LITTLE ROCK, Ark. – Txawm yog koj twb pib them cov nqi kho tsev los yog nqi theej khoom teej tug uas raug puas tsuaj ntawm cov cua daj cua dub thiab khaub zeeg cua thaum Lub Tsib Hli Ntuj Tim 24-27, 2024, tej zaum FEMA pub tau nyiaj rov qab rau koj, yog tias cov nqi them ntawd tsis tau txais nyiaj tuav pov hwm los them rau los yog lwm lub koom haum. Ua tib zoo khaws cia koj cov ntawv ua pov thawj txog tug nqi them.
Cov neeg nyob rau hauv cov cheeb tsam Baxter, Benton, Boone, Fulton, Greene, Madison, Marion thiab Randolph uas muaj ib lub tsev los yog thaj av uas raug puas tsuaj los tej zaum lawv yuav tsim nyog txais FEMA kev pab.
FEMA tsuas pab duav cov nqi kho tsev uas yuav tsum ua kom thiaj kho tsev kom txaus nyob xwb. Tej hom kho tsev los yog theej tsev uas tsim nyog txais kev pab suav nrog:
- Cov Tshuab Siv Hauv Vaj Tsev: Suav nrog cov tshuab uas sawv daws muaj, xws li lub tub yees, tshuab ntxhua khaub ncaws, thiab ntxiv.
- Khaub Ncaws: Khaub ncaws tseem ceeb uas yuav tsum muaj vim koj cov khaub ncaws xiam, raug, los yog raug qias neeg lawm.
- Cov Khoom Teeb Hauv Tsev: Cov khoom teeb hauv chav pw, chav ua mov, chav da dej, thiab chav nyob.
- Cov Cuab Yeej Tseem Ceeb: Cov cuab yeej thiab khoom siv uas yuav tsum muaj kom thiaj ua tau koj txoj hauj lwm thiab cov khoom siv uas yuav tsum muaj kom thiaj kawm ntawv.
- Cov Khoom Siv Kom Yooj Yim Mus Kev: FEMA kuj muab kev pab duav cov nqi rau tej teej tug uas cov neeg tso npe tsim nyog yuav tsum muaj kom thiaj mus kev vim lawv muaj ib qho xiam oob qhab.
Cov neeg tso npe yuav tsum phim tag nrho nram qab no kom thiaj txais Kev Pab Teej Tug:
- Qhov khoom ntawd yuav tsum yog muab kho los theej vim raug ntawm kev puas tsuaj.
- Cov neeg nyob rau hauv lub tsev ntawd yuav tsum toob kas qhov khoom raug puas tsuaj ntawd. Tej zaum yuav tsis muab FEMA kev pab yog tias tus neeg tso npe siv tau lwm yam uas nws twb muaj es nws tsis toob kas qhov khoom puas tsuaj ntawd.
- Qhov khoom ntawd twb yog lub tsev los yog cov neeg nyob ntawd tswj hwm xwb.
- FEMA yuav tsis muab kev pab rau tej qho thiab/los sis khoom siv yog tias koj xauj tsev thiab qhov khoom ntawd yog tus tswv tsev li.
- Cov khoom siv uas neeg qhua thiab neeg txheeb ze uas tsis nyob rau hauv lub tsev ntawd tsis tsim nyog txais kev pab theej.
Koj tsis tas mus xyuas ib qho chaw rov zoo ntawm kev puas tsuaj kom thiaj tso npe rau FEMA kev pab. Txoj kev yooj yim tshaj kom tso npe rau FEMA kev pab yog thaum mus saib disasterassistance.gov/.
Lwm txoj kev tso npe suav nrog:
- Muab qhov FEMA App txuas rau koj lub xov tooj ntawm tes.
- Hu mus rau FEMA tus xov tooj pab rau ntawm 800-621-3362 nruab lub sij hawm 6 moo sawv ntxov thiab 11 moo tsaus ntuj. Muaj kev pab hauv ntau yam lus. Yog koj siv ib txoj kev pab cuam tham xov tooj xws li lub cuab yeej kaw duab thaum tham lus (VRS), lub cuab yeej sau ntawv thaum tham lus, los yog lwm yam kev pab cuam, ces muab koj tus lej rau kev pab cuam ntawd pub rau FEMA.
- Kom thiaj saib ib zaj nam pab koj tso npe, mus saib: Three Ways to Register for FEMA Disaster Assistance - YouTube.
Kom tau cov ntaub ntawv nyuam qhuav luam tawm tshaj mus saib fema.gov/hmn/disaster/4788. Raws lub as khauj FEMA Region 6 nyob rau hauv X nyob tom X.com/FEMARegion6 los yog nyob hauv Facebook tom facebook.com/FEMARegion6/.