Fanongo Talanoa:‘Oku ‘ikai ke ‘i ai ha’a ku pisinisi ko ia ai ‘e ‘ikai lava keu kole ki ha nō mei he Va’a Tokangaekina ‘o e Ngaahi Pisinisi IIki ‘o ‘Amelika (U.S. Small Business Administration [SBA]).
Fact
‘Oku ‘ikai fiema’u ke ‘i ai ha’o pisinisi ke ke kole ai ha nō fakatamaki mei he Va’a Tokangaekina ‘o e Ngaahi Pisinisi IIki ‘o ‘Amelika (U.S. Small Business Administration).
‘Oku ‘oatu ‘e he SBA ‘a e ngaahi nō tupu-ma’ulalo ki he fakatamaki ki he kau ma’u ‘api, ‘api nofo totongi, mo e ngaahi pisinisi kehekehe Lalahi ki he iiki ‘oku ma’u ‘a e ngaahi makatu’unga.
‘E lava ke ke ngāue’aki ‘a e nō fakatamaki SBA ki he ngaahi me’a ni:
- Ngaahi Fale pe fetongi
- Fakafiemālie
- Naunau taautaha
- Mole ‘a e pisinisi
- Ngaahi me’alele pe fetongi
- Seniti fakalele ngāue ki he ngaahi pisinisi iiki mo e ngaahi kulupu taautaha ta’efakapule’anga.
Kuopau ke totongi fakafoki ‘a e ngaahi nō tokoni fakatamaki SBA.
Tānaki atu ki ai, ‘oku ngāue fakataha ‘a e FEMA mo e SBA ke fakapapau’i pe ‘oku tonu ke ke ma’u ha pa’anga tokoni ki ho’o koloa taautaha pe fefononga’aki mei he FEMA pe ko e SBA. ‘Oku ‘ikai ngofua ke ‘oatu ‘e he FEMA ha pa’anga ki he ngaahi mole ni ki ha kakai ‘e malava ke nau kau ki ha nō ‘a e SBA.
‘E ‘ave hangatonu pē ko e ‘e he FEMA ki he SBA ke fakakau ko e ki hono fili ki he nō fakatamaki kapau ‘oku ke ma’u ‘a e ngaahi makatu’unga fakae-ma’u’anga pa’anga ‘a e SBA. ‘E ngāue’aki ‘e he FEMA ‘a e pa’anga hū mai fakata’ú mo e tokolahi ‘o e ni’ihi ‘oku ‘i he tu’unga fakafalalá ‘oku ‘asi ‘i ho’o tohi kolé ke fakapapau’i ai pe ‘e tataki ko e ‘e he FEMA ki he SBA.
‘Oku ‘ikai fakamālohi’i ke ke tali ha nō SBA; Kaekehe, kapau kuo tali ho’o kole nō pea ‘ikai ke ke tali ke ma’u mai, ‘e ‘ikai ke toe tataki pe ‘ave fakafoki ko e ki he FEMA ki he’enau tokoni koloa taautaha pe fefononga’akí. ‘E lava ke ke fetu’utaki ki he fika telefoni ‘a e FEMA ‘i he 800-621-3362 kapau ‘oku ‘i ai ha ngaahi fehu’i makehe pe fiema’u ha fakamatala lahi ange.