Rimè Sou Respons a Siklòn

Rimè ak move enfòmasyon ka gaye byen vit apre nenpòt dezas. Apre Siklòn Helene ak Milton, nou te wè anpil rimè ki gen gwo potansyèl pou antrave seryezman efò repons a tanpèt oswa anpeche moun jwenn asistans byen vit.

Rete okouran de rimè yo ak magouy yo epi pataje enfòmasyon ofisyèl ki soti nan sous fyab yo. Sa ap ede kenbe oumenm, fanmi ou ak kominote ou an sekirite. Ou ka jwenn enfòmasyon ofisyèl sou Siklòn Helene ak Milton.

Lè ou fè twa bagay byen fasil sa yo ou fè pati pa w la pou ede rimè yo kanpe: 

  • Jwenn enfòmasyon ki soti nan sous ou fè konfyans.  
  • Pataje enfòmasyon ki sòti nan sous ou fè konfyans.  
  • Dekouraje lòt moun pou yo pa pataje enfòmasyon ki sòti nan sous ki pa verifye. 

Rimè yo

Rimè: FEMA pral sèlman bay $750 pou sivivan katastwòf yo pou sipòte rekiperasyon yo.

Sa a se yon tip de asistans ke ou ka apwouve pou li nan yon ti tan apre ou aplike, ki rele Asistans Bezwen Grav. Sa se yon peman davans ki fleksib pou pwodwi esansyèl tankou manje, dlo, lèt fòmila pou ti bebe, pwodwi bay tibebe tete, medikaman ak lòt bezwen grav ki gen rapò ak dezas. Li pa yon fòm ranbousman pou pann kouran oswa ranplase manje epi li gen entansyon pou bezwen ijans sèlman.

Asistans FEMA se PA yon prè. Pandan yo ap kontinye revize aplikasyon w lan, ou ka toujou resevwa asistans adisyonèl pou lòt bezwen tankou sipò pou lojman tanporè, pwopriyete pèsonèl ak depans reparasyon kay. Aprann plis sou tip de asistans FEMA bay.

Chak aplikasyon pou katastwòf yo revize separeman epi yo baze sou sitiyasyon espesifik ou. Elijiblite w pou diferan kalite asistans yo detèmine pandan n ap revize aplikasyon w lan epi nou ka mande yon enspeksyon lakay ou. Si w gen kesyon sou aplikasyon w lan ak pou sa ou kalifye, kontakte nou nan 1-800-621-3362 pou w pale ak yon reprezantan FEMA nan lang ou.

Remak: FEMA ajiste maksimòm kantite asistans finansye ki disponib pou sivivan dezas chak ane fiskal, ki te kòmanse nan dat 1ye oktòb. Nouvo maksimòm pou asistans inisyal pou Bezwen Grav kounye a se $770. Maksimòm sa yo aplike nan nenpòt dezas ki te deklare sou oswa apre 1ye oktòb 2024.

Dènye Mizajou
Retounen anwo