Ntawm no yog txoj kev uas cov neeg Arkansas theej tau cov ntawv tseem ceeb uas xiam los yog raug lawm nyob rau hauv cov cua daj cua dub thaum Lub Tsib Hlis Ntuj Tim 24-27. Nov suav nrog cov ntawv uas tej zaum koj yuav tsum muaj thaum tso npe rau kev pab.
Cov Ntawv Xiam
Yog tias cov ntawv tseem ceeb - xws li cov ntawv ua pov thawj txog kev yug los, cov npav xaus saum, cov ntawv pub cai tsav tsheb, cov ntawv txog kev them se, cov cai rau kev tuav pov hwm, thiab ntxiv - yog tej no xiam los yog raug lawm, ntau zaus yuav theej tau yog tiv tauj mus rau cov hoob kas rau cov ntawv tseem ceeb, cov koom haum Xaus Saum, cov koom haum tuav pov hwm thiab lwm yam lub koom haum.
Cov neeg dim yuav tsum faib ntawv xws li ntawv ua pov thawj txog kev tswv av los yog kev xauj tsev, cov lej xaus saum, thiab lwm yam ntaub ntawv txog koj tus kheej thaum tso npe rau kev pab. Ntawm no yog ib daim teev npe txog cov chaw uas theej tau cov ntawv uas xiam lawm:
- Ntawv ua pov thawj txog qhov chaw nyob/kev nyob hauv tsev ntawd: Tiv tauj mus rau 1) koj lub koom haum hauv zej zog uas muag roj los fai fab kom tau koj daim tsub nqi, 2) koj lub tsev txhab nyiaj rau daim qhia seb muaj nyiaj ntau npaum li cas, los sis 3) koj tus tswv tsev rau ib daim ua pov thawj txog kev them nqi xauj tsev.
- Ntawv ua pov thawj txog kev yug los: Tiv tauj mus rau lub xeev Arkansas State Department of Health. Mus saib Vital Records (egov.com)
- Cov qauv ntawv txog tsab cai tuav pov hwm: Tiv tauj mus rau koj tus neeg muag kev tuav pov hwm los yog lub koom haum tuav pov hwm.
- Cov ntawv them se rau lub xeev: Mus saib lub xeev Arkansas Department of Finance and Administration qhov vev xaib rau ntawm Income Tax | Department of Finance and Administration (arkansas.gov)
- Cov ntawv pub cai tsav tsheb thiab daim ID: Mus saib qhov vev xaib rau lub xeev Arkansas Department of Motor Vehicles rau ntawm MyDMV Arkansas
- Cov Npav Xaus Saum: Hu mus rau U.S. Social Security qhov chaw ua hauj lwm rau ntawm 800-772-1213, Hnub Monday txog Hnub Friday, 6 moo sawv ntxov mus rau 6 moo tsaus ntuj. Rau cov siv lub cuab yeej TTY ces tus xov tooj yog 800-325-0778. Mus saib Social Security Number and Card | SSA kom thiaj kawm ntxiv txog seb yuav theej tau koj daim npav Xaus Saum li cas.
- Cov npav Medicare: Nkag rau hauv koj lub as khauj Medicare account kom thiaj luam ntawv los yog yuav daim qauv ntawv txog koj daim npav Medicare. Koj kuj hu tau mus rau 1-800- MEDICARE (1-800-633-4227) kom thiaj thov lawv xa ib daim npav tshiab tuaj rau koj lub tsev. Cov neeg siv lub cuab yeej TTY hu tau mus rau 1-877-486-2048. Mus saib www.medicare.gov kom thiaj kawm ntxiv.
- Cov ntawv them se rau tseem fwv: Hu mus rau lub koom haum Internal Revenue Service rau ntawm 800-829-1040, Hnub Monday txog Hnub Friday 7 moo sawv ntxov mus rau 7 moo tsaus ntuj, los yog mus saib www.irs.gov/individuals/get-transcript.
- Cov ntawv txog kev ua tub rog: Mus saib lub koom haum National Archives qhov vev xaib rau ntawm www.archives.gov/veterans.
- Thov Ib Daim Ntsuab tshiab: Mus saib kev Kev Theej Koj Daim Npav Ntsuab.
- Cov ntawv txog kev ua tswv tsev los thaj av (cov ntawv them nqi tsev, cov ntawv ua pov thawj txog kev tswv tsev, thiab ntxiv): Tiv tauj mus rau ib tug neeg muag tsev, neeg sau nyiaj nqi tsev, koj lub koom haum qiv nyiaj yuav tsev, los yog koj Lub Cheeb Tsam Kws Kuaj Tsev qhov chaw ua hauj lwm.
- Cov ntaub ntawv txog kev kho mob thiab tshuaj yuav: Feem ntau cov ntaub ntawv no yog fai fab nkaus xwb; tiv tauj mus rau koj tus kws kho mob, chaw kho mob, los chaw muag tshuaj.
- Cov ntaub ntawv txog tsev neeg: Lub koom haum The National Archives (archives.gov) muaj ntaub ntawv qhia seb yuav tseg tau ntawv uas raug lawm thiab lwm yam ntaub ntawv uas koj yuav nyiam.
Kom tau cov ntaub ntawv nyuam qhuav luam tawm tshaj mus saib fema.gov/disaster/4788. Raws lub as khauj FEMA Region 6 nyob rau hauv X nyob tom X.com/FEMARegion6 los yog nyob hauv Facebook tom facebook.com/FEMARegion6/.