutu ak kein jerbal ko emōj koneek ippān; rej maroñ jelōt an jarom ānbwin.
• Koneek e wōt jenōreta eo ñan kein jerbal ko rej kōjerbal ekjtenjen koot ko rebben im kajoor.
• Jab koneek e jenōreta eo kajju ñan kajoor in jarom eo an kabijuknen eo am. Emaroñ kōmman an laplok kajoor jarom eo im maroñ kakkure eok ak juon rijerbal in jarom ilo an ejjelok an jelā.
• Kōtlok bwe jenōreta eo en jako an māānān mokta jen bar teiñ kiaaj in. Teiñ kiaaj ñan injin ko re bwil maroñ kōmman an urur.

Ñan melele ko relaplok kōn jenōreta im carbon monoxide

• Bitio ñan kōjparok kōjerbal jenōreta jen Jikin Dāpij im Bōbrae Nañinmej ko (Centers for Disease Control and Prevention, CDC) im FEMA eo ekoba American Sign Language: FEMA Accessible: CDC Carbon Monoxide Poisoning - YouTube
• Melele ko an Occupational Safety and Health Administration (Doulul eo ej Kōjparok Jokane im Ājmour ko an Rijerbal ro) kōn wāween kōjparok kōjerbal jenōreta ko maroñ kōmakut jikin ñan jikin: Using Portable Generators Safely (osha.gov)

Jipden Naan in Jipañ ñan Kōjparok

• Kōjerbal kapeel eo am make.
• Aolep iien kōjerbal kein bōbrae ko ilo iien jerbal, ekoba kein kōjparok mej ko, kein kõjparok ne ko āinwot tebubro ñan ne ak jerojij in jerbal ko, kein kōjbarok bar ko āinwōt aat ko reben, glove in jerbal, kein kōjparok juur lal ko, im kein kōjparok lojilñi.
• Mokta jen am kajoe jidpen eo, lukun etale bwe en ejjelok armej iturum.
• Lale kein ijjiped control ko, kajoor in jidpen eo im aolepen mōttan im kein depdep ko ñan lukun etale ñe eman aer jerbal im kōmman oktak ñe aikuj ilo am loore kōmelele ko jen kompani eo ear kōmane kein jerbal eo.
• Jab kōjerbal jidpen ko rejorrāān ak ebolool mōttan ko ie.
• Lale ñe ewōr diila, men ko rekkañ, im metal ko jet mokta jen am jerbal.
• Jinoe kōjerbal jidpen eo lal in bwudej ak joko jet reben ilo an kein kabbōjrak eo jo.
• Likit aolepen pā ko ilo kein depdep eo im dāpij jokane ilo am jutak.
• Jab jerbal ibbam make.
• Ñan naan in jipañ ko relaplok ilo iien kōjerbal jidpen, etal ñan Working Safely with Chainsaws (osha.gov).

Kanne etam ippān FEMA

Elaññe kwōj mōnōno ñan koroolwaj wōnāān jenōreta ak jidpen kwoj aikuj kanne etam moktata ñan jipañ ko an FEMA.

Elaññe kwoj jokwe ilo Benton, Boone ak Marion county, kwōj maroñ kanne etam ñan jipañ ko ilo am etal ñan DisasterAssistance.gov (bareinwōt ilo Jipānij), ilo am kall e 800-621-3362, ak ilo am kōjerbal e FEMA app eo ilo talboon ko. Kall ko maroñ uwaak i jen 6 awa jibboñ ñan 10 awa jota Awa eo an Central. Jipañ ko rej bellok ñan enañin aolep kajin ko kajojo. Elaññe kwoj kōjerbal jōrbej ko ilo wāween ko ilo bitio (video relay service, VRS), wāween kōnono ko ilo talboon ewōr jeje ie ak bar jet, lelok nōmba eo am ñan FEMA ñan bōk jōrbej in.

Ñan melele ko rekāāl etal ñan fema.gov/disaster/4788. Loore akkaun eo an FEMA Region 6 X ilo X.com/FEMARegion6 ak ilo Facebook ilo facebook.com/FEMARegion6/.