LITTLE ROCK, Ark. – FEMA qhov kev pab rau xwm txheej kev puas tsuaj muab cov txiaj ntsig uas muab cov nyiaj pab yooj yim ncaj qha rau cov neeg dim siav thaum muaj kev xav tau ntau tshaj plaws. Tsis tas li ntawd, tus txheej txheem uas muaj kev yooj yim thiab qhov kev muaj cai tsim nyog uas tau nthuav dav yuav pab kom cov neeg Arkansas tuaj yeem nkag mus siv tau ntau yam kev pab thiab nyiaj pab rau cov kev xav tau heev.
Yog tias koj muaj kev xav tau heev vim cov cua daj cua dub loj, cua daj cua dub ntsawj raws seem ncaj, cua daj cua dub khaub lig cua thiab dej nyab thaum Lub Tsib Hlis Tim 24-27, ces tej zaum koj yuav tuaj yeem muaj cai tsim nyog tau txais kev them nyiaj ib zaug rau ib tsev neeg dhau los ntawm FEMA lub khoos kas Kev Pab Rau Kev Xav Tau Heev (SNA). Qhov kev them nyiaj no yuav them ntxiv rau lwm qhov kev pab.
SNA yog qhov nyiaj uas them rau cov khoom siv ti tes ti taw xws li dej, zaub mov, kev pab thaum xub thawj, cov khoom siv pub mis, cov mis hmoov pub me nyuam mos, ntaub daiv pawm, cov khoom siv tu cev ua kev nyiam huv, roj tsheb thauj mus los. Hom kev pab no yog muaj rau hauv txhua yam xwm txheej kev puas tsuaj uas tau tshaj tawm rau Kev Pab Cuam Leej Neeg, thiab muaj rau cov neeg dim siav uas ua ntawv thov hauv thawj 30 hnub tom qab tau tshaj tawm tias muaj xwm txheej kev puas tsuaj lawm. Txhawm rau kom muaj cai tsim nyog tau txais SNA, koj yuav tsum yog tus neeg raug rhais chaw nyob, xav tau chaw nyob los sis muaj lwm yam nqi rau xwm txheej ti tes ti taw vim muaj kev puas tsuaj nyob rau hauv koj daim ntawv thov.
Lwm qhov txiaj ntsig ces yog FEMA qhov Kev Pab Rau Kev Raug Rhais Chaw uas suav nrog kev muab nyiaj los pab rau cov kev xav tau fab vaj tse nyob yog tias koj tsis tuaj yeem rov qab mus rau koj lub tsev vim muaj xwm txheej kev puas tsuaj. Cov nyiaj no tuaj yeem muab siv rau kev nyob hauv tsev so, nyob nrog tsev neeg thiab tej phooj ywg los sis lwm yam kev xaiv.
Cov txiaj ntsig no yog muaj rau cov neeg dim siav uas muaj cai tsim nyog nyob rau hauv nroog Benton, Boone thiab Marion uas ua ntawv thov FEMA qhov Kev Pab Rau Leej Neeg.
Kev Pab Rau Kev Xav Tau Heev thiab Kev Pab Rau Kev Rhais Chaw Nyob tseev kom yuav tsum muaj kev tshuaj xyuas kom paub meej tias yeej muaj cai tsim nyog tau txais ua ntej yuav muab nyiaj pab rau cov neeg thov.
Kev Ua Ntawv Thov FEMA
Cov neeg dim siav tuaj yeem ua ntawv thov rau FEMA tau nyob rau ntau txoj hauv kev suav nrog hauv oos lais ntawm DisasterAssistance.gov, kev rub lub FEMA App rau cov cuab yeej ntawm tes, los sis hu rau FEMA Tus Xov Tooj Muab Kev Pab ntawm 800-621-3362. Peb yuav txais xov tooj txhua hnub txij li 6 teev sawv ntxov txog 10 teev tsaus ntuj raws lub sij hawm CDT. Peb muaj kev pab ua ntau hom lus. Yog tias koj siv qhov kev pab cuam xa mus, xws li kev pab cuam vis dis aus relay (VRS), kev pab cuam kev hu xov tooj ua lus piav qhia los sis lwm yam kev pab cuam, muab qhov kev pab cuam ntawd tus xov tooj rau FEMA. Txhawm rau mus saib daim vis dis aus uas tuaj yeem nkag mus saib tau hais txog txoj hau kev ua ntawv thov, mus rau: Peb Txoj Hau Kev Teev Npe rau FEMA Qhov Kev Pab Rau Xwm Txheej Kev Puas Tsuaj - YouTube.
Tej zaum koj yuav muaj cai tsim nyog tau txais yog tias:
- Koj ua daim ntawv thov FEMA tiav lawm;
- FEMA tuaj yeem lees paub koj cov ntaub ntawv txheeb xyuas tus kheej;
- Lub tsev uas koj nyob feem ntau ntawm lub xyoo yog nyob rau hauv cheeb tsam muaj kev puas tsuaj uas rau tshaj tawm;
- FEMA lees paub qhov kev puas tsuaj los ntawm xwm txheej kev puas tsuaj los ntawm kev tshuaj xyuas los sis cov ntaub ntawv uas koj xa tuaj; thiab
- Koj ua ntawv thov kev pab FEMA thaum muaj Kev Pab Rau Kev Xav Tau Heev thiab Kev Pab Rau Kev Raug Rhais Chaw.
Txhawm rau saib cov vis dis aus uas tuaj yeem nkag mus siv tau hais txog Kev Pab Rau Kev Xav Tau Heev, mus rau FEMA Uas Tuaj Yeem Nkag Mus Siv Tau: Kev Pab Rau Kev Xav Tau Heev (youtube.com).
Hais txog rau cov ntaub ntawv tshiab tshaj plaws hais txog Arkansas qhov kev kho kom zoo rov los, mus saib fema.gov/disaster/4788. Soj qab saib FEMA Cheeb Tsam 6 X tus askhauj Twitter ntawm twitter.com/FEMARegion6 los sis nyob hauv Facebook ntawm facebook.com/FEMARegion6/.