Yog koj yog ib tug tswv tsev nyob rau hauv ib lub cheeb tsam ntawm yim lub hauv lub xeev Arkansas uas txais kev pom zoo txais Nyiaj Pab Tib Neeg thiab koj muaj ib txoj kev los yog ib tug choj uas raug puas tsuaj ntawm cov cua daj cua dub thaum Lub Tsib Hlis Ntuj Tim 24-27, ces tej zaum koj yuav tsim nyog txais kev pab nyiaj ntawm FEMA los yog lub koom haum U.S. Small Business Administration (SBA) kom theej los yog kho txoj kev los yog tus choj ntawd.
Cov cheeb tsam uas tau txais kev pom zoo yog Baxter, Benton, Boone, Fulton, Greene, Madison, Marion thiab Randolph.
Kev Pab Nyiaj Rau Tib Neeg
Siv tau FEMA Lub Khoos Kas Pab Tib Neeg Thiab Tsev Neeg cov nyiaj los mus kho cov kev thiab cov choj uas neeg tswv uas tau raug puas tsuaj lawm. Kom thiaj tsim nyog txais cov nyiaj pab no, cov neeg dim yuav tsum muaj qhov tsim nyog raws li Lub Khoos Kas Pab Tib Neeg Thiab Tsev Neeg thiab yuav tsum yog lawv siv txoj kev los yog tus choj ntawd ua ntej raug kev puas tsuaj. Lawv kuj yuav tsum yog tus tswv tsev thiab lub tsev ntawd yuav tsum yog lawv qhov chaw nyob ua ntej ntais.
Yuav tsum muaj FEMA ib qho kev kuaj ntsuas kom xyuas seb puas tsim nyog muab kho kom thiaj tsav tau ib lub tsheb mus rau thaj av ntawd. Tsis tas li ntawd, tus neeg tso npe kuj yuav tsum tsim nyog raws li ib qho ntawm peb qho nram qab no:
- Txoj kev thiab/lossis tus choj ntawd yog tib txoj kev mus txog thaj av ntawd;
- Tsis muaj leej twg uas cuag tau lub tsev vim txoj kev/tus choj ntawd raug puas tsuaj lawm;
- Qhov nyab xeeb rau cov neeg nyob ntawd muaj kev pheej hmoo vim cov tsheb kub ceev, xws li lub tsheb thauj neeg mob thiab lub tsheb tua hluav taws mus txog tsis taus rau lub tsev.
Thaum uas muaj ntau dua ib lub tsev uas sib faib ib txoj kev uas sawv daws tswj kav, kev pab no yuav muab sib faib nrog txhua tus neeg tso npe uas nyob ntawm txoj kev ntawd. Thaum muaj li no mas, yuav tsum muaj kev sib sab laj thiab ntaub ntawv ntxiv ntawm FEMA thiab txhua tus neeg tso npe.
Kom thiaj tso npe rau FEMA kev pab rov zoo ntawm kev puas tsuaj, hu mus rau 800-621-3362, mus saib DisasterAssistance.gov, muab FEMA App los txuas ntawm lub xov tooj ntawm tes, los yog mus xyuas Ib Qho Chaw Rov Zoo Ntawm Kev Puas Tsuaj Koj nrhiav tau cov chaw nyob tom fema.gov/drc. Tus xov tooj no qhib thaum 6 moo sawv ntxov mus rau 11 moo tsaus ntuj thiab muaj kev pab hauv ntau yam lus. Yog koj siv lub cuab yeej pab tham xov tooj xws li lub cuab yeej yees duab thaum tham xov tooj (VRS), lub cuab yeej sau ntawv thaum sib tham los yog lwm yam cuab yeej, muab tus xov tooj rau koj txoj kev pab cuam ntawd pub rau FEMA. Hnub kawg tso npe rau kev pab yog Lub Yim Hli Ntuj Tim 28, 2024.
Cov Nyiaj Qiv Ntawm Lub Koom Haum U.S. Small Business Administration (SBA)
Lub koom haum U.S. Small Business Administration, uas koom tes nrog FEMA pab cov raug kev puas tsuaj, tej zaum lawv pab tau thiab. Cov lag luam, cov tswv tsev thiab cov koom haum pab dawb, suav nrog cov tuam txhab pab, tej zaum tag nrho cov no txais tau ib qho nyiaj qiv kom kho los yog theej tej qho khoom uas lub koom haum tuav pov hwm yuav tsis pov hwm. Nov suav nrog cov kev los yog cov choj uas neeg tswv uas yuav tsum taug kom thiaj mus txog yus thaj av. Cov tswv tsev uas faib ib txoj kev thiab choj nrog lwm tus tswv tsev los tej zaum lawv yuav tsim nyog txais SBA ib qho nyiaj qiv thiab. Kom thiaj kawm ntxiv txog tus txheej txheem qiv nyiaj SBA no, hu mus rau 800-659-2955, xa email mus rau disastercustomerservice@sba.gov, los yog mus saib SBA qhov vev xaib nyob tom sba.gov/disaster.
Kom tau cov ntaub ntawv nyuam qhuav luam tawm tshaj mus saib fema.gov/disaster/4788. Raws lub as khauj FEMA Region 6 nyob rau hauv X nyob tom X.com/FEMARegion6 los yog nyob hauv Facebook tom facebook.com/FEMARegion6/.