ST. PAUL – ပှၤမံၣ်နံၣ်စိထၣ်ဖိတဖၣ် လၢပတံထီၣ် ကီၢ်စၢဖှိၣ်ကျိၣ်စ့ဂ့ၢ်၀ီတၢ်စိစၢၤမၤစၢၤ ကဘၣ်တၢ်မၤလိာ်အီၤလၢ FEMA ဒီး ဟ့ၣ်အါထီၣ်တၢ်ဂ့ၢ်တၢ်ကျိၤ မ့တမ့ၢ် လံာ်တီလံာ်မီတဖၣ် လၢကမၤဘၣ်အတၢ်ပတံထီၣ်တၢ်ဂ့ၢ်ဆူညါပတီၢ်န့ၣ်လီၤႋ ပှၤတဖၣ်လၢ အလိၣ်ဘၣ်တၢ်မၤစၢၤလုၢ်ဘၢပာ်ဃုာ်တၢ်ဖဲ လါယူၤ 16 သီ - လါယူၤလံ 4 သီကလံၤမုၢ်လီၤ ဒီး ထံဒိၣ်ဘျၢတၢ် ဒီး တပတံထီၣ်ဘၣ်၀ဲဒံးဘၣ်န့ၣ် တၢ်ဆၢကတီၢ်အိၣ်ဒံးလၢအဂီၢ်န့ၣ်လီၤႋ
ပှၤပတံထီၣ်တၢ်တဖၣ်လၢအိၣ်ဒီးတၢ်အုၣ်ကီၤ
နမ့ၢ်ပတံထီၣ် FEMA ဒီး ပာ်ဖျါလၢအိၣ်ဒီးတၢ်အုၣ်ကီၤ လၢတၢ်ဟးဂီၤလၢနဟံၣ်ဃီန့ၣ် နကဘၣ်တီၣ်ထီၣ် တၢ်အုၣ်ကီၤတၢ်အိၣ်တၢ်ဆိးလီၢ် မ့တမ့ၢ် တၢ်ဆိကတီၢ်တၢ်ဂ့ၢ်အလံာ်ပရၢ ဆူ FEMA န့ၣ်လီၤႋ ဒ်လၢတၢ်သိၣ်တၢ်သီအိၣ်၀ဲအသိး FEMA မၤဒီကထြၢတၢ်န့ၢ်ဘျုးလၢ တၢ်လီၤမၢ်တဖၣလၢအုၣ်ကီၤသးခီဖျိတၢ်အုၣကီၤတသ့ဘၣ်န့ၣ်လီၤႋ
ပတံပတထီၣ်တၢ်တဖၣ် အတၢ်သကွံာ်ကညး ဂံၢ်ခီၣ်ထံး FEMA တၢ်ဆၢတဲာ်
ဖးဘၣ်န FEMA လံာ်ပရၢလီၤတံၢ်လီၤဆဲး- အဟ့ၣ်အါထီၣ်၀ဲဒၣ် တၢ်ဂ့ၢ်တၢ်ကျိၤအဂုၤဂၤ ဘၣ်ဃးဒီး နမ့ၢ်ဃုထၢလၢ ကပတံသကွံာ်ကညး FEMA အတၢ်ဆၢတဲာ်န့ၣ် ကဘၣ်တီၣ်ထီၣ်တၢ်ဂ့ၢ်တၢ်ကျိၤမနုၤလဲၣ် န့ၣ်လီၤႋ နတၢ်ဆၢကတီၢ်လၢပတံထီၣ်တၢ်အဂီၢ် အိၣ် 60 သီ စးထီၣ်နံၤသီလၢလံာ်ပရၢပူၤန့ၣ်လီၤႋ
နတီၣ်ထီၣ်လံာ်တီလံာ်မီတဖၣ်ဆူ FEMA သ့လၢကျဲအါဘိန့ၣ်လီၤႋ
- လၢပှာ်ယဲၤ- စူးကါန FEMA ပှာ်ယဲၤစရီႋ လၢကအိးထီၣ် FEMA ဆဲးကျိးန့ၢ်တီၤအကီးတခါအဂီၢ် နုာ်လီၤလၢ DisasterAssistance.gov, စံၢ်လီၤ “Apply Online (ပတံထီၣ်လၢဆဲးကျိးန့ၢ်တီၤ)” ဒီးပိာ်ထွဲတၢ်နဲၣ်ကျဲတဖၣ်တက့ၢ်.
- ခီဖျိလံာ်တၢး- FEMA National Processing Service Center, P.O. Box 10055, Hyattsville, MD 20782-7055
- ခီဖျိဖဲး(စ)- 800-827-8112, ပာ်သူၣ်ပာ်သး- FEMA
- လၢနီၢ်ကစၢ်- ကွၢ်ဘၣ်ဖဲ တၢ်မၤကယါလီၤတၢ်တတၢၣ်တနါလီၢ်ခၢၣ်သး ကွၢ်ဃုလီၢ်ခၢၣ်သးတၢ်လီၢ်ဖဲအံၤ- fema.gov/DRC.
တၢ်ဒုးသ့ၣ်နီၣ်ထီၣ်- တၢ်ပတံထီၣ်တၢ်ဂ့ၢ်အပနိသံ မ့ၢ်၀ဲ လါစဲးပတ့ဘၢၣ် 27, 2024
ပှၤတဖၣ်လၢပတံထီၣ်၀ဲဒံးဘၣ် ဒီး လိၣ်ဘၣ်တၢ်မၤစၢၤအုၣ်ကီၤလုၢ်ဘၢ စးထီၣ်တၢ်ပတံထီၣ်တၢ်ဂ့ၢ်အကျိၤကျဲ သ့ခီဖျိတၢ်ကွၢ်ဘၣ်လၢပှာ်ယဲၤဖီခိၣ်ဖဲ DisasterAssistance.gov, တၢ်ထုးလီၤပာ် FEMA လီတဲစိစိာ်စုအဲး မ့တမ့ၢ် ကိးလီတဲစိ FEMA တၢ်မၤစၢၤအလီကျိၤ ဖဲ 800-621-3362 သ့န့ၣ်လီၤႋ နမ့ၢ်စူးကါတၢ်ဆှၢခီတၢ်တိစၢၤမၤစၢၤ ဒ်အမ့ၢ် ဘံၢ်ဒံၢ်အိၣ်တၢ်ဆှၢခီတၢ်တိစၢၤမၤစၢၤ (VRS), ဘံၢ်ဒံၢ်အိၣ်လၢလံာ်ဖျါတၢ်တိစၢၤမၤစၢၤ မ့တမ့ၢ်အဂၤန့ၣ် ဟ့ၣ်လီၤနနီၣ်ဂံၢ်လၢ တၢ်တိစၢၤမၤစၢၤဝဲန့ၣ်အဂီၢ်ဆူ FEMA တက့ၢ်.
မၤလီၤတံၢ်လၢ ကပတံထီၣ်ဘၣ်အီၤတချုး လါစဲးပတ့ဘၢၣ် 27 သီ တၢ်ပာ်ပနီၣ်ပနိသံန့ၣ်တက့ၢ်ႋ လၢကန့ၢ်တၢ်ဂ့ၢ်အါထီၣ်ဘၣ်ဃး တၢ်မၤဘၣ်လီၢ်ဘၣ်စးက့ၤ တၢ်တနၢာ်တနါ တၢ်ဖံးတၢ်မၤ လၢ Minnesota အပူၤအဂီၢ်န့ၣ် နုာ်လီၤကွၢ် www.fema.gov/disaster/4797 တက့ၢ်.