LANSING, Mich. – Hnub no yog hnub kawg uas cov neeg dim Lub Yim Hli Ntuj Tim 24-26, 2023 cov cua daj cua dub, khaub zeeg cua thiab dej los nyab nyob rau hauv cov cheeb tsam Eaton, Ingham, Ionia, Kent, Livingston, Macomb, Monroe, Oakland thiab Wayne counties thiaj tso tau npe rau tseem fwv kev pab.
Lub caij tso npe rau tseem fwv kev pab rov zoo ntawm kev puas tsuaj yuav kaw thaum 11:59 tsaus ntuj, hnub no, Lub Tsib Hlis Ntuj Tim 8, 2024.
Yog koj muaj nqi kho tsev los rov zoo ntawm kob nag cua thiab koj nyob los yog muaj ib lub lag luam rau hauv cov cheeb tsam Eaton, Ingham, Ionia, Kent, Livingston, Macomb, Monroe, Oakland thiab Wayne counties, ces koj yuav tau tso npe sai li sai tau. FEMA kev pab pub tau nyiaj txiag thiab SBA muaj nyiaj qiv rau tsev nyob ib ntus, nqi kho tsev thiab lwm yam kev toob kas ntawm kev puas tsuaj.
Kom thiaj tso npe, mus saib DisasterAssistance.gov, siv qhov FEMA App los yog hu mus rau FEMA Tus Xov Tooj Pab rau ntawm 800-621-3362 nruab lub sij hawm 7 moo sawv ntxov thiab 11 moo tsaus ntuj. Muaj neeg tshaj lij uas txawj hais ntau yam lus khoom pab. Yog koj siv cov cuab yeej pab tham xov tooj xws li kaw duab thaum tham xov tooj (VRS), sau cov lus uas hais los yos lwm yam lub cuab yeej, ces muab koj tus xov tooj rau txoj kev pab cuam ntawd pub rau FEMA thaum koj tso npe.
Kom thiaj kawm ntxiv txog kev rov zoo ntawm kev puas tsuaj nyob rau hauv lub xeev Michigan, mus saib www.fema.gov/disaster/4757.
###
FEMA tsis xaiv neeg raws li lawv haiv neeg, nqaij xim, haiv neeg, poj niam los txiv neej, nyiam poj niam los txiv neej, kev ntseeg ntuj, hnub nyoog, qhov xiam oob qhab, txawj hais lus Meskas, los yog vim muaj nyiaj los tsis muaj. FEMA muab kev pab dawb rau tib neeg kom pab lawv sib tiv tauj nrog peb thiab to taub txog FEMA cov khoos kas:
- Muaj ntaub ntawv rau cov dig muag kov, tsiaj ntawv loj, los yog rau neeg mloog.
- Muaj ntaub ntawv fai fab uas yooj yim nkag nyob rau ntawm FEMA qhov vev xaib.
- Cov kws txawj piav tes.
- Cov kws txhais lus ua ntau yam lus.
- Muaj ntaub ntawv uas muab sau ua lwm yam lus.
Yog koj xav tau kev pab kom siv FEMA ib lub khoos kas los yog txoj kev pab cuam, los yog ib lub khoos kas los txoj kev pab cuam uas FEMA pub nyiaj rau los sis xav qhia kev txhawj xeeb los kev tsis txaus siab vim raug ntsej muag xaiv, thov hu mus rau FEMA rau ntawm (833) 285-7448 [Nias 1 rau Lus Meskas, 2 rau Lus Mev, 3 rau Lwm Yam Lus] los sis xa email mus rau FEMA-CivilRightsOffice@fema.dhs.gov.