San Diego, Kalefonia. — O le aso mulimuli e mafai ai ona apalai mo fesoasoani a le FEMA o le Aso Faraile, Aperila 19. O fesoasoani a le FEMA e maua ai apitaga i se taimi puupuu, lipeaina o fale, faleleia o mea totino faaleagaina ma isi ma isi mea na faaleagaina ona o le faalavelave na tupu ia Ian. 21-23, 2024 i le Itumalo o San Diego ona o le afa matautia ma lologa..
Fesoasoani Faaauau a le FEMA
E ui lava i le faamutaina o taimi faatulagaina o le resiatala ia Aperila 19, ae o loo tatala pea le avanoa mo i latou na aafia e faaauau ai ona faafouina faamatalaga lata mai o a latou talosaga, ma tuuina mai nisi faamaumauga atoa ma le siakina o le tulaga ua o’o i ai a latou talosaga e ala i luga o le upega tafa i lagi poo le telefoni.
- O le auala pito i faigofie e fesootai mai ai i le FEMA o le valaau lea i le Lainafesoasoani.
- Valaau le numera faapitoa o le 800-621-3362, 7 a.m. e oo atu i le 10 p.m. PT, i aso taitasi.
- O i latou o loo talia valaau e Maugagana ma e avanoa e tali soo se fesili, faafou faamaumauga lata mai o talosaga ma fesoasoami i apili.
- E maua le avanoa o tagata aafia e fesootai ai i le FEMA 24/7/365 i luga o le upega tafa i lagi ma leapp faapitoa i telefoni feaveai.
- Apalai i le fesoasoani a le FEMA, faafou faamuamauga lata mai, tuuina mai o nisi pepa ma tulaga e faila ai ni apili i le DisasterAssistance.gov.
- Faaaoga le App a le FEMA i telefoni feaveai e apalai ai ma iloilo le tulaga ua oo i ai lau talosaga.
Nonoga tupe a le SBA mo Fesoasoani Mo E Na Aafia
O le aso mulimuli e talia ai talosaga i le SBA o le Aso Faraile foi lea, Aperila 19. O tagata na afaina sa apalai mo fesoasoani a le FEMA ona o le faalavelave e mafai ona faasino i ai le Faalapotopotoga o Pisinisi Laiti (SBA). E mafai e nonoga tupe a le SBA ona kava mea e le’o kavaina e isi inisiua ma alagamanuia.
O le ma’ea lelei o le faatumuina o le talosaga e ono agavaa ai oe i isi fesoasoani a le FEMA, e pei o le toe faaleleia o taavale, mea fale, ma isi mea ua faaalu ai tupe. Afai e talia lau talosaga, e le faamalosia oe e talia le nonoga tupe a le SBA.
E mafai e pisinisi ona nono le tino i tupe e oo atu i le $2 miliona mo soo se tuufatasiga o mea faaleagaina poo tupe faasili (Nonoga Tupe mo Tamaoaiga Aafia.) O e ua faatau a latou fale e mafai ona nono le $500,000 mai i le SBA e lipea ai pe faafou a latou fale o loo aumau ai. O i latou ua faatau fale ma e o loo nonofo i fale mau totogi e mafai ona nono le tupe e oo atu i le $100,000 mo lipea ma le toe faafouina o mea totino faaleagaina.
E mafai e tagata talosaga ona apalai mai i luga o le laina i le sba.gov/disaster. E mafai foi ona apalai mai i le telefoni o Tagata Faigaluega a le SBA i le (800) 659-2955, pe imeli foi i le disastercustomerservice@sba.gov mo isi faamatalaga e uiga i le tautua a le SBA. Afai e te tutuli, faigata na e faalogo, pe le manino foi lau tautala, faamolemole vili le 7-1-1 ina ia maua le fesoasoani a le relay services.
Mo faamatalaga lata mai ale FEMA ma tulaga o le faalavelave o Ian. 21-23, 2024 i le Itumalo o San Diego ona o le afa matautia ma lologa, asiasi ane i le www.fema.gov/disaster/4758.
###
O le misiona a le FEMA o le fesoasoani lea I tagata ae lei tupu, taimi ua tupu ai, ma le maea ona tupu o se faalavelave faale natura.
O fesoasoani uma a le FEMA e tuuina atu e aunoa ma se faa ituau e atagia mai I le faailoga tagata, faailoga lanu, fua I le ituaiga tagata (e o’o lava i le sauaina i soo se auala ae maise ai le amio mataga) pe fua I se talitonuga faale lotu, faa ituau e fua I tausaga, fua I manaoga tumau, fua I le Tapula’a o le silafia o le gagana Igilisi, pe fua I lona taualoa. O ofisa tumaoti o le Disaster Recovery Centers ua puipuia lona saogalemu aua le tuuina atu o fesoasoani mo e ua aafia I se faalavelave. E le faatinoina ni galuega a le Ofisa o le U.S. Immigration and Customs Enforcement and U.S. Customs and Border Protection e lata I nei nofoaga, sei vagana ai nai faafitauli e ono tulai mai e lamatia ai se soifua, pe sauaina ai, pe faatamaia ai se ola. I le ma lenei, e le faasoaina e le FEMA I le immigration poo leoleo ni faamatalaga e uiga I soo se tasi e oo mai I lenei tautua. Afai e te talitonu ua solia lau aia tatau, e mafai ona e faafesootai le Civil Rights Resource i le 833-285-7448 (TTY 800-462-7585). O i latou e faaogaina isi fesootaiga faapitoa e aofia le videophone Innocaption poo le CanTel e ao ina faailoa i le FEMA le numera o le latou telefoni o loo sootaga i lea auaunaga. O loo iai tali telefoni e mau gagana o loo avanoa (oomi le 2 mo le gagana Sipaniolo).Mo isi faamatalaga e maua lea i le fema.gov/disaster/4758