HONOLULU – Fan tingoren ewe state Hawaiʻi, ewe Federal Emergency Management Agency (FEMA, Achensi fen Tumwunun Emerchensi) a mwutata an epwe atamano ewe Individuals and Household Program (IHP, Prokramen Aninisin Aramas me Imw) non ew ier, mei pachonong ewe Direct Housing Assistance (Pusin Aninisin Imw) faniten chon torir ewe erifafoun punuponen af non Maui.
Ewe aewin 18-maram kinikinin fansoun ren aninisin FEMA IHP epwe mwuch non Feb. 10. 2025 nge iei a atamano ngeni Feb. 10, 2026.
Me fan ewe onukun Robert T. Stafford Disaster and Emergency Assistance Act, FEMA mi tongeni atamano ewe kinikinin aninis pokiten watten metoch mi fis. Ekewe punopunen af non ewe ier a no a esenipato katan imw ngeni Lahaina me atai chomong imw, business, me imwen non neeniach non Maui.
FEMA iei mi angang fengen me ewe state Hawaii ren ekewe chon angang me chon tupw aninis non ach aninis ekewe mi torir ewe osukosuk ne awora ngenir imw me neenier ne nomw. Ekewe keis manaicher mi pwan awora ngeni emon me emon met aninis mi ouchea ngenir.
FEMA a apwungano Direct Lease ren aninisin Direct Temporary Housing non September 2024 iwe iei a awora ukukun 1,194 imwen FEMA.
Nupwen ei atamanen fansoun, ekewe chon torir ewe osukosuk ra tongeni sopwosopwono ne nonomw non ekewe imw mi kawor meren FEMA nge repwe angang won ar ototen kuta pusin imwer me poputa ne meeni rent, onongonong won ar tufichin tongeni. Ukukun momon rent epwe onongonong won ewe U.S. Department of Housing Urban Developmemt (HUD) Fair Market Rent (Momon Kamon Rent mi Anonopok).
FEMA epwe tini ngenir ei esinesinen pesepesen kamon rent.
Ekewe chon nomw non ekewe imw mi awora taropwen ar moni tonong murin ewe osukosuk ika ir mi nomw fan tikin osupwang meren HUD epwe kekitw ar momon rent non ukukun $50 iteiten maram ika mwo resapw tingor me wanong taropwen ar momon imw murin ewe osukosuk.
Ekewe chon nomw non ekewe imw ika ar moni tonong mi nuseni ewe keukun HUD repwe chok awora nour taropwen momon imw murin ewe osukosuk ngeni FEMA an epwe nenengeni e ota fichi ar momon rent pwe repwe tongeni meeni.
FEMA epwe kuta me chuuri ekei aramas ra nomw non ekewe imwen fansoun mwochomwoch ren aworen ekei taropwe me katon ika repwe tongeni meeni. Ei angang a kafisita an epwe ekisatiw nunun chon tingor aninisin rent meren FEMA.
Ren sopwosopwen porousen ei aninisin imw non fansoun mwochowmcoh, kekeri ewe Individual Assistance Housing Hotline ren 808-784-1600. Ika kekeri 2-1-1 ren kopwe chuuri ewe prokramen keis manaichment ren watten osukosuk.
Keri ewe FEMA Fonen aninis non 800-621-3362.Ekewe operator won ekei hotline ra tongeni anisuk non sokopaten fosun fonu. Ika pwe en ka eaea ew aninisin relay usun chok video relay service (VRS), fonen aninisin captioned ika pwan ekkoch kena, ngeni FEMA ewe nampa ren ena aninis.
En mi pwan tongeni kuta aninis won pusin en ren:
Lahaina Gateway (arun ewe Ace Hardware)
Maui County Office of Recovery - West Maui
8 a.m. - 4:30 p.m.
Ofesin CNHA (arun ewe Maui Mall)
Kākoʻo Relief & Aid Services Center
153 E. Kamehameha Ave. Suite 101
Kahului, HI 96732
9 a.m. - 5 p.m.
Ren pwal ekkoch minefeen pworous usun ekkewe angang weires fan iten ewe ekkei watte mi fis won Maui, lo ngeni mauicounty.gov, mauirecovers.org,fema.gov/disaster/4724 me Hawaii Wildfires - YouTube. Mwanchep FEMA ewe sosial media: @FEMARegion9 me pwan facebook.com/fema. I me nukunuk pwe imweich ekeweich Iei aramas en disaster assistance epwe pipisin chiwen aepwó kúe en download aen applications ei sba.gov/hawaii-wildfires.