Kilohana Neenien Mwichen Imwen Fansoun Mwochomwoch

FEMA mi otures an epwe awora imwen fansoun mwochomwoch faniten ekewe aramas mi suseni ewe punopunen af non Lahaina 2023. Ei projek epwe kawor ngeni ekewe aramas mi suseni ewe punopunen af non Maui - ewe Kilohana neenien mwichen imw. Epwe wor 167 tapin imw.

• Ewe neenien mwichen imw non Kilohana epwe keuta non ewe fonuen 34 acre mi nomw fan nemenien ewe state me non Lahaina non Fleming Road me Malo Street.
• Kilohana a nomw arun ewe pwan ew neenien mwichen imw, Ka Laʻi Ola, mi kawor meren ewe state Hawaiʻi. Ewe state a ota an epwe forata ekei tapin imw faniten 450 famini.
• Ewe U.S. Corps of Engineer ra fen amwonata ewe neeni me non Kilohana, iwe FEMA a wisen awora ekewe tapin imw me tumwunu ekei imwen fansoun mwochomwoch. 
• Aewin chon repwe nomw non Kilohana repwe skechon ar repwe wareto non Kilohana non Nov 22, 2024. 
• Ei neeni mi pwan pachonong imwen sopw. 
• Epwe pwan kawor pisekin imw, aninisin kapich, me imwen posto.
• Mi pwan forita ena aneen sewer faniten Kilohana, nge a foriata pwan faniten an ekewe ekoch imw me non ewe neeni repwe pwan tongeni pach ngeni. 
• Non Nov, 18, a fen tonong 94 imw me non ewe neeni iwe mi pwan wor ekoch repwe wareto me non ekena week epwe feito. 

Tapin Imwen Fansoun Mwochomwoch

• Ekei imw ra wareto ngeni Kilohana ra fen wesino imwen ew, ruu, ika unungat bedroom iwe mi pwan oponuweta ekewe onukun county, state, me federal.
• FEMA a meeni an epwe kawor ekei imw meren unungat kompani: Dynamic, Timberline me Acuity.
• Ekei imw ra kawor me forita me non continental United States iwe ra ship ngeni Maui.
• Ekei imw ra forita ar repwe oponuweta onukun ewe Americans with Disabilities Act/Uniform Federal Accessibility Standards mi pesepes (me pwan kapacheta pisekin aninis ren neenien komwoch, neenien uranong non tutu, ramps, neenien ipweipw, etc) FEMA epwe apacheta ekei pisekin aninis ika epwe ouchea ngeni ekewe aramas repwe nomw non.
• Ew me ew ekei imw ra forita ra pwan wor masowen me pisekin mei pachonong bed, chepenin bed, chepenin mwongo me seiar. 
• Ekei tapin imw ra forita ar repwe manawatam tori ukukun 30 ier. Nupwen esapw chuen wor chon nomw non ekei imwen fansoun mwochomwoch, FEMA a tongeni amomono ika amwokutu ekei imw ngeni ekoch chon winipos non Maui pwe epwe naf imwen won ewe fonu. 

Porousen Kanstrukson

• Ewe U.S. Army Corps of Engineers ra angei ar ekune meren FEMA non Oct 28, 2023, ar repwe awora ototen forin angang, amwonata ewe fonu, me angangen kanstrukson ren ekewe pisek mi ouchea. FEMA a wisen awora me forata ekewe pusin imwen fansoun mwochomwoch. 
• Ewe USACE kontrak ra fori an angangen amwonata non May 6, 2024.
• USACE ra forata ewe ototen ewe neeni faniten 167 imw non Lahaina me wawu ewe kontrak non April 11 ar repwe poputa ne fori ekewe pisekin amwonatan fonu mi ouchean faniten keutan ekewe imw me etiwa ekewe chon wareto.
  • Aktarius, LLC dba Dawson AKT iei ewe kontraktor. 
• Ewe neeni a no ngeni FEMA me non Oct. 25, 2024. b
• Ewe neenien imw mi wor ukukun 34 acre fonu arun Lahaina, ren ewe aneen Fleming Road, iwe ra poputa ne amwonata angangen kaworen konik me aneen sewer, fifi me aan ren aninisin ewe neenien imw.
• Ei neeni a nomw won fau, iwe a pesepes ar repwe akomw atai ekewe fau me forata ekewe neeni me kraitini ewe neeni ika mi murino. Angangen katan fau a wesino meren Blasting Technology, Inc, me non Kīhei, Hawaii.
• Poputa non Akos 12, Fleming Road a kesip, nupwen ewe USACE kontrak ra angang won atamen ewe sewer iwe ra anukunuk pwe epwe suk sefan non Nov 22, 2024.
  • Mi wor oruwen aneen wa mi suk ar aramas repwe aia nupwen ekoch neeni won Fleming Road mi kesip ren angang.
  • Kose mochen katon ewe USACE Eureuren Aramas mi mak non Akos 5, 2024 ren meni ran epwe kesip ika epwe atai omw fansoun me chon nomw aromw.
• Non Nov. 5, 2024, ewe sewer line a ukukun 64% an epwene wes iwe angangen keutan imw a 78% an epwe wesino. Sia esuku we meinisin epwe wesino me non Mas 15, 2025.

Ren pwal ekkoch minefeen pworous usun ekkewe angang weires fan iten ewe ekkei watte mi fis won Maui, lo ngeni mauicounty.gov, mauirecovers.org, fema.gov/disaster/4724 and Hawaii Wildfires - YouTube. Ka tongeni fiffiti FEMA wóón sakkopaaten neeni wóón social media: @FEMARegion9 and facebook.com/fema.