KOLE KI HE TOKONI Á E PULEÁNGA É NGATA Í HE 25 ÓKATOPA [https://www.fema.gov/to/press-release/20231010/request-public-assistance-deadline-oct-25] Release Date: October 7, 2023 HONOLULU –Ko e ngaahi sino fakapuleánga, ngaahi kautaha fakapuleánga pea mo e ngaahi kautaha taau taha íkai fakapisinisi ó hangē ko e ngaahi fale lotu, é ngata í he áho 25 Ókatopa á énau fakaū mai á énau ngaahi kole ki he paánga Tokoni á e Puleánga  ki he Hawai‘i Emergency Management Agency felaveí mo e ngaahi maumau naé fakatupunga é he ngaahi vela vao í he áho 8 Áokosi. Ko e polokalama tokoni á e FEMA óku ne totongi fakafoki ki he ngaahi siteiti, puleánga fakafeituú pea mo e ngaahi kautaha taau taha íkai fakapisinisi á e ngaahi fakamole kuo tali felaveí pea mo e ngaahi maumau ó kau ki ai á hono toó ó e ngaahi veve, ngaahi founga maluí í he ngaahi meá fakatuúpakē pea mo monomono mo fetongi ó e ngaahi feituú fakapuleánga. Ko e ngaahi poloseki ngaue tuúloa é lava ó kau ki ai á e monomono pe fetongi ó e ngaahi ako, vai pea mo e sistemi fakatafenga vai, ngaahi hala mo e ngaahi hala fakakavakava.  Ko e ngaahi kautaha taau taha íkai fakapisinisi óku nau fakahoko á e ngaahi ngāue óku fiemaú vivili hangē koe ngaahi feituú ki he tokangaekina fakaemoúi pea mo e ngaahi ngāue óku fuú fiemaú é he kakai é lava ke nau kole hangatonu ki he FEMA. Ko e ngaahi fakatātā kehe ó e ngaahi ngāue óku fiemaú vivili óku kau ki ai á e vai, fakatafenga vai pea mo e sistemi úhila, ngaahi ako taau taha óku nau fakahoko á e ako í he levolo lautohi sií, ako kolisi pea mo e ngaahi ako maólunga ange.  Ke malava keke kole ki he tokoni fakapaánga á e FEMA, koe ngaahi kautaha taau taha óku nau óatu á e ngaahi ngaue fakasosiale íkai fuú fiemaú vivili, ó kau ki ai á e ngaahi fale lotu mo e ngaahi senitā fakakolo, kuopau ke nau toe kole ki ha nō totongi tupu maúlalo mei he  U.S. Small Business Administration. É íkai fiemaú keke tatali ki ha tuútuúni pea mei he  SBA ke fakahū ha kole ki he Tokoni á e Puleánga ki he  FEMA fakafou í he  Hawai‘i Emergency Management Agency. Ko e ngaahi fakatātā ó e ngaahi ngāue íkai ko ha fiemaú vivili óku kau ki ai á e ngaahi ékitiviti fakatupulaki fakaeako, ngaahi ngaue ki hono tokangaí ó e fanau, ngaahi ngaue maáe kakai óku faingataáía fakaesino, tokoni ki he moúi moe nofoánga ki he kakai óku maúlalo énau tuúnga vahenga, ngaahi nofoánga maáe kakai óku íkai ha nau ápi mo e ngaahi ngaue fakaakeake pea mo e ngaahi senitā ki he komunitī mo e ngaahi faiánga faiva.  Í he malumalu ó e  fakahā é he Palesiteni á e tuúnga ó ha fakatamaki lahi í he áho 10 Áokosi, ko e Tokoni á e Puleánga é malava ke ngaueáki ki hono toó ó e ngaahi veve, maluí ki he ngaahi meá fakatuúpakē pea mo hono toe fakafoóu ó e ngaahi feituú fakapuleánga í he Vahefonua Maui. Ko e Vahefonua ó Hawaii kuo fakangofua ki he ngaahi tokoni fakapaánga kae fakangatangata pe ki he ngaahi maluí í he tuúnga fakatuúpakē ke tokangaekina á e moúi, moúi á e kakai pea mo e malu.  Koeúhi koe lahi ó e maumau naé fakatupunga é he vela vao,  ko e paánga á e puleánga fetulolo ki hono toó ó e veve í he Vahefonua Maui óku fakangofua peseti é 100 ki he ngaahi fakamole kotoa pe óku tali í he vahaá taimi ko e áho hokohoko é 180 á ia é toki fili é he Puleánga. Í he tuúnga tatau, koe paánga tokoni á e puleánga fetulolo ki he ngaahi  maluí í he tuúnga fakatuúpakē óku fakangofua á Maui mo e ngaahi  Vahefonua ‘o  Hawaii á e peseti é 100  ó e ngaahi fakamole óku tali ki he áho hokohoko é 90 ‘a ia é toki fili é he Puleánga. ’I he áho 8 ó Sepitema, naé fakalahi ai á e ínasi ó e puleánga fetulolo í he poloseki Tokoni á e Puleánga ki he peseti é  90 ó e ngaahi fakamole óku tali, tuku kehe á e tokoni ‘oku tali í he peseti é 100. Ko e ínasi ó e puleánga fetulolo óku totongi ia ki he siteiti ke tufaki ki he ngaahi kautaha, ngaahi puleánga fakafeituú pea mo e ngaahi kautaha taau taha íkai fakapisinisi. Ko e kau kole tokoni kotoa pe óku nau fakaámu ke kau ki he kole tokoni ki he paánga Tokoni á e Puleánga ke nau fetuútaki kia Brian Fisher, ko e taki í he Tokoni á e Puleánga í he Hawai‘i Emergency Management Agency, áki ha hoó tā ki he 808-518-7985. Te ke toe lava foki ó email ki he  Brian.J.Fisher@hawaii.gov pe aú tonu ki he  Hawai'i Emergency Management Agency | REQUEST FOR PUBLIC [https://dod.hawaii.gov/hiema/request-for-public-assistance/] ASSISTANCE (RPA) – State and County [https://dod.hawaii.gov/hiema/request-for-public-assistance/]. Ki he ngaahi fakamatala fakamuimui taha fekauáki pea mo e ngāue fakaakeake mei he vela vao í Maui, álu ki he  mauicounty.gov [https://www.mauicounty.gov/] mo e fema.gov/disaster/4724. [https://www.fema.gov/disaster/4724] Muimuií á e FEMA í he mitia fakasosiale: @FEMARegion9 [https://twitter.com/femaregion9] mo e facebook.com/fema [http://www.facebook.com/fema].