Release Date:
September 25, 2023
FEMA afen mutata ruu prokram mi awenewen ngeni kewe mi nom non ewe kar won Maui. Ren ew me ew kei prokram, FEMA epwe angang ngeni ekewe companien tumwunun neni ekan wisen angang faniten ewe government me fori etipew me kewe ar kewe nenien rent. Kei neni a kawor faniten kewe mi osupwang non ukukun 18 maram. Ewe Maui County, ewe State of Hawaii, FEMA me ewe private sector ra kukuta kewe ar kei nenien rent mi eoch ngeni famine me emon aramas ren ei prokram, iei mi afat:
- Direct Lease: FEMA epwe eaea kei nenien rent faniten non fansoun mwochomoch.. Ekei neni epwe kewe faniten imwen ew famini, kewe imwen fituw famini, apartments, cooperatives, kewe condomuniums me townhouses.
- Multi-family Lease me Forsefan: An FEMA etipew ngeni ekewe ar kei imw mi kuch fituw famine non (3+) epwe forsefan fan iten ekesiwinin an FEMA eaea atun osukosuk faniten kewe ir mi ketiw neur applicationun kawor ngenir imw.
Eureuren kewe neni pwe epwe ketiw?
- Ekei company repwe awenewen ar kamo ngeni FEMA ekei neni mi pon ren eaea faniten kewe aramas mi ketiw repwe angei ekei aninisin imw non ukukun18 maram, fengen me ewe wewe pwun mi tongeni kamereno ei fansoun.
- Ekei neni epwe nom unukun ewe kar Maui ika kukungeni ian aramas I tingeni tori me ian.
- Ew me ew kei neni epwe fiti ngeni Housing Quality Standards mi forutiw meren ewe U.S. Department of Housing and Urban Development, me meinisin fifi me konik, me pisekin non epwe eoch.
- Ew me ew kei imw epwe wor nenien nonomwun aramas ar repwe kinamwe, fengen me pisekin cook, mwonge, me nenien toton.
- Ekei neni ika imw epwe pwan wor anen me mecheresin tour ngeni kewe neni ren toraku, sikun, nenien sein kunukun ekei, me nenien kamo mwonge.
- Kew ar ekei neni repwe afata nonomwun kamotiwen ekei imw, ika mi tufich.
- Chon ir mi mochen ra tongeni tinato neur taropwe ikei FEMA-DR4724-HI-Contracting@fema.dhs.gov.
Ren minafon porousen ewe forsefan won Maui ren ewe kar, eto ikei mauicounty.gov me fema.gov/disaster/4724. Fiti FEMA online: @FEMARegion9 me facebook.com/fema.