PEARL, Miss. – Asistans Federal pou katastwòf se pa sèlman pou pwopriyetè kay. Li disponib tou pou lokatè ki elijib yo, enkli etidyan, e li ka kouvri byen pèsonèl esansyèl ak lòt depans ki gen rapò avèk katastwòf tou. Sa yo ka gen ladan lojman tanporè; ranplasman oswa reparasyon zouti ak lòt ekipman ki gen rapò avèk travay, reparasyon veyikil; ak ranbousman depans ki soti nan pòch ou/ki pa asire pou fakti medikal ak dantè.
Lokatè yo ki abite nan konte Amite, Hancock, Harrison, Jackson, Pearl River, Pike, Walthall ak Wilkinson e ki te afekte pa siklòn Ida apati 28 Out pou rive 1ye Septanm ka aplike pou asistans katastwòf FEMA.
Si ou gen asirans lokatè, toudabò rele konpayi asirans ou pou depoze yon reklamasyon. Apresa aplike avèk FEMA. Ou dwe bay FEMA enfòmasyon konpayi asirans ou, sa ki ka gen ladan yon règleman oswa refi.
FEMA ka bay asistans finansye pou moun sila yo ki te lwe kay anvan siklòn Ida kidonk yo kapab lwe yon kay tanporèman pou yo abite si yo deplase nan rezidans prensipal yo. Asistans FEMA pou lokasyon gen entansyon pou kouvri lwaye chak mwa ak depans pou sèvis piblik esansyèl yo (sètadi. gaz, elektrisite ak dlo). Sibvansyon FEMA ka itilize tou pou depo sekirite men pa pou telefòn, kab oswa sèvis entènèt.
Si ou lwe yon apatman sousòl, yon chanm nan yon kay oswa anlè garaj la, ou ka toujou konsidere asistans FEMA. Keseswa ou se yon ko-lokatè oswa pansyonè, si ou se yon lokatè ki te siyen yon kontra lwaye fòmèl (oswa kontra lwaye) avèk pwopriyetè rezidans lan anvan katastwòf la, epi kontra lwaye a montre ou abite nan yon kay pataje, ou ka konsidere separeman pou asistans katastwòf FEMA.
FEMA refere kèk aplikan nan Administrasyon Ti Biznis nan Etazini, ki bay prè katastwòf a fèb enterè pou sivivan yo. Moun sila yo ki pa kalifye pou yon prè SBA yo refere yo bay FEMA e yo konsidere yo pou sibvansyon nan Pwogram pou Lòt Bezwen Asistans FEMA. Prè SBA yo ka ede kouvri reparasyon ke konpayi asirans yo pa kouvri. Lokatè yo ka aplike pou prè jiska $40,000 pou repare oswa ranplase atik nan kay ki te andomaje oswa detwi enkli rad, mèb, elektwo-menaje ak lòt pwopriyete pèsonèl.
Si ou kalifye pou yon prè SBA, ou pa oblije aksepte l. Men nou ankouraje w anpil pou konplete aplikasyon an epi soumèt li nan SBA.
Pou aplike pou asistans FEMA:
- Anliy, lè ou vizite www.disasterassistance.gov;
- Lè ou telechaje aplikasyon mobil FEMA nan yon telefòn entelijan oswa tablet, oswa
- Lè ou rele liy èd FEMA nan 800-621-3362. Si ou itilize 711 oswa yon Sèvis Relè Videyo, rele 800-621-3362. Operatè ki pale plizyè lang yo disponib. Liy yo ouvè apati 6 a.m. pou rive minwi CDT sèt jou pa semèn, epi operatè yo ka konekte w avèk yon espesyalis ki pale lang ou an. Si ou itiize yon sèvis relè, sèvis telefòn sou-titre oswa lòt, bay FEMA nimewo pou sèvis sa a.
Eta a te ouvè sant dakèy pou anrejistreman Katastwòf kote ou kapab rankontre fasafas avèk anplwaye FEMA ak eta ki kapab ba ou enfòmasyon sou asistans katastwòf la ki kapab disponib pou ou. Sant yo ap ouvè jiska 13 Novanm Lendi jiska Vandredi 8 a.m. pou rive 6 p.m., Samdi midi jiska 4 p.m., fèmen nan dimanch.
Konte Amite
The Harrison Building
910 Old McComb Liberty Road
Liberty, MS 39645
Konte Hancock
Hancock Resource Center
454 Highway 90, Suite B
Waveland, MS 39576
Konte Harrison
Harrison County Annex Building
9229 Highway 49
Gulfport, MS 39503
Konte Pearl River
Picayune Safe Room
501 Laurel Street
Picayune, MS 39466
Konte Pike
St. Andrews Mission
104 South Front Street
McComb, MS 39648
Konte Walthall
Walthall County EMA Office
908 Armory Road
Tylertown, MS 39667
Konte Wilkinson County
Wilkinson County EMA Office
1495 U.S. Hwy. 61 South
Woodville, MS 39669
Pou aplike pou yon prè SBA, vizite sit entènèt sekirize SBA nan https://DisasterLoanAssistance.sba.gov. Ou ka imèl tou nan DisasterCustomerService@SBA.gov oswa rele Sant Sèvis Kliyan SBA nan 800-659-2955 pou w jwenn plis enfòmasyon.
Dènye delè pou aplike pou asistans FEMA ak yon prè SBA se menm nan: 22 Desanm 2021.
Pou w jwenn dènye enfòmasyon sou efò rekiperasyon siklòn Ida nan Mississippi, vizite www.fema.gov/disaster/4626. Swiv nou sou Twitter nan twitter.com/femaregion4 ak www.facebook.com/fema.