‘Oku ‘i ai ha me’a ‘oku ke tokanga ki ai mei he tokoni ‘a e FEMA pea mo e founga ‘e malava ke uesia ai ho ngaahi penefiti mei he fetulolo? ‘Oua te ke hoha’a ki ha me’a. Ko ho tali ‘a e tokoni mei he FEMA ‘oku ‘ikai ta’ofi pe uesia ai ha ngaahi tokoni mei he Fika Ngaue (Social Security), Metikea (Medicare), Metikeiti (Medicaid), Polokalama Tokoni Me’a Kai (SNAP) pe ko ha toe Penefiti mei he Fetulolo. Pea pehe foki, ko e pa’anga tokoni ‘a e FEMA ‘oku ‘ikai ha totongi tukuhau ki ai.
Ko e Founga ‘E Malava Ai He Pa’anga Tokoni ‘a e FEMA ‘O Tokoni’i Koe
Ko e pa’anga tokoni fakatamaki ‘e lava ke tokoni ‘o totongi ha nofo’anga fakataimi, ngaahi fiema’u ki he fakalelei’i ‘o e ‘api, fiema’u ki ha fakafetongi ‘o ha koloa pea mo ha toe fiema’u lahi ‘o ha fakatamaki na’e ‘ikai totongi he ‘inisiua pe ko ha toe ma’u’anga tokoni kehe.
Tokoni Nofo’anga ‘oku kau ai ha fakalelei’i ki he ngaahi pou’anga (structural) ho ‘api nofo’anga. ‘Oku kau ai ‘a e ngaahi matapa sio’ata, matapa, faliki, holisi, ‘aofi, kapineti, hita, tafe’anga ‘ea mo e sisitema ‘ea-konitisini (HVACs), ‘iutiliti (‘uhila, palama mo e sisitema kasa), mo ha hu’anga ki loto/tu’a. ‘E lava foki he FEMA ‘o toe totongi fakafoki atu ha pa’anga na’ake totongi ke ngaohi pe fetongi ho hita, pea pehe ki ha sisitema sepitiki.
Other Needs Assistance may reimburse both homeowners and renters for other out-of-pocket expenses related to the Jan. 21-23, 2024, San Diego County severe storm and flooding, such as:
Ko Ha Toe Fieama’u Tokoni Kehe ‘e lava ke totongi fakafoki ki he kau ‘ouna ‘api mo e kau leni (renters) ki ha toe fakamole na’a nau totongi ‘o fekau’aki pea mo Sanuali 21-23, 2024, Vahenga San Diego matangi malohi mo e tafea, ‘o hange ko e:
- Fakamole fakafaito’o mo e nifo
- Totongi putu mo e tanu
- Fakama’a, pe fakatau ha vala
- Ngaahi naunau faka’api mo e naunau ‘uhila (appliance)
- Ngaahi me’a ngaue makehe ‘oku faka’aonga’i ki ho ngaue
- Tauhi fanau
- Ngaahi naunau fakaako
- Hiki holo mo e tauhi’anga koloa
Ko e ngaahi me’alele ‘oku ke ‘ouna pea na’e lesisita ki he fakatamaki-maumau ko e ka pe loli ‘e malava ke kualafai ke ngaohi pe fakafetongi he FEMA.
Ko e ha ‘a e Founga ke Fakafonu ha Tohi Kole ki he FEMA
Fakafonu ‘a e tohi kole he ‘initaneti he DisasterAssistance.gov, faka’aonga’i ‘a e polokalama mopaila ‘a e FEMA FEMA mobile app pe telefoni ki he 800-621-3362 ‘oku faingamalie ‘a e kau ngaue Tokonitelefoni mei he 7 a.m. ki he 10 p.m. PT faka’aho. ‘Oku tokolahi ‘a e kau fakatonu lea ‘oku nau faingamalie ke tokoni atu. ‘O kapau ‘oku ke faka’aonga’i ha sevesi fakafou, ‘o hange ko e fakafou vitio (Video Relay Service (VRS)), telefoni kiate kinautolu ‘oku tuli pe ko ha toe kautaha kehe, ‘oange ‘a e fika sevesi ko ia ki he FEMA. Ke mamata ki ha vitio ‘o kau ki he founga ke fakafonu ha tohi kole ‘a’ahi: Three Ways to Register for FEMA Disaster Assistance - YouTube.
Ko e ‘aho faka’osi ke fai ai ha tohi kole tokoni ko ‘Epeleli 19, 2024.
Ke ma’u ‘a e fakamatala fakamuimui ki he FEMA ‘i Sanuali 21-23, 2024, Vahenga San Diego matangi malohi mo e tafea, ‘a’ahi ki he www.fema.gov/disaster/4758.
###
Ko e misiona ‘a e FEMA ke tokoni ki he kakai kimu’a, lolotonga mo e ‘osi ‘a e fakatamaki.
Ko e ngaahi tokoni fakatamaki katoa ‘a e FEMA ‘e fakahoko atu ia ‘o ‘ikai ha laulanu ki ha matakali, lanu, fa’unga tangata (kau ai mo e fakahoha’asi fakasekisuale), tu’unga fakasekisuale, lotu, fonua ‘o e tupu’anga, ta’u, tisapiliti, ‘ikai poto he lea Fakapalangi, pe ko ha tu’unga faka’ekanomika.
‘O kapau ‘oku ke tui na’e maumau’i ho ngaahi totonu fakasivile, te ke lava ‘o telefoni ki he Ma’u’anga Totonu Sivile he 833-285-7448 (TTY 800-462-7585). Ko kinautolu ‘oku nau faka’aonga’i ‘a e ngaue fakafou ‘o hange ko ha vitio telefoni, InnoCaption pe CapTel ‘oku tonu ke ‘ilo he FEMA ‘e nau fika totonu ki he sevesi ko ia. ‘Oku faingamalie ‘a e kau fakatonulea he lea kehekehe (lomi’i 2 ki he Sipenisi)