TALLAHASSEE, Fla.- Ekip Asistans pou Sivivan Katastwòf FEMA (Disaster Survivor Assistance, DSA) pral travay nan katye Florida yo pou ede moun aplike pou asistans FEMA apre siklòn Milton ak Helene.
Espesyalis DSA yo genyen yon pyès idantifikasyon federal ak foto. Yo ale pòt an pòt nan katye ki afekte yo pou ede moun aplike pou asistans federal, verifye estati yon aplikasyon, idantifye bezwen potansyèl yo epi fè koneksyon ak òganizasyon ki ka bay resous yo. Ekip DSA pa janm mande, oswa aksepte, lajan.
Fason pou Aplike
Nou ankouraje pwopriyetè kay ak lokatè yo aplike pou asistans FEMA. Fason ki pi rapid pou aplike anliy se nan DisasterAssistance.gov oswa sèvi ak FEMA App an. Ou m ka aplike tou pa telefòn nan 800-621-3362. FEMA ap ogmante anplwaye nan sant apèl yo men tan atant yo ka pi long akoz volim apèl yo ki ogmante avèk plizyè katastwòf ki sot pase yo. Liy telefòn yo ouvri chak jou epi gen èd ki disponib nan majorite lang yo. Si w ap itilize yon sèvis relè, telefòn ki gen soutit oswa lòt sèvis, bay FEMA nimewo w pou sèvis sa a. Pou w gen aksè ak yon videyo sou fason pou w aplike pou w jwenn asistans, ale sou FEMA Accessible: Aplike pou Asistans Endividyèl - YouTube.
Si w te aplike nan FEMA apre Siklòn Helene oswa Debby epi w gen domaj anplis nan Siklòn Milton, w ap bezwen aplike pou Milton apa epi bay dat domaj ki pi resan w yo.
Pou jwenn dènye enfòmasyon sou rekonstriksyon pou Siklòn Milton, vizite fema.gov/disaster/4834. Swiv FEMA sou X sou x.com/femaregion4 oswa sou Facebook sou facebook.com/fema.