SAN DIEGO – O le vaega o Tautua mo Fa’alavelave Fa’afuase’i (Cal OES) a le Ofisa o le Kovana Kalefonia, le Itumālo o San Diego ma le FEMA, fa’atasi ma nisi pa’aga a le setete ma le lotoifale, o le a tatalaina ni Nofoaga Tutotonu mo Fa’alavelave Fa’anatura (DRC) i le Itumālo o San Diego e amata i le Aso Faraile, Mati 1, 2024. O nei fale lē tumau ua faia e fesoasoani i tulaga toe fa’aleleia mo tagata na sao mai afā malolosi ma lolōga mai iā Ianuari 21-23, 2024.
E avanoa e o’o iā Aperila 19, 2024 mo tagata na sao mai e talosaga ai mo se fesoasoani. E lē avanoa le siakiina o tulaga tau femalaga’iga i nofoaga DRC.
E matala Nofoaga Tutotonu mai le 10 i le taeao e o’o i le 7 i le afiafi, Taimi Pasefika, mo aso e fitu o le vaiaso, vagana ua iai se isi fa’aaliga.
Mountainview Community Center
641 South Boundary Street
San Diego, CA 92113
Spring Valley Library
836 Kempton Street
Spring Valley, CA 91977
E tu’uina mai e DRCs mo tagata na sao mai ni fa’amatalaga mai ofisa o le setete o Kalefonia, FEMA, ma le Pulega o Pisinisi Laiti a le U.S. I se DRC, e mafai e tagata na sao mai ona maua le lagolago e talosaga ai fesoasoani mai le feterale ma tupe nonō mo fa’alavelave fa’anatura, toe fa’afou talosaga ma a’oa’oina mai nisi punā’oa o lo’o avanoa.
O DRC uma e talafeagai mo ē lē atoatoa le malosi. E iai masini fa’atekonolosi e avanoa mo le fesoasoani i tagata sao mai le fa’alavelave fa’anatura ina ia feso’ota’i ma le ‘au faigaluega. O lo’o maua fo’i Fa’aliliu Upu mamao e ala i Vitiō, ma e iai fo’i pakaga mo ta’avale a ē lē atoatoa le malosi, o ala savali fa’asifo ma fale ta’ele. Afai e te mana’omia se fesoasoani mo feso’ota’iga, fa’amolemole fa’ailoa vave i le ‘au faigaluega a le FEMA i le nofoaga tutotonu.
Afai e te mana’omia se lagolago mo ē gugū i le DRC, fa’amolemole fa’afeso’ota’i muamua Aaron Kubey aaron.kubey@fema.dhs.gov ina ia fa’atulaga se aso ma se taimi lua te feiloa’i ai ma le Fa’aliliu upu mo ē gugū.
E lē tuli ina e asiasi i se Nofoaga Tutotonu mo Fa’alavelave Fa’anatura e talosaga ai. E mafai e tagata na sao mai ona ō i luga o le initaneti i le DisasterAssistance.gov, fa’aaoga le FEMA mobile app pe vala’au le Laina Fesoasoani a le FEMA i le 800-621-3362. E avanoa tagata tali telefoni i aso uma mai le 7 i le taeao e o’o i le 10 i le afiafi, Taimi Pasefika. E maua le fesoasoani i le tele o gagana. Afai e te fa’aaogaina se tautua momoli feau, pei o se feau e ala i se vitiō (VRS), se telefoni e iai upu po’o se isi tautua, ave le numera o le tautua lena i le FEMA. Ina ia matamata i se vitiō e uiga i le faiga o le talosaga, asiasi le: Tolu Auala e Resitala ai mo FEMA Disaster Assistance - YouTube.
Mo fa’amatalaga aupito lata mai a le FEMA mo afā malolosi ma lolōga o Ianuari 21-23, 2024 i le Itumālo o San Diego, asiasi i le www.fema.gov/disaster/4758.
###
O le misiona a le FEMA o le fesoasoani i tagata ae le’i tupu, a’o feagai ai, ma le uma o se fa’alavelave fa’anatura.
O fesoasoani uma fa’anatura a le FEMA e tu’uina atu e aunoa ma se fa’ailoga atunu’u, lanu, itupā (e aofia ai ma le sauāina tau feusua’iga), filifiliga fa’aitupā, tapua’iga, tupuaga, tausaga, lē atoatoa le malosi, lē lava le gagana Igilisi, po’o le tamāoaiga. Afai e te manatu ua solia ou āiā tatau, e mafai ona e vala’au i le Laina o Punā’oa o Aiā Tatau i le 833-285-7448.