FEMA Assistance Application Checklist

O i latou e ona fale ma tagata mautotogi i le Itumālo o San Diego e iai ni mea na leiloa pe na fa’aleagaina i afā malolosi ma lolōga o Ianuari 21-23, 2024 e mafai ona talosaga mo fesoasoani o fa’alavelave fa’anatura mai le FEMA. O le aso e fa’atapula’a ai talosaga o Aperila 19, 2024.

Ae le’i amataina lau talosaga i le FEMA, fa’amolemole sauni ane fa’amatalaga ia i lalo.

• Numera Saogalemu Feāloa’i
  • O oe, se isi tagata matua, po’o se tamaitiiti i lou aiga e tatau ona iai uma o tou numera Saogalemu Feāloa’i. O oe po’o latou e tatau o se sitiseni o le U.S., se tagātanu’u lē-sitiseni, po’o se tagata agava’a ae lē-sitiseni.
  • Afai e leai sou numera Saogalemu Feāloa’i, alu i le itulau Social Security Number and Card. E te maua ai fa’atonuga i le mea e fai ma po’o a pepa fa’amaumau o le a e mana’omia.
  • E maua loa lou numera Saogalemu Feāloa’i, ona e toe fo’i mai lea i le DisasterAssistance.gov po’o le vala’au i le Laina Fesoasoani a le FEMA e fai ai lau talosaga.
• Fa’amatalaga o Inisiua
  • Fa’amatala le ituaiga kava o au inisiua na e iai. E ono aofia ai kava i lalo o fuafuaga pei o tagata e ona fale, lolōga, ta’avale, po’o inisiua mo falenofo i ta’avale.
• Fa’amatalaga o le Fa’aleagaina
  • Fa’amatala le fa’aleagaina na mafua i le fa’alavelave fa’anatura. Ia aofia ai le ituaiga fa’alavelave fa’anatura (pei o se lolo, afā, po’o se mafui’e) ma le ituaiga fale po’o se ta’avale (pei o se fale falenofo pipi’i fa’atasi, falenofo i ta’avale, po’o se ta’avale po’o se pikiapu).
• Fa’amatalaga o Mea Tau Tupe
  • Ia tu’uina mai le aofa’i atoa o le tupemaua a lou aiga i le tausaga, ae le’i aveeseina lafoga, i le taimi o le fa’alavelave fa’anatura.
• Fa’amatalaga mo Feso’ota’iga
  • Aumai le tuātusi ma le numera o le telefoni i le nofoaga na fa’aleagaina ma le tuātusi ma le numera o le telefoni o le mea e mafai ona maua atu ai oe i le vaitaimi lenei.
• Fa’amatalaga o Tupe Teu Sa’o (tu’u i le faitalia)
  • Afai e talia, e mafai ona matou teuina sa’o au tupe i totonu o lau teugatupe i le faletupe. Na ona e tu’uina mai lava o fa’amatalaga tau faletupe ia i lalo:
    • Igoa o le Faletupe
    • Ituaiga teugatupe (pei o se tusisiaki po’o se tupeteu)
    • Numera o le fa’afaletupe (routing)
    • Numera o lau teugātupe

E iai Auala Eseese e te Talosaga Ai

• Alu i luga o le Initaneti i le DisasterAssistance.
• Fa’aaogā le FEMA mobile app.
• Vala’au le 800-621-3362 mai le 7 i le taeao e o’o i le 10 i le po, Taimi Pasefika. i so’o se aso. Afai e te fa’aaogāina se tautua avefeau pei o se Tautua Avefeau Vitiō (VRS), telefoni e iai upu po’o nisi, ave lau numera o le tautua lena i le FEMA. Mo se vitiō maua atu e matamata ai pe fa’afefea ona talosaga mo se fesoasoani alu i le: Three Ways to Apply for FEMA Disaster Assistance - YouTube.
• Asiasi i se Nofoaga Tutotonu mo le Toe Fa’aleleia o Fa’alavelave Fa’anatura. I se DRC, e mafai ona e maua ai se lagolago mo le talosagaina o fesoasoani a le feterale ma nogātupe mo fa’alavelave fa’anatura, toe fa’afou lau talosaga ma a’oa’oina ai i nisi punā’oa o lo’o avanoa. E lē o avanoa DRCs mo le siakiina o lou tulaga tau femalaga’iga. O lo’o lisi atu i lalo nofoaga na:

  • Mountain View Community Center 

    641 South Boundary Street 

    San Diego, CA 92113

  • Spring Valley Library 

    836 Kempton Street 

    Spring Valley, CA 91977

E tatala nofoaga uma ia mai le 10 i le taeao e o’o i le 7 i le afiafi, vaganā ua iai se isi fa’aaliga.

Mo fa’amatalaga aupito lata mai a le FEMA i afā malolosi ma lolōga i le Itumālo o San Diego iā Ianuari 21-23, 2024, asiasi le www.fema.gov/disaster/4758.

###

O le misiona a le FEMA o le fesoasoani i tagata ae le’i tupu, a’o feagai ai, ma le uma o se fa’alavelave fa’anatura.

O fesoasoani uma fa’anatura a le FEMA e tu’uina atu e aunoa ma se fa’ailoga atunu’u, lanu, itupā (e aofia ai ma le sauāina tau feusua’iga), filifiliga fa’aitupā, tapua’iga, tupuaga, tausaga, lē atoatoa le malosi, lē lava le gagana Igilisi, po’o le tamāoaiga.

Afai e te manatu ua solia ou āiā tatau, e mafai ona e vala’au i le Laina o Punā’oa o Aiā Tatau i le 833-285-7448 (TTY 800-462-7585). O i latou e fa’aaogāina tautua avefeau pei o se telefonivitiō, InnoCaption po’o le Cap Tel e tatau ona logo le FEMA fa’atasi ma le latou numera o lo’o fa’aaogā mo lena tautua. O lo’o avanoa talitelefoni mo gagana eseese (o’omi le 2 mo le gagana Sipaniolo).