‘O kapau na’a ke fakafonu ha tohi kole tokoni ‘a e FEMA ‘i he ‘osi ‘a e matangi malohi mo e tafea ‘i Sanuali 21-23, 2024 ‘i San Diego pea ‘oku lahi ‘a e ngaahi ‘uhinga na’e ‘ikai ke ke taau ai ki he ngaahi tokoni:
- ‘Oku ke ‘ouna pe leni (rent) ho ‘api, pea ‘oku kei malu pe ke ke nofo ai – Ko e maumau mei he fakatamaki na’e ‘ikai ke hoko ha fakatu’utamaki ia ki ho ‘api ‘oku ke nofo ai. Ko e tokoni nofo’anga ‘a e FEMA ke toe fakafoki ho ‘api ke malu, ma’a pea ‘i ha tu’unga ‘e malava ke faka’aonga’i. Ko ha maumau ki ha ngaahi ‘elia ‘oku ‘ikai faka’aonga’i, hange ko e kelekele ‘oku ‘ikai kau ia he tokoni ‘a e FEMA.
- ‘O kapau na’a ke pehe ko ho ‘api pe ko ha koloa fakafo’ituitui na’e lahi ange ia he maumau mei he lipooti ‘a e ‘inisipekita, te ke lava ‘o fai ha tohi fakatangi mo ha fakamatala ‘a e konitulekita pe ko ha fakafuofua, ha fakamatala ‘a e kau makeniki pe ko ha fakafuofua, ha fakamatala mei he kau ‘ofisiale fakalokolo, pe ko ha tohi mo’ua na’e totongi ko e tupu mei ha fakatamaki pea fakamatala’i ‘a e ‘uhinga ‘oku faikehekehe ai pea mahalo ‘e fiema’u ke ma’u ha pa’anga tokoni ki ai.
- ‘O kapau ko e maumau ki ho ‘api na’e ‘ikai tupu ia mei he matangi malohi mo e tafea ‘i Sanuali 21-23, 2024, pea mahalo te ke pehe ‘oku malu pe ho ‘api ke nofo ai pea ‘oku ‘ikai ke ke taau mo ha tokoni.
- Na’e ‘ikai lava ke tau fetu’utaki – Ko ha konga mahu’inga ‘a e ‘inisipekita ‘api ki he founga tokoni ‘a e FEMA. Tokoni mai ke mau kei hoko atu ‘a e ngaue ki ho tohi kole ‘aki hano fokotu’u ha taimi. Mahalo ko e telefoni fetu’utaki atu ke fokotu’u ai ha taimi ‘e ‘asi atu ia ko ha fika kehe, ‘e fiema’u ke ke tali ‘a e telefoni ko ia. ‘O kapau na’e ‘ikai ma’u ‘a e telefoni pe ko e popoaki ko ia, telefoni ki he Tokonilaine ‘a e FEMA he 800-621-3362 ke ma’u ha fakamatala fakamuimui pea ke talamai pe ‘oku ke kei fiema’u pe ha tokoni. ‘Oku toe lahi foki mo e ngaue ‘a e kau ‘inisipekita ‘api ‘o ‘ikai ngata pe he sio ki he maumau ho ‘api, ‘oku nau fakapapau’i ‘a e ‘ouna, fakamatala kiate koe, pea mahalo te nau toe ‘ilo ki ha me’a ‘i ho ‘api ‘oku faingamalie ke fai ki ai ha tokoni.
- ‘Oku mau toe fiema’u ha fakamatala me ‘iate koe. ‘Oku kau he fakamatala ko ia ‘a e:
- fakamo’oni ki ha ‘inisiua
- ha tohi (kopi) tatau ‘o ha keleimi na’e fakalelei’i he ‘inisiua
- fakamo’oni ‘o fekau’aki mo koe
- fakamo’oni ‘oku ke nofo he ‘api
- fakamo’oni ki he ‘ouna ‘o e ‘api pea/mo e
- fakamo’oni ko e maumau ki ho ‘api ko ho tefito’i nofo’anga ia lolotonga ‘a e fakatamaki.
- ‘Oku ‘ikai te ke loto ke hiki mei ho ‘api, pe ko ha ‘ikai ha fiema’u ia ke ke nofo ha feitu’u kehe lolotonga hano fakalelei’i ho ‘api – ‘O kapau na’a ke talaange ki he FEMA na’e ‘ikai te ke loto koe ke hiki mei ho ‘api ‘oku kei lolotonga fai hano fakalelei’i, ‘e ‘ikai malava ke mau ‘oatu ha tokoni fakapa’anga ke ke hiki. ‘O kapau ‘e ‘i ai ha liliu, fetu’utaki ki he FEMA ke ma’u ‘a e fakamatala fakamuimui ki ho tohi kole.
- Kau Totoni Leni (Renters): ‘O kapau na’a ke nofo ha ‘apaatimeni pea na’e fiema’u he ‘ouna ke ke mavahe ka e lava ‘o ngaohi ‘a e ‘apaatimeni pe ko e fale, telefoni ki he Tokonilaine ‘a e FEMA he 800-621-3362 ke ma’u ‘a e fakamatala ko ia.
Ko e Ha e Founga ‘o e Fakatangi?
Ko e fakatangi ko ha faingamalie ke toe ‘omai ha ngaahi fakamatala pe ko ha ‘uhinga ki ho ta’efiemalie mo e tali na’a mau fakahoko. Ke fai ha fakatangi, fai mai ha tohi kimu’a he ‘aho e 60 mei hono ma’u ‘e mau tohi tali. Fakakau ai mo ha ngaahi fakamatala na’e kole atu. Pehe foki, fakapapau’i ‘oku kau ai:
- Hingoa Kakato, tu’asila lolotonga mo e tu’asila ‘o e ‘api na’e mauamau.
- Ko ho fo’i fika-9 lesisita ki he FEMA (ma’u ‘i ‘olunga he peesi ‘o e tohi tali na’a mau ‘oatu).
- Ko ha tohi ‘oku ne taukapo ki ho kole, hange ko ha fakafuofua fakakonituleki, ngaahi sieke leni (rent), tohi mei he ‘inisiua, ngaahi lipooti ‘inisipekita, ngaahi la’i taa ‘o e maumau pe ko ha tohi totongi mo’ua (receipts).
- Fika tali fakatamaki ‘a e FEMA, DR-4758-CA he peesi kotoa.
- Ko ho fakamo’oni nima mo e ‘aho.
Ko ha founga ‘e fa ke fakahu ai ho tohi fakatangi mo e ngaahi tohi taukapo ki ho keisi:
- Meili: FEMA — Individuals & Households Program National Processing Service Center, P.O. Box 10055, Hyattsville, MD 20782-8055.
- ‘Initaneti: Lomi’i ‘a e DisasterAssistance.gov ke fa’u ha’o ‘akauni pea te ke lava ‘o ‘ohake ai ho ngaahi tohi.
- Fax: ‘Ave ho tohi fakatangi mo e ngaahi tohi taukapo ki he 800-827-8112, Ki He: FEMA — Individuals & Households Program (Polokalama Fakataautaha & ‘Api Nofo’anga).
‘Oku ‘oatu he FEMA ha tokoni fakapa’anga kiate kinautolu mo e ‘api nofo’anga na’e uesia mei ha fakatamaki pea na’e ‘ikai ha ‘inisiua pe ko ha si’isi’i ‘a e ‘inisiua mei ha totongi fakamole fekaunga’aki mo ha fakatamaki. ‘Oku ‘ikai tatau ‘a e tokoni FEMA ia mo e ‘inisiua. Pehe foki, ‘Oku ‘ikai taumu’a ke toe fakafoki ho ‘api ki he tu’unga na’e ‘i ai pea toki hoko ‘a e fakatamaki. ‘Oku fakataumu’a pe ke tokoni’i ho ‘api ke malu pea lava ke ke nofo ai.
Ka ‘i ai ha’o fehu’i ‘o kau ki ho tohi mei he FEMA pe ko e founga ‘o e fakatangi, ‘a’ahi ki he Senitaa Fakalelei’i Fakatamaki pe telefoni ki he Tokonilaine ‘a e FEMA he 800-621-3362 7 a.m. ki he 10 p.m. faka’aho. ‘O kapau te ke faka’aonga’i ha sevesi fakafou ‘o hange ko ha sevesi fakafou vitio, sevesi telefoni ki he tuli pe ko ha me’a kehe, ‘oange ho fika sevesi ki he FEMA ki he sevesi ko ia he taimi ‘oku fai ai ho fakatangi.
‘Oku tokolahi ‘a e kau mo faingamalie ‘a e kau ngaue fakatonulea kiate koe. ‘I he taimi teke telefoni mai ki he Tokonilaine ‘a e FEMA he 800-621-3362, ‘e kole atu he lea Fakapalangi ke lomi’i e 1 ki he Fakapalangi, 2 ki he Sipenisi mo e 3 ki ha toe lea kehe. ‘O kapau he’ikai te ke lomi’i 1, 2 mo e 3, pea tatali pe he telefoni, ‘e lea atu ha taha ‘o e kau ngaue ke fehokotaki mo ha kau fakatonu lea ke tokoni ke fakafonu ho tohi kole tokoni ki he fetulolo.
Ko e ‘aho faka’osi ke fai ai ha tohi kole tokoni ki he FEMA ko ‘Epeleli 19, 2024. ‘E kei tali pe he FEMA ‘a e ngaahi tohi fakatangi pea tokoni kiate kinautolu ‘oku toe ‘i ai ha fehu’i he ‘osi ‘a e ‘aho faka’osi ‘o e tohi kole.
Ke ma’u ‘a e fakamatala fakamuimui ki he FEMA ‘i Sanuali 21-23, 2024, Vahenga San Diego matangi malohi mo e tafea, ‘a’ahi ki he www.fema.gov/disaster/4758.
###
Ko e misiona ‘a e FEMA ke tokoni ki he kakai kimu’a, lolotonga mo e ‘osi ‘a e fakatamaki.
Ko e ngaahi tokoni fakatamaki katoa ‘a e FEMA ‘e fakahoko atu ia ‘o ‘ikai ha laulanu ki ha matakali, lanu, fa’unga tangata (kau ai mo e fakahoha’asi fakasekisuale), tu’unga fakasekisuale, lotu, fonua ‘o e tupu’anga, ta’u, tisapiliti, ‘ikai poto he lea Fakapalangi, pe ko ha tu’unga faka’ekanomika. ‘O kapau ‘oku ke tui na’e maumau’i ho ngaahi totonu fakasivile, te ke lava ‘o telefoni ki he Ma’u’anga Totonu Sivile he 833-285-7448 (TTY 800-462-7585). Ko kinautolu ‘oku nau faka’aonga’i ‘a e ngaue fakafou ‘o hange ko ha vitio telefoni, InnoCaption pe CapTel ‘oku tonu ke ‘ilo he FEMA ‘e nau fika totonu ki he sevesi ko ia. ‘Oku faingamalie ‘a e kau fakatonulea he lea kehekehe (lomi’i 2 ki he Sipenisi)