Mangitukon daytoy a panid kadagiti sungbat kadagiti masansan a saludsod maipapan iti Tulong Iti Indibidual para kadagiti nakalasat iti didigra.
Usaren ti dropdown menu tapno agsala babaen ti kita ti saludsod wenno i-type ti keyword.
Iti limitado a kasasaad—maibasar iti kinakaro dagiti epekto ti maysa nga insidente ken no dagiti rugit iti pribado a sanikua ket mamagpeggad iti salun-at ken kinatalged ti publiko wenno ti panagsubli ti ekonomia ti komunidad—mabalin nga ikeddeng ti FEMA a maikari ti panangikkat kadagiti rugit manipud iti pribado a sanikua iti sidong ti Tulong a programa iti Publiko (Public Assistance Program). Kadagiti kasta a kaso, makipagtrabaho ti FEMA kadagiti estado, lokal, tribu wenno territorial a gobyerno tapno mangituding kadagiti espesipiko a lugar a maikari ti panangikkat kadagiti rugit manipud iti pribado a sanikua, agraman dagiti pribado a dalan ti danum. Masapul nga agpaay iti interes ti publiko ti pannakaikkat dagiti rugit, saan laeng a makagunggona iti maysa nga indibidual wenno limitado a grupo dagiti indibidual.
No kasapulam ti dagus a tulong iti panangikkat kadagiti rugit manipud iti didigra, kitaem no naipasdek ti Hotline ti Panagdalus iti Krisis iti lugarmo.
Iti sidong ti indeklara ti presidente a dakkel a didigra a naituding para iti Indibidwal a Tulong, mabalin nga agkiddaw ti maysa nga estado, tribu, wenno teritorio iti Tulong para iti Kinaawan Panggedan iti Kalamidad (Disaster Unemployment Assistance, DUA). Ti DUA ket pinunduan ti FEMA, ken ipatpatungpal ti FEMA ken ti Departamento iti Panagtrabaho (Department of Labor, DOL) Administrasyon ti Panangsanay iti Panagtrabaho (Employment and Training Administration, ETA) Makipagtrabaho ti DOL-ETA kadagiti Dagiti Ahensya ti Pwersa ti Panagtrabaho ti Estado tapno mangipaay iti tulong iti kinaawan panggedan kadagiti nakalasat nga awanan iti trabaho wenno saan a makastrek iti trabahoda gapu iti didigra ken agpada a makasabat iti amin a kasapulan iti pannakakualipika para iti DUA ken saan a maikari iti aniaman a sabali pay a benepisio ti kinaawan panggedan manipud iti estado.
Para iti kaaduan a kita ti tulong iti didigra, masapul a paneknekan ti FEMA ti pannakadadaelmo gapu iti didigra babaen ti onsite wenno remote nga inspeksyon. Kalpasan nga isubmitirmo ti aplikasionmo, umawag dagiti empleado ti FEMA wenno ti maysa nga inspektor iti adu a daras iti sumagmamano nga aldaw tapno maeskediul iti oras tapno makompleto ti inspeksyonmo. Mabalin nga agparang ti numeroda kas di ammo wenno kas maiparit a numero ti telepono.
No saannaka a madanon ti FEMA maipapan iti pannakasukimatmo, maipatulod kenka ti surat. Pangngaasiyo ta surotenyo dagiti instruksion iti surat para iti pannakiuman iti FEMA ken panangiskediul iti inspeksionyo. Saan a mabalin a maproseso ti aplikasionmo agingga nga aramidem dagiti maitutop nga addang a naibatay iti surat.
Saan nga agisubli wenno mangaramid iti baro nga aplikasion bayat ti proseso ti tulong iti didigra. Para iti sapasap nga impormasion maipapan kadagiti FEMA remote wenno onsite a panangsukimat iti pagtaengan, pangngaasiyo ta bisitaenyo ti Dagiti Panangsukimat iti Pagtaengan a panid.
Ti kuarta ti kasayaatan a pamay-an tapno matulongan dagiti nakalasat iti didigra. Dagiti donasion a kuarta palubosanna ti boluntario nga ahensia a dagus a mangtaming kadagiti naganat a panagkasapulan. No kayatmo ti agboluntario, makasarakka kadagiti mapagtalkan nga organisasion nga agtigtignay kadagiti naapektaran a lugar babaen ti panagbisita iti Dagiti Nailian a Boluntario nga Organisasion nga Aktibo kadagiti Kalamidad.
Para iti ad-adu pay nga impormasion no kasano a makatulongkayo, bisitaen ti panidtayo a Agboluntario ken Agdonar a panid.
Mabalinmo a sukimaten ti panid ti Dagiti karera ti FEMA tapno mabirokam ti maibagay kenka ken makitam no ania dagiti gundaway nga agdama a magun-odan.
Saan.Iti kaaduan a kaso, saan a kasapulan a bayadan dagiti inted ti FEMA. No addaanka iti seguro a mangsaklaw kadagiti temporario a gastosmo iti balay, ngem kiddawem iti FEMA nga ikannaka iti advance a kuarta tapno matulongannaka a mangbayad kadagita a gastos bayat a maitantan ti segurom, kasapulam a bayadan dayta a kuarta nga agsubli iti FEMA kalpasan a maawatmo ti panangsolbar ti segurom.
Kalpasan ti panagaplay, mabalin a maiturongka iti Administrasyon ti Babassit a Negosyo iti E.U. (U.S. Small Business Administration, SBA) para iti pautang ti tulong iti didigra ti SBA kas paset ti proseso ti tulong iti didigra.
Makitrabtrabaho ti FEMA iti SBA tapno maikeddeng no masapul nga alam ti kuarta iti tulong para iti personal a sanikua wenno tulong para iti transportasion manipud iti FEMA wenno SBA. Saan a mabalin a mangipaay ti FEMA iti kuarta para kadagiti kas kadagitoy a pukaw para kadagiti tattao a kualipikado para iti SBA loan.
Automatiko nga ireferdaka ti FEMA iti SBA tapno maikonsideraka para iti disaster loan no maabotmo ti pagaladagan ti SBA para iti income. Usaren ti FEMA ti tinawen a kabuuan a kita ti sangakabbalayanyo ken bilang dagiti agpampannuray tapno maikeddeng no iturongnaka ti FEMA iti SBA.
Saan a kasapulan nga awatem ti maitukon kenka nga SBA loan; nupay kasta, no naaprobaranka ket saanmo nga awaten dayta, saanka a mairefer manen iti FEMA para iti tulong para iti personal a sanikua wenno tulong para iti transportasion. Mabalinmo nga awagan ti FEMA Linya ti Tulong iti 800-621-3362 no adda kanayonan a saludsodmo wenno kasapulam ti ad-adu pay nga impormasion. Ti tulong ti FEMA ket saan a mabuisan a kita ken saanna nga apektaran ti pannakakualipikarmo para kadagiti benepisio ti Sosyal nga Seguridad, Medicare, Medicaid wenno Programa a Tulong iti Supplementaryo a Nutrisyon (Supplemental Nutrition Assistance Program, SNAP), wenno dadduma pay a pederal a benepisio
No naiyakar wenno naibakuitka ken dimo ammo no nadadael ti pagtaengam, mabalinmo ti bisitaen ti DisasterAssistance.gov tapno agaplikar iti tulong online. Mabalinmo pay a pilien ti tumawag iti FEMA Linya ti Tulong iti 800-621-3362 tapno ibagam iti maysa nga ahente ti maipapan iti agdama a kasasaadmo. No agus-usarkayo iti serbisio ti video relay (VRS), serbisio ti telepono nga addaan kapsion, wenno dadduma pay, itedyo iti FEMA ti numeroyo para iti dayta a serbisio.
Tapno makaaplay iti tulong ti FEMA, kasapulam nga ipaay ti:
Ti deklarasion ti didigra ket mangitudo no ania dagiti lugar a maikari nga umawat iti tulong ti Pederal. Tapno makita no naideklara ti lugaryo:
Dagiti aplikasion ti FEMA a tulong iti didigra ket kadawyan a maawat iti 60 nga aldaw manipud iti petsa ti deklarasion ti didigra, ngem ti deadline ti aplikasion ket mabalin a mapaatiddog pay iti dadduma a didigra.
Mabalinmo nga i-aplay wenno i-update ti impormasionmo online iti DisasterAssistance.gov, tawagam ti FEMA Linya ti Tulong iti 800-621-3362, wenno babaen ti FEMA mobile app.
No agus-usarkayo iti serbisio ti video relay (VRS), serbisio ti telepono nga addaan kapsion, wenno dadduma pay a serbisio ti komunikasion, itedyo iti FEMA ti numeroyo para iti dayta a serbisio.
