LITTLE ROCK, Ark. -- FEMA thiab Lub Xeev Arkansas yuav qhib ib Qho Chaw Rov Zoo Ntawm Kev Puas Tsuaj nyob rau hauv lub zos Mountain Home thaum Hnub Tuesday, Lub Rau Hli Ntuj Tim 18 kom thiaj pab cov neeg Arkansas tim ntsej tim muag uas tau raug ntawm Lub Tsib Hlis Ntuj Tim 24-27 cov cua daj cua dub, cua hlob, khaub zeeg cua thiab dej los nyab.
Qhov chaw pab no nyob tom:
Food Bank of North Central Arkansas
1042 Highland Circle
Mountain Home, AR 72653
Qhov chaw pab no yuav qhib Hnub Monday - Hnub Saturday pib thaum 8 moo sawv ntxov mus rau 6 moo tsaus ntuj thiab yuav muab kaw Hnub Sunday.
Qhov chaw tshiab no yuav koom cov chaw rov zoo ntawm kev puas tsuaj uas twb muaj lawm uas qhib thaum 8 moo sawv ntxov mus rau 6 moo tsaus ntuj nyob tom:
Lub Cheeb Tsam Benton County
Northwest Arkansas Community College
Becky Paneitz Student Center, SC 108
1211 SE Eagle Way,
Bentonville, AR 72712
Muaj chaw nres tsheb nyob tom 1202 Water Tower Road rau hauv lub roob nres tsheb uas muaj theem ntau es yuav tsum nres rau theem 2 los theem 3.
Lub Cheeb Tsam Boone County
Boone County Government Building
220 N. Arbor Drive
Harrison, AR 72602
Lub Cheeb Tsam Marion County
Marion County Fairgrounds
513 E Seawell Ave
Summit, AR 72677
Cov neeg uas nyob hauv cov cheeb tsam Baxter, Benton, Boone, Fulton, Greene, Madison, Marion thiab Randolph counties mus xyuas tau qhov chaw twg los tau kom sib ntsib nrog ib tug neeg sawv FEMA cev, lub koom haum U.S. Small Business Administration, nrog rau Arkansas ntau lub koom haum thiab lub tuam txhab hauv zej zog. Tsis tas teem caij kom thiaj tuaj xyuas ib qho chaw rov zoo.
Txhua qhov chaw rov zoo no yooj yim nkag rau cov uas caij lub laub neeg los yog muaj qhov xiam oob qhab twg thiab kuj muaj txuj ci pab tib neeg thiab. Yog hais tias koj toob kas kev pab twg los yog ib tug kws txhais lus piav tes, thov hu mus rau FEMA Tus Xov Tooj Civil Rights Resource Line: 833-285-7448 (nyem 2 rau Lus Mev). Tus xov tooj no qhib thaum Hnub Monday-Hnub Friday 6 moo sawv ntxov mus rau 4:30 tsaus ntuj CT.
Koj tsis tas mus xyuas ib qhov chaw rov zoo kom thiaj tso npe rau FEMA kev pab rov zoo ntawm kev puas tsuaj. Txoj kev sai tshaj kom tso npe rau FEMA kev pab yog thaum mus saib disasterassistance.gov/.
Lwm txoj kev tso npe rau kev pab muaj xws li:
- Txuas qhov app FEMA App rau cov xov tooj ntawm tes
- Hu FEMA tus xov tooj pab rau ntawm 800-621-3362 nruab lub sij hawm 6 moo sawv ntxov thiab 10 moo tsaus ntuj. Muaj kev pab hauv ntau yam lus. Yog koj siv lub cuab yeej pab tham xov tooj xws li lub cuab yeej yees duab thaum tham xov tooj (VRS), lub cuab yeej sau ntawv thaum sib tham los yog lwm yam cuab yeej, muab tus xov tooj rau koj txoj kev pab cuam ntawd pub rau FEMA.
- Kom saib ib zaj nam pab qhia koj paub tso npe li cas, mus saib: Three Ways to Register for FEMA Disaster Assistance - YouTube.
Kom tau cov ntaub ntawv nyuam qhuav luam tawm tshaj mus saib fema.gov/disaster/4788. Raws lub as khauj FEMA Region 6 nyob rau hauv X nyob tom X.com/FEMARegion6 los yog nyob hauv Facebook tom facebook.com/FEMARegion6/.