Armij ro rekkar ioone jorrāān ko jen an nana lañ ilo ruwalitok bukon ko ilo Arkansas ilo Mae 24-27 remaron tōbrak ñan jibañ in wonnen reen ilo kōtaan ien emōj kaitoklok, ekoba juon security deposit.
Jibañ in Wonnen Reen ilo Kōtaan Ien ej Woñmaanlok jen Burokraam eo an FEMA ñan Kajojo Armij im Baamle ewõr ñan armij ro rekkar ioone jorrāān ko jen mejatoto ilo bukon ko ilo Baxter, Benton, Boone, Fulton, Greene, Madison, Marion im Randolph.
FEMA emaron jibañ armij ro rekkar ioone jorrāān ko im rej wōt jab maron jokwe ilo mweo mweir im aikuj kaitoklok aer bed ilo imōn jokwe eo an kōtaan ien im FEMA ej jibañ kolla wonnen. FEMA enaj lukkun jerbal ibben armij ro rekkar ioone jorrāān ko ñan melele ta aikuj ko aer ikijen imōn jokwe an kōtaan ien im lelok er ñan jikin jibañ ko jet ñan jibañ aer bōk jibañ ko relablok.
Jibañ eo ekoba aikuj aurok ko einwōt jarom im aeboj, bōtab ejab cable ak internet. Joñan reen eo emōj kōtōbrak enaj ekkar ñan wonnen ko ilo jikin ko im emōj an Department of Housing and Urban Development (Ra eo ej bōk eddoin kakien im jibañ ko ikijen imōn jokwe im jikin ko armij rej jokwe) an Amedka kōjejjet.
Kwōmaron bōk Jibañ in Wonnen Reen ilo Kōtaan Ien ej Woñmaanlok elañe kwōj:
- Emōj kar lewaj jejjetin wonnen Jibañ in Reen im kwōmaron kwalok am kar kōjerbal jāān in ñan kolla wonnen imōn jokwe ilo kōtaan ien,
- Jab maron rool ñan mweo imōm kinke ewōr uwōta ñan am jokwe ae ñe ejab kwōjab maron jokwe ae,
- Jab maron kolla wonnen imōn jokwe ilo kōtaan ien im kwōjab ebōk jibañ jen burokraam in imōn jokwe ko jet ak opij ko aer bebe in lewaj jibañ, im
- Kōmmane juon Bebe in Imōn Jokwe eo Kwōmaron Kwon iloan im woñmaanlok am katte eok kōtōbrak kōtōbar eo am.
Juon Bebe in Imōn Jokwe eo Kwōmaron Kwon iloan ej bebe eo am ñan am rool ñan mweo imōm ñe ejab bukōt juon em kāāl eo kwōmaron kolla wonnen. Ilo ien am kanne am peba ñan Jibañ in Wonnen Reen ilo Kōtaan Ien ej Woñmaanlok, renaj kajjitōk am kelet Bebe in Imōn Jokwe eo Kwōmaron Kwon iloan emōj likūt ilo ablikajon eo im emmontata an kōmelele kin wāween eo am. Tokelik, ñe kwōj ebōk wōt jibañ jen FEMA ñan kolla wonnen imōn jokwe ilo kōtaan ien, FEMA enaj kajjitōk ñe ewōr am tōbrak kin bebe eo am. Kwōnaj aikuj jilkinlok peba ko einwōt wonnen ko rikoontoreak eo ej antoone ñe ejab kōmelim ko ñan ekāl im rej kwalok am kōmman tōbrak.
Ñe kwōj woñmaanlik in kōtōbrak aoleb mennin aikuj ko ikijen maron tōbrak im jilkinlok peba ko aikuj ñan FEMA, kwōmaron ebōk jibañ ñan kolla wonnen imōn reen eo am an kōtaan ien lok ñan 18 allōñ jen Mae 30, raan eo emōj kar kōjella kin jorrāān eo.
Ñan kanne peba ilo ien eo kein kajuon ñan Jibañ in Wonnen Reen ilo Kōtaan Ien ej Woñmaanlok:
- Ñe kwe juon eo ej reen, kebaak FEMA im kajjitōk Kōjella eo kin an Woñmaanlok Aikuj ñan Jibañ ikijen Reen.
- Ñe kwe juon eo ear wia em, ekkā an peba eo mael ñan armij eo ej bõke jibañ in reen eo 15 raan ālikin an tōbrak jāān in jibañ eo.
Kadedelok ablikajon eo ñan Jibañ in Wonnen Reen ilo Kōtaan Ien ej Woñmaanlok im karoole peba eo ñan FEMA koba ibben peba in kamool kein laajrak:
- Juon kabe in leij ak ak kwon in reen eo am kiō. Leij ak kwon in reen eo aikuj koba jikin eo ebed imōn reen eo, joñan ien eo an leij eo, joñan armij ro rej jokwe maeo, im jain in etan landlord im armij eo ej reen,
- Peba ko rej kwalok Jibañ in Wonnen Reen eo am moktalok ekkar jerbal ñan kolla wonnen imōn jokwe ilo kōtaan ien, einwōt rijit in reen im jarom ko,
- Peba ko rej kwalok joñan kolla eo kiō an aoleb armij ro ilo mweo 18 im rūttolok aer iiō; im
- Peba ko rej kwalok wonnen mweo imōm mokta jen jorrāān ñe kwōj wōt kollaiki wonnen ko kiō. Waan joñak, juon armij eo ear wiaiki mweo imōn emaron wōt kollaiki loon eo an mweo, injuran, ak jet jarom ak aikuj ko an mweo mweir mokta jen jorrāān eo.
Kwōmaron jilkinlok ablikajon eo am ñan Jibañ in Wonnen Reen ilo Kōtaan Ien ej Woñmaanlok im peba in kamool ko ñan FEMA mokta jen:
- Upload ae ñan akkoun in jibañ ikijen jorrāān eo am ilo DisasterAssistance.gov.
- Mael ñan FEMA, P.O. Box 10055, Hyattsville, MD 20782-8055.
- Fax ñan 1-800-827-8112.
- Etal ñan Disaster Recovery Center, ñe ewōr.
Ñan kanne peba ñan jibañ ikijen jorrāān eo an FEMA, kall ae nomba eo ejellok wonnen 800-621-3362, etal online ñan DisasterAssistance.gov, download ae FEMA App ñe ejab etal ñan juon Disaster Recovery Center. Ebellok lain in kall eo aoleb raan jen 6 awa jibbon ñan 11 awa boñ, awa in CT, im ewōr jibañ ilo elōñ kajin ko. Ñe kwōj kōjerbal juon kein jibañ in bōk melele einwōt VRS, jibañ in bōk melele ilo talebon ak jibañ ko jet, lelok nomba eo an kein jibañ eo ñan FEMA. Raan eo āliktata ñan lelok ablikajon ej Okwoj 28, 2024.
Ñe kwōj aikuji juon kein jibañ eo kim maron lewaj ak riukok an kajin kakōlle, jouj im kall ae Lain in Jibañ kin Maron ko an Armij iomwin Kakien an FEMA: 833-285-7448 (jibed 2 ñan Kajin Spanish). Ebellok lain in kall eo Mande ñan Bolaide 6 awa jibbon ñan 4:30 awa raelap, awa in CT.
Ñan melele ko āliktata lale fema.gov/disaster/4788. Lale akkoun eo an FEMA Region 6 X ilo twitter.com/FEMARegion6 ñe ejab Facebook ilofacebook.com/FEMARegion6/.