Tsis tas them se rau FEMA cov nyiaj pab. Kev tso npe rau tseem fwv kev pab rov zoo ntawm kev puas tsuaj yuav tsis raug lwm yam txiaj ntsig uas koj txais tau ntawm tseem fwv.
Kev lees txais FEMA kev pab nyiaj yuav tsis raug koj qhov tsim nyog rau cov txiaj ntsig Xaus Saum, Medicare, Medicaid, Cov Kev Pab Yuav Zaub Mov (SNAP) los yog lwm yam txiaj ntsig ntawm lub xeev los yog tseem fwv.
Cov nyiaj pab rov zoo ntawm kev puas tsuaj yuav pab cov neeg dim them cov nqi xauj tsev, nqi kho tsev, nqi theej teej tug, thiab lwm yam nqi rau tej uas yus toob kas uas lub koom haum tuav pov hwm yuav tsis duav.
Yog koj nyob rau hauv cov cheeb tsam Baxter, Benton, Boone, Fulton, Greene, Madison, Marion thiab Randolph thiab koj tau xiam los yog raug tej yam ntawm cov cua daj cua dub thaum Lub Tsib Hlis Ntuj Tim 24-27, ces tej zaum FEMA pab tau.
Tej Txoj Kev Tso Npe Rau FEMA Kev Pab
Muaj ntau txoj kev tso npe:
- Mus xyuas ib Qho Chaw Rov Zoo Ntawm Kev Puas Tsuaj. Kom nrhiav ib qho chaw ze koj, mus saib: DRC Locator.
- Hu mus rau FEMA Tus Xov Tooj Pab rau ntawm 800-621-3362. Muaj kev pab hauv ntau yam lus. Tus Xov Tooj Pab no qhib txhua hnub thaum 6 moo sawv ntxov mus rau 11 moo tsaus ntuj.
- Mus saib DisasterAssistance.gov
- Muab qhov FEMA mobile app txuas rau koj lub xov tooj
Kom saib ib zaj nam pab qhia koj paub tso npe li cas, mus saib: Three Ways to Register for FEMA Disaster Assistance - YouTube. Hnub kawg tso npe rau kev pab yog Lub Yim Hli Ntuj Tim 28, 2024.
Kom tau cov ntaub ntawv nyuam qhuav luam tawm tshaj mus saib fema.gov/disaster/4788. Raws lub as khauj FEMA Region 6 nyob rau hauv X nyob tom X.com/FEMARegion6 los yog nyob hauv Facebook tom facebook.com/FEMARegion6/.