Cov neeg nyob rau hauv lub xeev Arkansas uas nyob hauv cov cheeb tsam uas sau cia nram qab no uas tsis muaj dej ntshiab siv vim lawv lub qhov dej los yog lub thawv rau dej qias neeg raug puas tsuaj ntawm Lub Tsib Hlis Ntuj Tim 24-27 cov cua daj cua dub thiab khaub zeeg cua los tej zaum lawv yuav tsim nyog txais FEMA kev pab.
Cov Cheeb Tsam Tsim Nyog Txais Kev Pab
Baxter, Benton, Boone, Fulton, Greene, Madison, Marion, thiab Randolph.
Muaj Kev Pab Zoo Li Cas?
Hais txog cov qhov dej thiab thawv dej qias neeg uas neeg tswv, FEMA pub tau nyiaj rau koj los duav tus nqi rau ib tug kws kho dej tuaj xyuas koj lub tsev thiab npaj ib daim ntawv qhia tus nqi them kom kho los yog theej koj lub qhov dej los yog lub thawv dej qias neeg.
Tsis tas li ntawd, tej zaum FEMA kuj yuav them tag nrho tus nqi kho los yog theej koj lub thawv dej qias neeg los yog lub qhov dej, uas lub koom haum tuav pov hwm yuav tsis duav.
Yog koj twb tso npe rau FEMA kev pab thiab tseem tsis tau muaj leej twg tuaj kuaj koj lub tsev, ces koj yuav tau hu mus rau FEMA Tus Xov Tooj Pab rau ntawm 1-800-621-3362. Thaum tus kws kuaj tsev tuaj xyuas koj lub tsev mas, thaum ntawd qhia FEMA tus kws kuaj tsev tias koj tswv ib lub qhov dej thiab/lossis lub thawv dej qias neeg uas tej zaum raug puas tsuaj ntawm qhov cua daj cua dub.
Yog kuaj pom tias kev puas tsuaj ntawd yog tim cov cua daj cua dub thiab dej los nyab mas, tej zaum koj yuav tsim nyog txais FEMA kev pab.
Yog koj twb muaj leej twg tuaj kuaj koj lub tsev tiam sis koj tsis tau qhia tus kws kuaj ntawd txog koj lub qhov dej los lub thawv dej qias neeg uas raug puas tsuaj lawm, ces tiv tauj mus rau FEMA Tus Xov Tooj Pab kom thov ntaub ntawv seb koj yuav thov nyiaj rov zoo ntawm kev puas tsuaj ntxiv li cas. Thov khaws cia tag nrho cov kws ua hauj lwm cov ntawv qhia tus nqi thiab cov ntawv ua pov thawj txog tus nqi them thiab muab xa mus rau FEMA thaum koj thov nyiaj ntxiv. Koj kuj mus nyeem tau tsab ntawv txiav txim siab ntawm FEMA kom txais lus qhia ntxiv.
Cov neeg dim tso tau npe rau FEMA kev pab nyob tom DisasterAssistance.gov, thaum hu mus rau FEMA Tus Xov Tooj Pab rau ntawm 1-800-621-3362 los yog dhau ntawm kev muab FEMA Mobile App txuas rau koj lub xov tooj. Yog koj siv ib txoj kev pab cuam tham xov tooj xws li lub cuab yeej kaw duab thaum tham lus (VRS), lub cuab yeej sau ntawv thaum tham lus, los yog lwm yam kev pab cuam, ces muab koj tus lej rau kev pab cuam ntawd pub rau FEMA.
Kom tau cov ntaub ntawv nyuam qhuav luam tawm tshaj mus saib fema.gov/disaster/4788. Raws lub as khauj FEMA Region 6 nyob rau hauv X nyob tom X.com/FEMARegion6 los yog nyob hauv Facebook tom facebook.com/FEMARegion6/.