Yog koj twb muaj nqi them rau lub ntees tuag los yog kom rov qab muab neeg tuag faus cia vim cov cua daj cua dub uas tau raug cov cheeb tsam Baxter, Benton, Boone, Fulton, Greene, Madison, Marion thiab Randolph thaum Lub Tsib Hlis Ntuj Tim 24-27, ces muaj kev pab nyiaj rau lub ntees tuag ntawm FEMA.
Cov Nqi Tsim Nyog
FEMA lub khoos kas rau Lwm Yam Toob Kas (ONA) yuav muab kev pab nyiaj pub rau tej nqi ntees tuag vim raug kev puas tsuaj.
Kom thov kev pab nyiaj rau lub ntees tuag, koj yuav tsum xub tso npe rau FEMA kev pab thaum hu mus rau 800-621-3362, mus xyuas ib Qho Chaw Rov Zoo Ntawm Kev Puas Tsuaj, mus saib DisasterAssistance.gov los yog siv qhov app FEMA mobile app.
Cov nqi tsim nyog muaj xws li tus nqi pauv chaw rau lub cev tuag, lub hleb, lub ntees tuag, cov ntawv ua pov thawj txog kev tuag, thaj av muab neeg faus cia, kev hlawv cev tuag, kev muab neeg tuag faus, tus nqi rov qab faus neeg tuag dua yog tias thaj av ntawd raug puas tsuaj, thiab/los sis nyob rau hauv ib lub toj ntxas rau yus tsev neeg nkaus xwb.
Kev Tsim Nyog
Kom paub tseeb tias tsim nyog lawd, FEMA yuav tsum tau txais:
- Ib daim ntawv pov thawj ntawm lub xeev txog tus neeg kev tuag los yog ib tsab ntawv ntawm neeg kuaj cev los yog neeg kuaj cev tuag uas muaj nws qhov sau npe, los yog lwm tus nom ua pov thawj hais tias kev tuag ntawd yog tim kev puas tsuaj puas ntsoog.
- Ntawv qhia hais tias muaj nqi ntees tuag uas tseem tsis tau them tag - ib daim ua pov thawj rau lub ntees tuag cov nqi uas qhia hais tias tus neeg tso npe yuav tsum them, los sis twb them nqi muab neeg faus, rov qab muab neeg faus, los yog nqi ntees tuag.
- Ntawv ua pov thawj tias tsis tau siv lwm yam kev pab them rau cov nqi ntees tuag. Raws li txoj cai qhia mas, FEMA pub tsis tau nyiaj rau ib qho uas lwm lub koom haum twb pab them nqi rau lawm - txawm yog ntawm Xaus Saum los yog cov txiaj ntsig rau Cov Qub Tub Rog los xij.