Dagiti Masansan a Saludsod Maipapan iti Didigra

Mabalinmo nga usaren ti Tulong ti Pagabangmo tapno abangam ti aniaman a kita ti balay a kasayaatan a maibagay tapno maipaay dagiti temporario a kasapulam iti temporario a balay kalpasan ti didigra. Gagangay nga usaren dagiti aplikante ti Tulong ti Pagabang tapno abangan ti apartment wenno balay bayat a matarimaan ti pagtaenganda wenno agingga a makasarakda iti mas permanente a solusion ti balay kalpasan ti didigra.

Ti gatad ti Tulong ti Pagabang award-yo ket naibatay iti Patas nga Abang ti Merkado (FMR) nga impasdek ti Departamento ti Panagbalay ken Urban a Panagdur-as (Department of Housing and Urban Development, HUD) para iti lugar a nakaisaadan ti rental property ken ti bilang dagiti kasapulan a kuarto. Dagiti naited a Tulong ti Pagabang ket saan a mabalin a lumabes iti gatad ti HUD FMR malaksid no autorisado iti disaster-specific basis.

Wen. Mabalin a kualipikadoka para iti tulong ti FEMA iti didigra uray no addaanka iti seguro. Nupay kasta, kasapulam ti mangipila iti panangtunton iti mangipapaay ti segurom ken isubmite tipanagsolbar ti seguro wenno surat ti panangilibak iti FEMA tapno maikeddeng ti pannakakualipikarmo iti sumagmamano a kita ti tulong. 

Babaen ti linteg, saan a mabalin nga ulitenti FEMA dagiti benepisio para kadagiti lugi a sakupen ti Seguro yo.

Tapno masalaknibam ti bagim manipud iti panangallilaw ken panagtakaw iti pakabigbigan, paregtaenmi nga agannadka no ibinglaymo ti personal nga impormasionmo.

No patiem a biktimaka ti panagtakaw iti pakabigbigan, wenno adda nagaplay iti FEMA nga agus-usar iti personal nga impormasionmo, pangngaasim ta tawagam ti 800-621-3362. Dimo kontaken ti FEMA Dibisyon ti Inspeksyon ken Imbestigasyon iti Panagkusit, Opisina ti Inspektor Heneral ti DHS, wenno ti Nailian a Sentro para iti Panagkusit iti Kalamidad para iti panggep a panangireport iti panagtakaw iti pakabigbigan.

Ireport ti aniaman a sabali a kita ti panagkusit iti didigra babaen ti panag-email iti StopFEMAFraud@fema.dhs.gov. Para iti ad-adu pay nga impormasion, bisitaen ti panid ti panagkusit iti didigra.

No kasapulam ti tulong a mang-access iti online account-mo wenno mapaspasaranmo ti dadduma pay a teknikal nga isyu, tawagam ti Internet Help Desk iti 800-745-0243.

Tulongannaka dagiti espesialista iti teknikal a suporta a makagun-od iti access iti account-mo ngem dida makita ti aplikasionmo wenno masungbatan dagiti espesipiko a saludsod maipapan iti aplikasion ti tulong iti didigra ti FEMA.

Dagiti FEMA Disaster Recovery Centers (DRCs) ket temporario nga opisina a naipasdek kalpasan ti didigra tapno mangipaay iti suporta kadagiti naapektaran a lugar ken komunidad. Mabalin a tumulong dagitoy nga opisina iti proseso ti aplikasion, mangsungbat kadagiti saludsod maipapan iti aplikasionmo, ken tumulong kenka a mangisubmitir iti impormasion iti FEMA. Mabalinmo pay a bisitaen dagiti dadduma a kasosyo a mangsuporta iti didigra (Administrasyon ti Babassit a Negosyo, ti Red Cross, kdpy.) iti maysa a DRC.

Mabalin nga mangipaay ti FEMA iti pinansial a tulong tapno makatulong a mangsaklaw kadagiti gastosmo iti panagakar ken/wenno panagidulin.

Mabalin nga ipaay ti FEMA ti pinansial a tulong tapno mataming dagiti baro wenno immadu a gastos iti panangaywan iti ubing gapu iti didigra para kadagiti maikari a sangakabbalayan nga addaan iti:

• Ubbing nga agtawen iti 13 ken nababbaba; ken/wenno
• Dagiti ubbing agingga iti edad a 21 nga addaan iti baldado, kas inlawlawag ti Pederal a linteg.

Mabalin a kontaminado ti danum iti gripo ken saan a natalged nga usaren wenno inumen kalpasan ti didigra.

• Suroten ti departamento ti salun-at ti estado, lokal, wenno tribuyo para kadagiti espesipiko a rekomendasion maipapan iti panagburek wenno panangagas iti danum iti lugaryo.
• Dika uminum, agbuggo kadagiti pinggan, agsipilio, agbuggo ken agsagana iti taraon, bugguan dagiti ima, agaramid iti yelo, wenno ilaok ti pormula ti maladaga iti danum a pagarupem -- wenno naibagam -- a saan a natalged.
• No kontaminado ti danum iti lugaryo, agusarkayo iti naibotelia, naipaburek, wenno naagasan a danum para iti inumen, panagluto, ken personal a kinadalus.

Tapno maammuan ti ad-adu pay, bisitaen ti giya ti Ahensya ti Pannakasalaknib iti Aglawlaw maipapan iti Emerhensya a Panagdisinpeksyon it Danum a Mainum

Agduduma ti oras ti panagandar kadagiti FEMA Disaster Recovery Centers (DRCs) sigun iti lokasion. Pangngaasiyo ta bisitaenyo ti DRC a Panagbirok tapno matulongannakayo a mangbirok kadagiti oras, serbisio, ken lokasion dagiti lokal a DRC.

Limitado ti FEMA Tulong iti Panagtarimaan iti Balay (Home Repair Assistance) ken nairanta a mangipaay iti pondo para kadagiti kangrunaan a pannakatarimaan tapno agbalin a mabalin a pagnaedan ti pagtaengan. Saan a kapada dayta ti insurance ken iti kaaduan a kaso, dina maisubli ti pagtaenganyo iti kasasaadna sakbay ti didigra.

Tapno makasarak iti ad-adu pay nga impormasion para kadagiti dadduma a rekurso, bisitaen ti panid ti Boluntario ken Naibatay iti Komunidad nga Organisasion