Federat, estadu yan lokat na ma ga'chong siha man machochocho' para uma ayuda i man lalalaha' ginen pakyo
San Diego, Calif. - Mientras ma kontinunua i chinagin rinikobre siha iya Bariun San Diego dispues di i Henero 2024 na Pakyo, i FEMA, i Ofisinan i Gobietnon California para Setbisiun Dangkulo na Desgrasia Siha (Cal OES) yan lokat na man ga'chong sihia ma kontinunua man machocho' maolek para uma na guaha alibia para i man inafekta na kominidat siha. Gi halom tres simana ha' desdi si Gobietno Gavin Newsom ha asegura i Diniklaran Mayot na Desgrasia ginen as President Joseph R. Biden, mas ki $12.6 miyon esta ma patte huyong para u ayuda residente siha mu ripeha yinamak iyon-niha guma siha yan propiadat.
Adisionat talu para nisisidat rinipeha siha, i Prinibeniyin-FEMA fundon salappi asistensian desgrasia siha man guaha para u fan ayuda yan temporario na sinaga yan asistensian atkilon mientras ha' i man lalalaha' man machochocho' para uma arekla i guma-niha siha.
"Man machocho' todus para chinili asistensian fanansiat halom gi kanai ayu siha i man inafekta nu esti na pakyo yan dilubiu sa esensiat na patte gi kinalamten rinikobre," ilek-na si Cal OES Direktot Nancy Ward. "Iyo-ta dinana chinagi siha siempre ma kontinua para u atetuyi umasegura na guinaha siha man guaha para u diliba esperansa yan ayudu para ayu siha i mu nisisita."
"Para todu ayu i man gai sinapet yinamak gi guma-niha siha yan propiadat ginen i Henero na dilubiu, in komprendi ha' na mappot esti na tiempo yan i rinikobre ningai'an hu fonhayan chaddek," ilek-na si Federal Coordinating Officer Allison Pfaendler. "I FEMA ha komimiti gui para u pribeniyi todu i asistensia ni man guaha para i man lalalaha', kosa ki sina ma bira siha tatti halom gi guma-niha insigidas."
Indibiduat siha, familia siha yan dueniun bisnis siha iya Bariun San Diego ni man kinobre nu i Presidential na Diniklaran Mayot na Desgrasia nai man ginai minalingu siha gi prisenti man mana'e esta Abrit 19, 2024 para uma aplika para asistensian desgrasia.
Para un aplika:
- A'gang i FEMA Helpline gi 800-621-3362 gi 7 a.m. esta 10 p.m. PT kada dia. Ayudu sa guaha gi meggai linguahi siha.
- Hanao online gi DisasterAssistance.gov.
- Download i FEMA mobile app.
- Bisita i Sentrun Rinikobren Desgrasia. Guaha dos na sentru gi prisenti man mabababa gi 10 a.m. esta 7 p.m. PT kada dia. Man gaigi siha gi:
Mountain View Community Center
641 South Boundary Street
San Diego, CA 92113
Spring Valley Library
836 Kempton Street
Spring Valley, CA 91977
- Chinek estao imigrasion siha ti man guaha gi DRCs.
- I uttimo dia para man aplika sa Abrit 19, 2024.
Para i mas alacha na infotmasion FEMA pot i Henero 21-23, 2024, Bariun San Diego atdit na pakyo siha yan dilubiu, bisita www.fema.gov/disaster/4758.
###
I achakin i FEM sa inayuda para taotao antes di, durantin, yan dispues i desgrasia siha.
Todu FEMA na asistensian desgrasia siempre man mapribeniyi sin diskriminasion sigun gi rasa, kulot, henero (inklukluso aminasun dalli), inayek dinalli, rilihon, orihin nasionat, idat, tinai setbi, limiten minenhalom gi Ingles, osino estadun ekonomia.
Yanggen un honggi na iyo-mu direchon kottesia siha man ma desbetga, sina un a'gang i kudet i Civil Rights Resource (Guinahan Direchon Kottesia Siha) gi 833-285-7448 (TTY 800-462-7585). Ayu siha i umu'usa i relay na setbisiu tat kumo i videophone, InnoCaption osino CapTel debi uma na tungo i FEMA sigun gi iyon-niha spesifikat na numeru ni mafatinas para ayu na setbisiu. Mi'linguahi na man fafacho'cho man guaha (yemmi 2 para Espaniot).