‘Oku fa’a lahi ‘a e ngaahi fanongo talanoa mo e kākā ‘oku sasala ‘i he hili ‘o ha fakatamaki. Fai ho’o Fatongiá ke ta’ofi ‘a e mafola ‘o e ngaahi talanoa ni ‘i ho’o fakahoko ‘a e ngaahi me’a faingofua ‘e tolu ko eni:
Fakalotosi’i’i ‘a e kakai kehé ‘i hono vahevahe ‘a e ngaahi fakamatala mei he ngaahi ma’unga tala ta’efalala’angá.
Ko e loi eni. ‘Oku ‘ikai ke totongi fakauike ‘e he FEMA ‘a e kakai ke tokoni ki he ngāue fakama’á.
Kaekehe, ‘i he ngaahi fakatamaki ‘e ni’ihi, ‘e lava ke ‘oatu ‘e he FEMA ha fo’i tokoni-tu’otaha ki he kakai taautahá ke tokoni ki henau fakama’a ‘apí. Ki hono ‘ilo pe ‘oku ke kau heni, kole ‘i he DisasterAssistance.gov.
‘Oku ‘ikai ke mo’oni eni. ‘E malava ke kole tokoni ‘a kinautolu ‘oku nofo totongi ki he FEMA.
‘E malava ke ‘oatu ‘e he FEMA ha seniti kiate kinautolu na’e nofo totongi kimu’a pea hoko ‘a e fakatamaki ke tokoni ki hono totongi ‘o e ngaahi fakamole ki he nofo’anga fakataimi, ngaahi fakamole ki hono ngaahi pe fetongi ‘o ha me’alele mo ha ngaahi naunau fakataautaha makehe. ‘E malava foki ke tokoni ‘a e FEMA ke totongi ha ngaahi fakamole ki he fiema’u fakafaito’o, fakafaito’o nifo, tauhi fānau, fetukutuku mo tauhi ‘oku ‘ikai ke kau ‘i hono malu’í.
Kapau ‘oku fakangofua mai ke ngāue’aki ‘a e Tokoni Fakapatonu ki he Fale Nofo’anga (Direct Housing Assistance) ‘i he fakatamaki ko ia, ‘e malava ke kau ‘a kinautolu na’e nofo totongi kimu’a ‘a e fakatamaki ki he Tokoni Fakapatonu ki he Fale Nofo’anga Fakataimi (Direct Temporary Housing Assistance) kapau ‘oku ‘ikai ke nau lava ‘o ngāue’aki ‘a e tokoni fakapa’angá ke kumi ha fale nofo’anga fakataimi.
‘Oku ‘ikai ke mo’oni eni. Kapau ‘oku ‘i ai hao malu’i, ‘e lava ke ke kole tokoni ki he FEMA ka kuopau ke faile ha’o tohi malu’i. ‘E ‘ikai lava ke tokoni ‘a e FEMA ki he ngaahi fakamole ‘e malava ke fua ‘e he malu’í kae’oleva ke ‘omai ‘a e fakamatala ho’o malu’í pe fakamo’oni ‘oku ‘ikai ha malu’i, ka ‘e lava ke tokoni ‘a e FEMA ki he ngaahi fakamole ‘oku ‘ikai ke fua ‘e he malu’í. Kapau ‘oku ‘ikai ke fua kotoa ‘e he malu’í ‘a e ngaahi fakamole kotoa felāve’i mo e fakatamaki, pea ‘oku si’isi’i ange ‘a e pa’anga malu’í ‘i he pa’anga lahi taha ‘e ala ma’u mei he FEMA, ‘e malava ke ke kau ki he tokoni ‘a e FEMA.
‘A’ahi ki he peesi FAQ ki ha ngaahi fakamatala lahi ange.
‘Oku fa’a ‘ave ‘e he FEMA ‘a e tokoní ki he kole tokoni ‘e taha ke tokonia kotoa ‘a e memipa ‘o e fāmili mei he kimu’a ‘o e fakatamaki. Kaekehe, ‘e sivisivi’i ‘e he FEMA ‘a e ngaahi fiema’u makehe ange ‘o e ni’ihi kuo hao mo’uí ke fakakau ai ‘a e ngaahi ‘api pe fāmili ‘oku malava ke nau mavahevahe tupu mei he fakatamaki, ngaahi ‘api ‘oku ‘i ai ‘a e kau nofo loki taha, pe ‘i ha taimi ‘oku ‘i ai ha felāve’i fakapa’anga ‘i he vaha’a ‘o ha tokotaha ma’u ‘api ‘oku nofo ‘i he ‘apí fakataha mo ha kau nofo totongi.
‘E ‘ikai lava ke ke kole tokoni totongi loki hōtele mei he FEMA ‘i ha’o fetu’utaki ki ha fa’ahinga fika. Kaekehe, ‘e lava ke totongi fakafoki atu ‘e he FEMA ‘a e ngaahi totongi nofo’angá ki he ni’ihi taautaha mo e ngaahi fāmili ‘oku taau mo e tokoni ko ení. Ke vakai pe ‘oku ke kau ‘i he tokoni ko ení, kole ‘i he DisasterAssistance.gov.
‘Oku ‘ikai ke mo’oni eni. ‘I he ngaahi keisi lahi, ‘oku ‘ikai fiema’u ke toe totongi fakafoki ‘a e ngaahi tokoni fakapa’angaa ‘a e FEMA. Kapau ‘oku ‘i ai ho’o malu’i ‘oku ne totongi ‘a e ngaahi fakamole ki ho’o nofo’anga fakataimi, ka ‘oku ke kole ki he FEMA ke ‘oatu ha pa’anga ke tokoni ki hono totongi ‘a e ngaahi fakamole ko iá lolotonga ‘a ho’o tali ki ho’o pa’anga malu’í, ‘e fiema’u ke ke totongi fakafoki eni ki he FEMA hili hono ma’u mai ho’o pa’anga malu’í.
Hili ho’o tohi kolé, ‘e malava ke ‘ave koe ki he Va’a Tokangaekina ‘o e Ngaahi Pisinisi IIki ‘o ‘Amelika (U.S. Small Business Administration [SBA]) ki ha nō tokoni he taimi fakatamaki ‘a e SBA ‘o fakakau ko ha konga ‘o e founga tokoni ki he taimi fakatamaki.
‘Oku ngāue fakataha ‘a e FEMA mo e SBA ke fakapapau’i pe ‘oku tonu ke ke ma’u ha pa’anga tokoni ki ho’o koloa taautaha pe fefononga’aki mei he FEMA pe ko e SBA. ‘Oku ‘ikai ngofua ke ‘oatu ‘e he FEMA ha pa’anga ki he ngaahi mole ni ki ha kakai ‘e malava ke nau kau ki ha nō ‘a e SBA.
‘E ‘ave hangatonu pē ko e ‘e he FEMA ki he SBA ke fakakau ko e ki hono fili ki he nō fakatamaki kapau ‘oku ke ma’u ‘a e ngaahi makatu’unga fakae-ma’u’anga pa’anga ‘a e SBA. ‘E ngāue’aki ‘e he FEMA ‘a e pa’anga hū mai fakata’ú mo e tokolahi ‘o e ni’ihi ‘oku ‘i he tu’unga fakafalalá ‘oku ‘asi ‘i ho’o tohi kolé ke fakapapau’i ai pe ‘e tataki ko e ‘e he FEMA ki he SBA. ‘Oku ‘ikai fakamālohi’i ke ke tali ha nō SBA; Kaekehe, kapau kuo tali ho’o kole nō pea ‘ikai ke ke tali ke ma’u mai, ‘e ‘ikai ke toe tataki pe ‘ave fakafoki ko e ki he FEMA ki he’enau tokoni koloa taautaha pe fefononga’akí. ‘E lava ke ke fetu’utaki ki he fika telefoni ‘a e FEMA ‘i he 800-621-3362 kapau ‘oku ‘i ai ha ngaahi fehu’i makehe pe fiema’u ha fakamatala lahi ange.
‘Oku ‘ikai ke mo’oni eni. ‘Oku ‘ikai ke fa’a kau ‘a hono tokangaekina ‘o e ngaahi maumau mei he tāfeá ‘i he ngaahi tu’utu’uni ngāue ‘a e Kautaha malu’i ‘a e Tokotaha Ma’u ‘apí. ‘Oku fa’a ‘i ai ‘a e tu’utu’uni ngāue makehe ia ki he malu’i ‘o e Tāfeá.
‘A’ahi ki he peesi Polokalama Malu’i Tāfea Fakafonuá ke totongi malu’i tāfea pe toe ‘ilo lahi ange.
‘Oku ‘ikai ke mo’oni eni. ‘E kehekehe pē ‘a e taimi ‘e ma’u atu aí koe’uhi ko hono toe siofi takitaha ‘o e ngaahi kolé. Fakatātā ‘aki eni, ‘e lōloa ange ‘a e tali ki he totongi fakafoki ‘okapau ‘e hoko ha fakatamaki lahi pea tokolahi ‘a e kau kolé.
‘Oku ‘ikai ke mo’oni eni. ‘Oku ‘i ai ‘a e totonu ‘a e tokotaha kole kotoa ke tohi tangi. Ko e tohi tangi ko ho’o faingamālie ia ke talaange ki he FEMA ‘a e ‘uhinga ‘oku ‘ikai ke ke tui tatau ai mo e tu’utu’uni na’e fakahoko. ‘E malava ke ke toe ‘omi ha ngaahi fakamatala fo’ou pe tānaki mai mo kole ki he FEMA ke liliu ‘enau tu’utu’uní. Kuopau ke ke ‘omai ‘a e tohi tangi ni kuo fakamo’oni Hingoa ‘i loto ‘i he ‘aho ‘e 60 hili ho’o ma’u ‘a e tohi tu’utu’uní.
‘Oku ‘ikai ke mo’oni eni. ‘Oku malu’i ko e ‘e he malu’i Tāfeá lolotonga ‘a e ngaahi taimi tāfea kehekehe. ‘Oku toki ‘ataa pē ‘a e tokoni fakatamaki ‘a e FEMA ‘i ha taimi kuo hoko ai ha fakatamaki Fakafonua kuo fakahoko mai mei he palesitení. Tānaki atu ki ai, ‘oku ‘ikai ke fa’a fe’unga ‘a e ngaahi tokoni fakapa’anga ‘a e FEMA ke ne tokanga’i kotoa ‘a e ngaahi mole ‘oku hokó.
‘A’ahi ki he peesi Polokalama Malu’i Tāfea Fakafonuá ki ha ngaahi fakamatala lahi ange.
